Byd F3ولا اسبرانزا 1600cc

[foxingtiger]

ياشباب حد جرب واحدة من العربيتين دول
ياريت انا عايز اعرف مميزات وعيوب كل منهم من حيث

تحمل المشاوير الطويلة 90 كيلو كل يوم
المتانة والثبات
اسعار قطع الغيار واماكن التوكيل ومصاريف الصيانة
استهلاك البنزين

[foxingtiger]

اية يا شباب الصينى
ما حد بيعرف عنهم شئ ولا اية

[mahmoudzaied]

لو هتسافر كل يوم فى حدود 100 كيلو او اقل شوية ابعد عن الصينى مش لانى بشكك فيه بس لان العربيات الصينى مكملتش فى السوق المصرى سنتين على بعض يعنى محدش يعرف انها معمرة واعتمادية ولاانا رائى ابعد عن الصينى وغنيلو خليك فى المضمون انا ليا واحد صاحبى معاه اسبرانزا 516 وبنسافر بيها من بنها للزقازيق بس مش كل يوم لانى معايا لانسر وبنسافر بيها يوم والاسبرانزا يوم وفى ايام بنسافر موصلات هيا العربية مشتكتش لحد دلوقتى بس الله اعلم بعد كدة ايه اللى هيحصل اما الانسر معروفة فى السوق انها اعتمادية فا انا مش قلقان منها الحمد للهعموما فكر واسال كتير وربنا يسهل وتوصل لحل ومبروك مقدما

[muslem]

الf3 فيها ميزة انها فيهامتور لانسر 1600 ياباني و هى ثابت برضوة لكن انا معرفش حاجة عن اسبرانزا لكن بالنسبة لمواصفات الاسبرانزا فمتور صيني مش ياباني زي الf3

[Hacker5]

انا ارشحلك F3 بعد شكر ملاكها فيها
بجد عربية دى انا متوقعلها عمر افتراضى طويل :)