ما هي افضل سيارة صيني في مصر ؟

[MohammedAladel]

حيرتونا و الله ما ترسونا على بر صيني ولا انجليزي
والله العربيه دي اتظلمت جامد بسبب الجنسيه المزدوجه
يعني لو قلنا صيني فهي من ناحية التقفيل و الفخامه و الامان العربيه انقح من الكوري
ولو قلنا انجليزي هتطلع كل الاثباتات ان الشركه الاصليه ( موريس جراج ) اتباعت لشركه صينيه و العربيه تقفيل صيني و ملكيه صيني بس اسم انجليزي

مش مهم دلوقتى تابعة لجنسية أيه دى مش هتقرف

فولفو مملوكة لجيلى الصينية ولكن برضه فولفو زى ما هى

[د.محمود صلاح]

ابعد عن الجيلي

[kimotop]

برليناس يعني ؟

[MohammedAladel]

وجهة نظر البريليانس كويسة والاسبرانزا برضه بس أنا أفضل البريليانس

بالمناسبة شركة فولفو ابتدت تمد جيلى بالتكنولوجيا فى تصنيع سياراتها وخاصة فى عوامل الأمان لتصبح جيلى من أكثر السيارات أمانا فى الصين

[hugan]

وجهة نظر البريليانس كويسة والاسبرانزا برضه بس أنا أفضل البريليانس

بالمناسبة شركة فولفو ابتدت تمد جيلى بالتكنولوجيا فى تصنيع سياراتها وخاصة فى عوامل الأمان لتصبح جيلى من أكثر السيارات أمانا فى الصين

غبور اخد توكيل جيلي بعد الفيرنا ما اتوقف انتاجها
يعني ها يعمل البدع علشان ينجح العربيه في السوق وينافس ابو الفتوح بيها

[A.Adel]

حيرتونا و الله ما ترسونا على بر صيني ولا انجليزي
والله العربيه دي اتظلمت جامد بسبب الجنسيه المزدوجه
يعني لو قلنا صيني فهي من ناحية التقفيل و الفخامه و الامان العربيه انقح من الكوري
ولو قلنا انجليزي هتطلع كل الاثباتات ان الشركه الاصليه ( موريس جراج ) اتباعت لشركه صينيه و العربيه تقفيل صيني و ملكيه صيني بس اسم انجليزي

مش مهم دلوقتى تابعة لجنسية أيه دى مش هتقرف

فولفو مملوكة لجيلى الصينية ولكن برضه فولفو زى ما هى

العربيات اللي بتيجي مصر كلها صيني 100%
بس فيه عربيات mg بتتصنع في انجلترا زي mg6
بس دي مبتنزلش مصر

[A.Adel]

أنا رأيي أحسن عربيات
MG
Brilliance
BYD

[elpasha1]

قطع غيار منتشرة

[ السلام عليكم ورحمة الله وبركاته

[elpasha1]

وفين التميز في تقلييد الآخرين؟؟

sent from my lt18i using forum runner

تميز اية يا استاذ
الفكرة كلها انك مش هتغلب فى قطع غيارها
واكتر من نوع يعنى فية الصينى والكورى والتايوانى واليابانى
يعنى عربية قوية قطع غيار فى متناول الجميع باسعار مختلفة
ودى فى حد ذاتها تسوا فلوس
لكن اى عربية تانية لازم تجيب حاجتها من التوكيل ولو برة التوكيل هيكون التوفيقية وطبعا مش كل اصحاب السيارات الصينى ساكنين جنب التوفيقية

[a7medsh3rawi]

احسن عربيه صينى تريحك فى قطع غيارها لو كنت خارج القاهرة والاسكندريه هى البى واى دى لان معظمها يابانى من ميسوبيشى وتويوتا.

[M.Ayman]

البريليانس و انا مغمض و مش تحيز والله بس هى احسن الصينى و من كلام الناس ان بعدها علطول ال byd الاسبرانزا اكيد برضه مش وحشه بس فى ناس زمتلى فيها كتير للاسف مع ان برضه يمكن الناس دول صدفه يعنى و هى تكون عربيه محترمه

[حماده المصري]

بحكم التجارب

البرليالنس الافضل وكفاءه الحقيقه من ناس كتير

اما ال mg معنى ان الشركه اتباعت لشركه صيني يعني الشركه الصيني دي الان امتلكت كل التكنولوجي الي موجود في الشركه سابقا بالكامل

ف ليهم حق التعامل باي اتجاه

ينتجوها في انجلترا

او ينتجوها في الصين

يفضلوا بنفس الجوده والتكنولوجي او يخرفوا الي هما عايزينه يعملوه

بس ان شركه تشتري شركه تانيه خصوصا زي ام جي ف ده ربح استراتيجي ليها ومخرون جميل جدا من الامكانيات الي مش متوفره واصبحت موجوده من تصميمات ومواتير وشاسيهات وعفشات والكترونيات وعيش بقى براحتك يامعلم

[MohammedAladel]

إم جى مش منتشرة لسة


ومش معنى إن شركة صينية إشترتها هتتحكم فى الجودة تقلل منها مثلا زى ماالعضو الكريم قال

لأن دا من شأنه إنه يقلل من إم جى ويوقع سوقها وهما عايزين يكسبوا

معنى كلام حضرتك إن جيلى بتتحكم فى جودة ومواصفات عربيات فولفو ؟؟

[kimotop]

جريت وول

[MaNoLa]

أقولك على الخلاصه

أحسن عربيات فى مصر إلى التوكيل بتاعها متواجد بأستمرار (قطع غيار - دعاية و أعلان - مراكز صيانه - إلخ)
مش الأقوى فى الميكانيكا و التصميم و قطع الغيار المعمره
بمعنى أصح
أحنا شعب عاش على الفيات 128 و اللادا 2107 سنين و سنين و سنين
دة بسبب أية ؟
التوكيل موفر كل حاجة ليها

لكن كان فى الوقت دة عندنا عربيات كتيرة جدا أتظلمت بل و أصبحت نادره جدا من فتره التمانينات و التسعينيات
بالرغم من أن سعرها كان قريب جدا من الفيات 128 و اللادا 2107 و أفضل منهم ملايين المرات

عشان كدة
أفضل سيارة فى مصر = أفضل توكيل

يعنى من فتره كدة قريت أن الشيرى أعلى مبيعات فى الصين بالنسبه للسيارات الصينيه , يعنى الواضح أن شيرى أفضل سيارة صينيه و عشان كدة الصينيين نفسهم بيشتروها , طيب تعالى فى مصر هنا و قولى أية رأيك فى شيرى لونج مثلا هتقولى عربيه فاشلة جدا و لأبعد الحدود و دة لأن التوكيل بتاعها أهمل فيها

خلاصة الموضوع
شوف أكتر أعلانات فى الجرايد و التليفزيون و بناءا عليه أشترى من ضمن الحاجات دى
أسبرانزا - بى واى دى - أميجراند - بريليانس
و قريبا جدا mg لأنهم عاملين دعاية كتيرة