انا هقول رايي و رزقي علي الله

[ahmedetch]

انا رايي يا جماعة ان العربية ديه مش حاجة قليله الواحد ممكن يضحي و يجرب فيها....يعي دي مش عجلة هجيبها لبنتي و لا تليفون ارضي و لا ريموت تليفزيون علشان لو باظ يبقي مش مشكله...دي عربية هركبها انا و عليتي و هأمنها علي ارواحنا ....دي حاجه بتعامل معاها كل يوم وبحس بحسن او سوء اختياري بيها كل يوم.....لازم اخد بالي وانا بشتريها واركز اوي.....انا مثلا....
من كام شهر عربيتي زهقتني و طهقتني و كان لازم اغيرها....مكانش معايا اكتر من 70 الف.....طبعا اول ما شفت الاسبيرا نزا اتجننت...عربية فيها كا ما اتنمناه بتمن زهيد...قلت بس مفيش غيرها...ورحت كذا معرض و اتفرجت عليها انا و اخويا و امي و زوجتي و طبعا علشان كلهم بيبصوا للمنظر و الوسع و الامكانيات بس و دا اللي الياباني بيلعب عليه و هما شاطرين في دا اوي فعجبتهم اقنعتهم كلهم بيها....بس لما قعدت شويه و فكرت لقيت اني كانت الانبهار بشكل العربية عاميني عن حقيقتها ان العربية ديه لو اي حاجة فيها باظت و دا طبعا المتوقع...هندم اشد الندم و هتوهقني و تقرفني دايما.....طب و هو انا هشتري حاجة علشان اريح نفسي و لا اعذبها....وبعدين حتي لو انا عجباني ومقتنع بيها اخر حاجة....ليه اركب حاجة ..اي حد يشوفها يقولك يا عم دا راكب صيني....الهربية برضو منظرة واحنا في بلد الكلام....فقرصت علي نفسي شويه و خدت قرض و جبت عربية ياباني لا يختلف عليها اتنين...جودة و متانة واعتمادية و سعر اعادة بيع ( طبعا عرفتوها)و انا لو مكنتش اتصرفت في فلوس كنت جبت شاهين ولا دوجان ولا حتي ماتريكس مستعملة بس مش هخاطر و تجيب عربية تقرفني و تخلني كل ما اشوفها اندم عليها لحد ما اكرهها....
فنصيحتي لوجه الله لاي حدي هيشتري صيني...بلاش احسن واللي بنسمعه كل يوم عنها يخلي الواحد يفكر الف مرة قبل ما يشتريها....
مش كده ولا ايه ؟!

[Bahaaeldin]

وده رأيى ورزقى برضه على الله

أولا: ربنا يبارك لك فيها ويعطيك خيرها ويكفيك شرها
ثانياً: ما هى ضماناتك أن جميع مكونات سيارتك يابانية 100% . ده أن ما كانتش السيارة نفسها مجمعة بالكامل فى مصنع صينى او جنوب أفريقى أو غيره وغيره
ثالثاً: تخيل يا سيدى انى عندى سيارة صينى وموتورها يابانى (دايهاتسو شاريد) ورمان بلى العجل لما بدأ يظهر صوت لا يكاد يسمع غيرته على 46000 واكتشفت انه انتاج شركة Koyo اليابانية .. لا والنكتة كمان أن الفيوزات الموجودة بالسيارة صناعة يابانى
رابعاً: أنا باطلع عين العربية وعمرى ما حسيت انها صينى وبأقرص عليها ولا اليابانى
خامساً: لو حد جاب عربية بى ام او مرسيدس مصنعة أو مجمعة بالصين حتقول ايه .. بلاش علشان صينى ولا حتقول ان الاسم يشفع لها حتى لو من فين؟
سادساً: السوق المصرى مليان بكل جنسيات العربيات من صينى وهندى واسبانى وجنوب أفريقى ويابانى وألمانى وبرازيلى كمان وغيره كتير والغاوى ينقط بطاقيته .. وان كان غنى شوية ينقط ببدلته كمان لو يحب
سابعاً: مش باقول ان الصينى يناطح اليابانى ولا الألمانى فى جودته وكفاءته بس حمارتك العارجة بتعمل ايه ؟
ثامناً: لما تشوف عيوب سيارات مشهورة هنا فى المنتدى ولها باع طويل وتاريخ وبها عيوب قاتلة، يبقى أنا اقول على عربيتى الصغيرة نعمة وفضل من الله .. العربية الصغيرة دى اللى بغبائى طيرت منها الوش البلاستيك بتاع الردياتير بسبب عدم انتباهى للحرارة ومياه الردياتير واتعافيت عليها ومشيت بها مسافة طويلة دون أن أغير بعدها وش سلندر ولا جوان زى اللى حصل مع عربية نيسان صنى هنا لم تكمل 7000 كم وغيرها وغيرها.
تاسعاً: استخرت الله وده اهم شىء وهدانى لها لأن مقدرتى كده ولا أخجل أبداً من ذكر ذلك .. ولم أدافع أبدا عن الصينى لأنى أحد ملاكها بس الواقع بيقول ان حلت مشاكل كثيرة بالنسبة لقطاع عريض من الشعب المصرى ومش بس فى العربيات وشوف الدنيا فيها قد ايه منتجات صينى والعبرة فى النهاية على المستورد والتاجر القذر اللى بيحاول يعيش على تحويشة عمر ورزق غيره
عاشراً: أرجو أن يكون ردى هذا كافياً لمن يهاجم دون وعى أو إدارك لطبيعة الأحوال ويكفينى أن أقول لك ان الصينى احسن من اللادا اللى كانت عندنا ويشهد بذلك كمان كل اللى كان عنده عربية قديمة وجرب الصينى

والله المستعان أولا وأخيرا ويعطى كل ذى قرش حلال بركة ما اشترى ويجنبه شره أياً كان المنتج وأياً كانت جنسيته

[foxarc]

الحقيقة انا اول مرة في حياتي اشوف واحد بيحذر الناس من عربية كان ناوي يشتريها !!!!!!!!!!!!!!!
بجد لا تعليق!!!!!

[hazem_khidr]

الصيني مش سئ اوي للدرجه دي و خصوصا الاسبرانزا
لان كتير اوي معاهم العربيه و معجبين بيها جدا و ركبتها كذا مره و عربيه كويسه جدا
لكن طبعا الياباني احسن
و كل واحد علي حسب استعماله للعربيه
يعني ما اجبش عربيه سبرانزا و اعاملها زي ما بعامل الكورولا مثلا
لا ما تستحملش.
من الاخر ما تنتظرش من العربيه الصيني اكتر من اللي بتدفعه فيها

[hero]

يا جماعة لازم نفرق بين عربية تحمل علامة تجارية غير صينية...(ياباني او الماني او فرنسي..)
يتم تجميعها في الصين ....وعربية صينية الاصل...

الفرق بينهم اية..:
العربية صاحبة العلامة التجارية والتاريخية القديمة...عندها نظم ادارية وجودة ..هي ايلي وصلتها للهي فية حاليا ...زي تويوتا ودايهاتسو ومرسيدس والبي ام ..وفولكس وغيرهم..

يعني هو بينقل المصنع من المانيا او اليابان لمكان العمالة فية تكلفتها لا تزيد عن عُشر تكلفة العامل الالماني او الياباني..وفي نفس الوقت الجودة محفوظة ..لانها شايلة اسم العلامة التجارية..

العربية الصيني الاصل:
دي عربية بتشق طريقها لسة...ومالهاش تاريخ...انا مش ضدها ...بس هي محتاجة تاخد وقتها..وبعدين الدول الصناعية الكبري عدت خلاص من بدري...يعني ايلي علي علي..خلاص..
ايلي بيحصل ان الشركات الكبيرة الياباني او الالماني..بتدي الشركات الصيني بعض المكونات المُستغني عنها لقدم تكنولوجيتها او لقلة جودتها...والشركات الصينية تعمل اي تصميم ...وغالبا غير مدروس (الا اذا كان الهيكل هو كمان من شركة عالمية ) ويجمعوا من كل فيلم اغنية...وتبقي عربية...بس طبعا من غير اي مراقبة للجودة ولا شهادات عالمية للسلامة وحماية الركاب...ودة ايلي بيؤخذ علي العربيات دي...

مثال خارج الموضوع:
الموبيلات الصيني ايلي انتشرت مؤخرا....واحد زميلي رجع مرة متأخر وكان قرفان ومضايق..وبعد ما سالناة ..حكالنا المأساة..اخوة الصغير (في اعدادي ) اشتري موبايل صيني من ايلي مالين السوق (كنت اول مرة اسمع عنة) وهو بيتكلم البطارية انفجرت في ودنة....!!!!! تخيلوا بقي المصيبة ايلي حصلت لاخوة...والبهدلة..دة غير ايلي صرفة علي دكتور الجراحة والتجميل....مصيبة بكل المقاييس...

الصين بتلعب مع الدول النامية علي عامل السعر...تقديم سلع رديئة تحمل علامة تجارية صينية...بلا اي جودة ولا عامل امان...

وربنا يوفق الجميع لما فية الخير ...

[mohamed ismail]

انا رايي يا جماعة ان العربية ديه مش حاجة قليله الواحد ممكن يضحي و يجرب فيها....يعي دي مش عجلة هجيبها لبنتي و لا تليفون ارضي و لا ريموت تليفزيون علشان لو باظ يبقي مش مشكله...دي عربية هركبها انا و عليتي و هأمنها علي ارواحنا ....دي حاجه بتعامل معاها كل يوم وبحس بحسن او سوء اختياري بيها كل يوم.....لازم اخد بالي وانا بشتريها واركز اوي.....انا مثلا....
من كام شهر عربيتي زهقتني و طهقتني و كان لازم اغيرها....مكانش معايا اكتر من 70 الف.....طبعا اول ما شفت الاسبيرا نزا اتجننت...عربية فيها كا ما اتنمناه بتمن زهيد...قلت بس مفيش غيرها...ورحت كذا معرض و اتفرجت عليها انا و اخويا و امي و زوجتي و طبعا علشان كلهم بيبصوا للمنظر و الوسع و الامكانيات بس و دا اللي الياباني بيلعب عليه و هما شاطرين في دا اوي فعجبتهم اقنعتهم كلهم بيها....بس لما قعدت شويه و فكرت لقيت اني كانت الانبهار بشكل العربية عاميني عن حقيقتها ان العربية ديه لو اي حاجة فيها باظت و دا طبعا المتوقع...هندم اشد الندم و هتوهقني و تقرفني دايما.....طب و هو انا هشتري حاجة علشان اريح نفسي و لا اعذبها....وبعدين حتي لو انا عجباني ومقتنع بيها اخر حاجة....ليه اركب حاجة ..اي حد يشوفها يقولك يا عم دا راكب صيني....الهربية برضو منظرة واحنا في بلد الكلام....فقرصت علي نفسي شويه و خدت قرض و جبت عربية ياباني لا يختلف عليها اتنين...جودة و متانة واعتمادية و سعر اعادة بيع ( طبعا عرفتوها)و انا لو مكنتش اتصرفت في فلوس كنت جبت شاهين ولا دوجان ولا حتي ماتريكس مستعملة بس مش هخاطر و تجيب عربية تقرفني و تخلني كل ما اشوفها اندم عليها لحد ما اكرهها....
فنصيحتي لوجه الله لاي حدي هيشتري صيني...بلاش احسن واللي بنسمعه كل يوم عنها يخلي الواحد يفكر الف مرة قبل ما يشتريها....
مش كده ولا ايه ؟!

استاذ احمد
انا شايف ان كلام حضرتك ملوش مبرر يعني لا كان معاك العربية واشتكيت منها ولا ذكرت انك ركبتها ومعجبتكش
كل اللي حضرتك استندت ليه ان العربي صيني ولو حد شافها هايقولك يا عم دي صيني
استاذ احمد لو فكرت بالمنطق ده هتتعب قوي في حياتك لان الناس عمرها ما اتفقت علي اي حاجة
اللي مقتنع بحاجة يعملها
انا مش معايا صيني علي فكرة ولا بافكر اشتريها
بس الواحد لازم يكون موضوعي في حكمه
وبعدين العنوان اللي حضرتك حطيته يوحي بتجربة فاشله مع العربية وده اعتقد ماحصلش

[ahmed1981]

فقرصت علي نفسي شويه و خدت قرض و جبت عربية ياباني لا يختلف عليها اتنين

الياباني لا يختلف عليها إثنين ـــ ماشي
ولكن القرض حرام
فأصبحت السيارة الصيني بدون حرام أفضل من الياباني مع الحرام
وكان أفضل تشتري الصيني طالما على قدر الإمكانيات مع بعض التضحيات ولكن نبعد عن القروض المحرمة

[فادى]

اذا كانت اليابان فى طور صناعة سيارات تفتقد للتميز و لكن فى مقابل السعر المغرى,
و كوريا فى طور صناعة سيارة هدفها أن تسير فقط,
فان الصين فى طور أخر تماما و هو صناعة سيارة مغشوشة!!
الحاجة اللى مجننانى, ازاى الصين عندها كل الماركات دى؟! ده ألمانيا الى صناعة السيارات فيها ركيزة أساسية من ركائز الاقتصاد معندهاش كمية الماركات و السيارات دى؟! منين كل ده؟ و كل ماركة عندها ما لذ و طاب من الموديلات من أول السيارة المدمجة لحد السيارة الفارهة و الرياضية و المتعددة الاستخدامات؟!! ده غير انو الموديلات الصينى بتتغير كل سنة!
لما شركة فيات صممت البرافو فى 5 شهور قالو ده انجاز بفضل الاستعانة بنظم معلوماتية معقدة, فمن أين يأتى الصينيين بكل هذا؟!! و الله مش بعيد يكونو بيسرقوا مواتير العربيات القديمة و يسقطوها على بودى معمول تحت السلم و خلصت العملية.
و على فكرة مفيش حاجة اسمها عربية صينى بموتور يابانى و لا كورى حتى, مفيش شركة فى العالم بتدى مواتيرها لأى حد كده لوجه الله, الموضوع ده كان بيحصل زمان مع سيارات فيات و رينو لما كانوا بيصدروا التكنولوجيا بتاعتهم لبعض شركات العالم الثالث لتوضع فى سيارة يسيطرون عليها تماما زى الشاهين مثلا التى لم تخرج أبدا عن رعاية فيات(ناهيك عن أن فيات تمتلك 20% من أسهم شركة توفاش التركية), كما يحدث أيضا مع رينو و شركة داتشيا حيث تمتلك رينو شركة داتشيا بالكامل, أما أن تعطى شركة ما محركاتها لشركة صينية لتضعها فى سيارتها الخاصة و المستقلة و لا تعرف عنها الشركة الأصلية شيئا فهذا المستحيل بعينه, و أتحدى الشركات الصينية أن تخرج لنا بعقود الشراكة الوهمية التى تعقدها مع الشركات الأخرى!
بروتون و ميتسوبيشى كان بينهم تعاون واضح و فى الشمس, فيات و توفاش كان بينهم علاقة عضوية, رينو و داتشيا بينهم علاقة شبه توحدية, طيب حد يقولى ايه العلاقة بين بى واى دى و تويوتا و لا بين جيلى و ميتسوبيشى و لا بين بريانس و بى ام دبليو؟!!

[Ahmed Samy]

اعذرني يا سيدي

كلام حضرتك غير موضوعي بالمرة

بدون تجربة أو حتى قصة

الف مبروك على عربيتك الياباني و ربنا يباركلك فيها

[ahmedetch]

يا ريت يا جماعة محدش ياخد الموضوع بحساسية....انا حاسس انكوا بتعاملوا العربيةا الصيني دي مانها عيل من عيالكوا...لا فقحوا عينيكوا...العربيات دي تعبانة و محدش يهاجم علي الفاضي و خلاص....وبعدين الاخ اللي بيقول انه مقتنع بحاجة بيعملها...كلام حضرتك غلط....الانت بتقوله ده لما تكون حاجة خاصة بيك....المثل بيقول ...كل اللي يعجبك والبس اللي يعجب الناس....يا ريت اللي يرد يبقي بيفكر قبل ما يكتب....شكرا

[Ahmed Samy]

انا حاسس انكوا بتعاملوا العربيةا الصيني دي مانها عيل من عيالكوا

مش كلنا راكبين عربيات صيني علشان نعاملها كده

...لا فقحوا عينيكوا...العربيات دي تعبانة و محدش يهاجم علي الفاضي و خلاص....

حضرتك اللي بتهاجم على الفاضي وخلاص ...حضرتك ماجربتهاش حتى

وبعدين الاخ اللي بيقول انه مقتنع بحاجة بيعملها...كلام حضرتك غلط....الانت بتقوله ده لما تكون حاجة خاصة بيك....المثل بيقول ...كل اللي يعجبك والبس اللي يعجب الناس

اسمحلي اختلف معاك ...هو صحيح العربيو لها دور في الوجاهه وسط الناس طبعا بس ده مش هو العامل الأساسي في شراءها (عند الناس العقلانيين) و الا هاندخل سباق ما يعلم بيه الا الله ...

العربية بنشتريها علشان تلبي احتياجاتنا من خروج و سفر عمل و فسح و أيضا للشعور بلذة ركوبها و تميزها ما قلناش حاجة
و لكن من الناحية الأخرى لازم نحكم عقلنا و نشتري السيارة المناسبة لاحتياجاتنا الفعلية و المناسبة لامكانياتنا بعيدا عن سيطرة (نظرة الناس لنا) علشان نكون ملك نفسنا ...

و حضرتك كل تقييمك للسيارة الصيني انها (مش هاتعجب الناس و هايقولوا راكب صيني) طب افرض الصيني دي كويسة !! وده اللي حضرتك ما جربتوش

هايكون رأي حضرتك فيها مختلف ؟؟ لأ طبعا لأنها برضه هاتكون مش منظر قدام الناس

....يا ريت اللي يرد يبقي بيفكر قبل ما يكتب....شكرا

الله ينور على حضرتك ...خدتها من تحت صوابعي

[ahmedetch]

ردود غريبة والله....
انا مش بهاجم...انا بضع تجربتي للمساعدة لكل انسان في مرحل الاختيار....يا ريت نفهم الكلام قبل ما نرد و نقيم...!!!!!

[د-احمد عبد اللطيف]

....انا حاسس انكوا بتعاملوا العربيةا الصيني دي مانها عيل من عيالكوا...

شوف يا اخي الحقيقه ان اي واحد اختار سياره من اي نوع صيني وللا ماليزي وللا تركي ولا امريكي كله واحد بيعاملها كانها من اولاده قدام الناس بس
يعني ببساطه بينه وبين نفسه عارف العيوب تمام وعارف المميزات
لكن ودة طبع في المصريين وكل العرب
اللى انا عملته هو الصح و اللى انا اقول عليه هو اللى يمشي
يعني فكرك انا لو معايا اشتري مرسيدس في مصر حاقول لا الياباني ومش عارف ايه لا حاشتريها طبعا
لكن المفروض ان لما اناقش اي انسان اخر اناقش بموضوعيه وحياد و ده شئ نفتقدة جميعا
وحتلاقي كتير قوي واحد بيهاجمك على حاجه هونفسه عملها في يوم من الايام بس عشان ياخد بنط عليك او عشان انت ضايقته في حاجه تانيه خالص
الكلام ده عام و خاص يعني انا باشوفوه بيحصل هنا في المنتدى برضه
لان ببساطه احنا مش متربيين على احترام الاخر
كلنا لازم نطلع الاول و كلنا انجح من اي حد تاني و هكذا
نفسي لما حد يقول رايه نسيبه يقوله و نناقشه فيه مش نهاجم وبس

[zeyad1810]

اذا كانت اليابان فى طور صناعة سيارات تفتقد للتميز و لكن فى مقابل السعر المغرى,
و كوريا فى طور صناعة سيارة هدفها أن تسير فقط,
فان الصين فى طور أخر تماما و هو صناعة سيارة مغشوشة!!
الحاجة اللى مجننانى, ازاى الصين عندها كل الماركات دى؟! ده ألمانيا الى صناعة السيارات فيها ركيزة أساسية من ركائز الاقتصاد معندهاش كمية الماركات و السيارات دى؟! منين كل ده؟ و كل ماركة عندها ما لذ و طاب من الموديلات من أول السيارة المدمجة لحد السيارة الفارهة و الرياضية و المتعددة الاستخدامات؟!! ده غير انو الموديلات الصينى بتتغير كل سنة!
لما شركة فيات صممت البرافو فى 5 شهور قالو ده انجاز بفضل الاستعانة بنظم معلوماتية معقدة, فمن أين يأتى الصينيين بكل هذا؟!! و الله مش بعيد يكونو بيسرقوا مواتير العربيات القديمة و يسقطوها على بودى معمول تحت السلم و خلصت العملية.
و على فكرة مفيش حاجة اسمها عربية صينى بموتور يابانى و لا كورى حتى, مفيش شركة فى العالم بتدى مواتيرها لأى حد كده لوجه الله, الموضوع ده كان بيحصل زمان مع سيارات فيات و رينو لما كانوا بيصدروا التكنولوجيا بتاعتهم لبعض شركات العالم الثالث لتوضع فى سيارة يسيطرون عليها تماما زى الشاهين مثلا التى لم تخرج أبدا عن رعاية فيات(ناهيك عن أن فيات تمتلك 20% من أسهم شركة توفاش التركية), كما يحدث أيضا مع رينو و شركة داتشيا حيث تمتلك رينو شركة داتشيا بالكامل, أما أن تعطى شركة ما محركاتها لشركة صينية لتضعها فى سيارتها الخاصة و المستقلة و لا تعرف عنها الشركة الأصلية شيئا فهذا المستحيل بعينه, و أتحدى الشركات الصينية أن تخرج لنا بعقود الشراكة الوهمية التى تعقدها مع الشركات الأخرى!
بروتون و ميتسوبيشى كان بينهم تعاون واضح و فى الشمس, فيات و توفاش كان بينهم علاقة عضوية, رينو و داتشيا بينهم علاقة شبه توحدية, طيب حد يقولى ايه العلاقة بين بى واى دى و تويوتا و لا بين جيلى و ميتسوبيشى و لا بين بريانس و بى ام دبليو؟!!

ردك على الموضوع اقنعنى جدا
بس على كدة المواتير اللى فى العربيات دى اصلها اية

[جمال]

ردود غريبة والله....
انا مش بهاجم...انا بضع تجربتي للمساعدة لكل انسان في مرحل الاختيار....يا ريت نفهم الكلام قبل ما نرد و نقيم...!!!!!

انا فهمت من كلامك انك لم تجرب السيارة الاسبيرانزا
هل انت جربت اى سيارة صينى علشان تحكم عليها ؟؟