يا أصحاب الصيتي .................................؟

[dr_roufa]

يا جماعة !!!!!!!!!
وقفة لو سمحتم ....
لأ أعتقد إن في واحد من مصلحته إن الفيرنا تبيع ولا واحد من مصلحته إن الصيني يبيع .....
الناس بتحاول تفيد بعضها .... بالرأي
ولما يكون في خلاف في الراي ... ماشي .. انا أحب الكرولا هو يحب الانسر ... في واحد مليونير بس بيموت في ال 128 ....
دي أزواق وأراء مايصحش نحاسب بعض عليها ....
أحيانا تشتعل مشادة كلامية ... ماحدش كسبان من وراها ..
أنا كان غرضي إن اللي عندة الأسبرانزا يقولنا وصفها من جوه ومن برة ومميزاتها وعيوبها ... واللي عندة الهايما والـ إف ثري ... بغض النظر بقه عن صيني ولا مش صيني ....

ربنا يرزق المصريين عربية حلوة و شيك و تعيش و رخيصة
حد يكره الخير لينا

+111111111111111111111111

[muslem]

يا جماعة ليه الخناق بس
الصيني دلوقتى فيه فعلا عربيات تعبانة فعلا لانه صناعة جديدة عندهم و علشان كده بيستعينوا بمواتير ياباني علشان يحولوا اكتساب ثقة شوية و بعدين طبعا لما صناعة السيارات فى الصين تكبر اكتر الصين بعد كده حتخاف على سمعتها زي باقي الشركات الكبيرة و لما بتعمل الصين متور صيني كل سنة حتطوره علشان تعمل اسم لها
و الراجل صاحب الموضوع قال هو عايز يختار بين انجح كام سيارة صيني الراجل مقلش ببحث عن سيارة صيني منيلة بنيلة!!
و انا كنت زيه كده برضوة كنت عمال افكر فى اللانوس ولة الفيرنا ولة الافيو
و اتفرجت عليهم و فضلت محتار كتير و كنت عايز لانوس بالرغم انها حتقف بس قلت المتور افضل من فيرنا
لغاية لما اكتشفت الاف ثري بالصدفة ووجدت زميل لى اشتراها و راح اخوه اشتراها ايضا و اخوه يفهم فى العربيات اكتر من زميلي
ووجدت زميل لى تاني يعرف جاره عنده اف ثري من سنتين فضلت بقي بحث مدة شهر كده او اكتر و استخرت ربنا و اشترتها والحمد لله
حتى انى قبل ما اعرف الاف ثري معرفتيش اشترى اللانوس وقفت فى وشي اصلى كنت مستخير برضوة
بس عرفت انها بقي عربية بمتور ميتسوبيشي اللى بتاع اللانسر بتاعت السنة اللى فاتت
و رحت كشفت علي الكود فى التوكيل على المتور و صوته مش عالى بل كنت بفتكر انها مش شغالة وهى شغالة
البودي بتاعها زي تويوتا كرولا من بره و من جوه بس الفونيس شكلها احلى ده بحسب ذوقى انا
هى حاليا تقريبا اللى هو من غير فتحة سقف لكن فول اوبشن تقريبا ب74 الف تقريبا تزيد ممكن 5الف
اللى اقل منها بقي مش عارف بالضبط بكام
اللى اعلى منها حوالى 85 الف او اكتر بتكون بفتحة سقف
و التوكيل لما رحت لهم كانوا كويسين معى جدا و اللى اعرفه كمان انهم حينتجوها فى مصر قريبا يعني ربنا يسهل ان شاء الله ممكن تنتشر
و هى واسعة و فيها ثبات ما شاء الله
يعني شوف انت عايز يسأل فى ايه و انا ان شاء الله حجاوبك

[Fouad Ezz]

ماردتش عليا .... هي دي الـ ِ213

يا سمعة باشا ... انا شوفت safety crash test ده ...
في رأي المتواضع (جيد) مش وحش ... مش دي العربية الجديدة اللي منزلها أبو الفتوح بإسم .... 211 ؟؟؟؟؟

[mody_halawa]

رائيى الشخصىاعمل تست درايف للهايما فى الطارق ولو عجبتك توكل على الله واشتريها الاسبرانز ناس كتيربتقول عليها وحشة والf3 توكيلها وحش والهايما احسن منها فى الشكل والمضمون (راى شخصى)

[muslem]

والf3 توكيلها وحش

معلش هو حضرتك جربت توكيلها؟؟
انا مجربه و الناس فى منتهى الذوق
و الشكل طبعا بيكون حسب الذوق و انا افضل الشكل الوحشي الهجومى للاف ثري عن الشكل المرتخى
اما بخصوص المضمون فكيف هو وحش؟؟؟
انا جارى ركب معى فى مشوار العربية افتكرها المانى و لما قلت له دى صيني قال لى ازاى انا ركبت صيني كتير بس مش كده ابدا و قال انه ناوى يشتريها بس فى شهر سبعة يظهر مش عارف ان الدنيا حتغلى فى شهر سبعة

[Fouad Ezz]

شهر سبعة يظهر مش عارف ان الدنيا حتغلى فى شهر سبعة

دنيا إية اللي هاتغلي تاني ... هي ناقصة ياجناعة إستنونس لما أنزل وأشتري ....

و الشكل طبعا بيكون حسب الذوق و انا افضل الشكل الوحشي الهجومى للاف ثري

وانا معجب جدااااااااااااا بـ الـ إف ثري بس فعلا كتير هنا في المنتدي شكروا فيها إلا التوكيل ........

[Fouad Ezz]

طيب ممكن نزود سؤال تاني ..................
charry a15 - OR cherry a5 (speranza) Abo Al Fotoh

يعني ياتري مين فيهم أفضل في
1- التقفيل
2- أسعار قطع الغيار
3- السعر
4- توكيل وصيانة
5- إعتمادية ....

مع إني عارف إن الأتنين شركة واحدة ... بس في حاجة غريبة (شركة شيري) هنا في السعودية مش عارضة حاجة إسمها cherry a15
كل اللي عندها هي موديلات أبو الفتوح بس بأسماء تانية!!!
والله انا إتلخبطت!!!

[mody_halawa]

معلش هو حضرتك جربت توكيلها؟؟
انا مجربه و الناس فى منتهى الذوق
و الشكل طبعا بيكون حسب الذوق و انا افضل الشكل الوحشي الهجومى للاف ثري عن الشكل المرتخى
اما بخصوص المضمون فكيف هو وحش؟؟؟

التوكيل دة ناس كتير اشتكوا منة انا عن نفسى مجربتش التوكيل دة لاكن جربت توكيل الهايما توكيل محترم ومش بيعمل صيانة للهايما بس انما كمان الالف روميو والفيات والبريليانس والشيروكى والدودج والكريسلر
اما الشكل دى ا زواق

[CryptonX]

معرفش اذا كنت اتأخرت عليك و لا لأ .

راي الشخصي .. انا جربت ال A516 و ال BYD F3 .

بصراحة بصرف النظر عن التوكيل .

ال F3 احسن الف مرة من الاسبرانزا في كل حاجة في النعومة و المواد الخام و الموتور الشهير و الراحة و العزل . و لم اجد مشاكل تقفيل او باب بيعلق او زجاج بيعلق لمدة ساعة و نصف مشيت فيها في السيارة و سط زحام وسط البلد .

عيبها الوحيداولا سعرها ... يعني بصراحة اخرها معايا تبقى في خانة ال 60-65 الف
هي اه عربية كبيرة فعلا بس برده مازات ماركة جديدة لازم بتقى ارخص من كدة.

تاني عيب شكلا : انها تقريبا نسخة طبق الاصل من الكورولا من الداخل و من الخارج هجين من الكورولا و السيتي و ده بيخليك تتفكرها لعبة او حاجة ملهاش شخصية

مقدرش افتي في التوكيل .


الاسبرانزا a516 جربتها طريق مصر العين السخنة رايح جاي .
و بصراحة مرتاحتش خالص ليها .. اول التابلوه طول محنا ماشيين عمال يزيق و يطلع اصوات غيريبة

الموتور شبه ميت علي السرعات المنخفضة ( من صفر الي مائة في 20 ثانية !!!! )

اوكر الباب لا تبعث الراحة في النفس خالص بحس اني حخلعها في ايدي .

التابلوه خاماته سيئة .

المزايا :

التوجيه و الباور جيد جدا - النقل معقول اوي و الفتيس مش بينتش او بيعلق - التكييف ممتاز و الكاسيت ظريف - العربية عالية سنة في بحسها مخيفة شوية في المنحنيات - ابعاد العربية محتاجة وقت للتعود عليها .

مزايا بعيد عن السيارة :

الانتشار - مهما كانت السيارة سيئة .. .سيارة سئية منشرة احسن من سيارة سيئة غير منتشرة .

سعرها معقول جدا جدا بالنسبة لحجمها .

-----------------

الهايما انا مجرتهاش و عمربي ماحجربها علشان دي بجاحة علني ... لما سيارة صيني تمنها في الصين لا يتعدي تمن الf3 ولا الa516 . تيجي هنا توصل لحد 90 الف ؟

لو عيدت ال 75 الف اعتقد في الفي سيارة تستحق الشراء و اقل " مخاطرة " من الدخول في السيارة الصيني .

بصرف النظر السيارة ممكن تكون ممتازة و انا مشتفش حد اشتكي منها حاليا بس برده ده مش مبرر ان سعرها غالي جدا .


--

شخصيا لو حتحطلي كل دول في مقارنة بجانب الافيو و الانوس و الفرنا

حشتري بالترتيب الاتي :

1. BYD F3
2. LANOS
3. AVEO
4. VERNA
5. SPERANZA A5

[mody_halawa]

[
اولا العربية الهايما كاملة مانيوال ب77 مش ب 90 الاوتوماتيك +فتحة سقف
دى ب 90 وبتهيالى 77 نفس سعر النوبيرا فى حين انها فيها كماليات احسن من النوبيرا

[muslem]

التوكيل لم يشتكي منه احد من مالكى الاف ثري خصوصا بعد لما عملت صيانة الالف كيلو بل كمان اتصحبت على بعض مالكى السيارة و لم ارى شكوى و التوكيل قال اى حاجة فى العربية حصلت لها بتاعتنا احنا حنعملها لك و فى منهى الذوق معنا و عندهم كمبيوتر لضبط المتور كمان يعني مجهزين لكل العلربية والحمد لله
و كمان حيفتحوا فرع للاف ثري بس منفصل عن لادا فى القطامية عند كارفور

[muslem]

فعلا كتير هنا في المنتدي شكروا فيها إلا التوكيل

........
على فكرة التوكيل بيعمل مكان مخصوص وخاص لصيانة للسيارات الإف ثرى والبى واى دى عموما منفصلة عن اماكن صيانة اللادا يعنى فيه إهتمام من اصحاب التوكيل خاص بهذه السيارة
والمكان الجديد فى طريق القطامية ويمكن يفتح بعد شهر او شهر ونص
والعربية فول اوبشن من غير فتحة سقف ثمنها 73 ألف واللون الاسود يزيد ألف جنيه
اما اللى بفتحة سقف وسنسور وحاجات تانية ملهاش لازمة تقريبا ثمنها حوالى 83 ألف جنيه

[Fouad Ezz]

Mr. Cryptonx
(حتي الأن) متفق معاك في الترتيب ده .... وإسمحلي أضيف
1- إف ثري ... ممتازة حسب الكلام عليها وميزتها في نظري هي تشابها مع الكرولا .. انا مش شايف ده عيب ولا سرقة طالما إشتروا الحقوق من تويوتا
2 - لانوس ... حاليا بـ 71000 يعني المقارنة بقت ضيقة قوي
3- هايما .... لو سعرها لا يتخطي 77000
4- أفيو ,,, حرام عليها جدا وكتير قوي 75000 لانها لا تخلو من العيوب برضة وخفيفة جدا علي الطريق (بعد تجربة)
5- فيرنا ..... والله لو ب 35000 مش هاشتريها ... (مع إحترامي لمالكيها) دي أزواق ....

وتستمر .... المقارنات والمفاضلات ....
المركز الأول: F3
المركز الثاني: Lanos
المركز الثالث: Haima

[muslem]

نفسي مصر تتقدم وتبقي زي مصر سنة 1950

والله انت راجل بتفهم فين ايام جدى الله يرحمه لما كان مدرس بيحكي لى ان مرتبه كان 10 جنيه دهب و كان تمن الخروف بجنيه واحد بس يعني مرتبه بيجيب 10 خرفان فى حد يقدر على كده دلوقتى!!!
و يقولوا ايام الفساد فساد ايه امال احنا فى ايه!!!
نرجع للموضوع الاصلى

وتستمر .... المقارنات والمفاضلات ....
المركز الأول: F3
المركز الثاني: Lanos
المركز الثالث: Haima

اظن ممكن كده بس ممكن المركز التانى و التالت يتأرجحوا شوية مع بعض و بالتابادل مع بعض بسبب مشكلة العفشة بتاعت اللانوس دي و كمان حكاية وقف انتاجها

[mody_halawa]

يعنى الانوس احسن من الهايما ازاى دى ممكن افهمها