اخر كلام ..الايديا حلوة ولا لأ...

[amr007]

السلام عليكم اخوانى الكرام...
كنت عايز اسالكم عن العربية ايديا , انا شفتها لقيت شكلها حلو و سعرها حلو بالنسبة الى و اسمها عربية زيرو بدل ما ادخل فى حوارات المسنعمل و مشاكله و انا مش قدها بصراحة
فلعربية ديه حلوة و ايه الفرق ما بي العربيتين الايديا ال 1000 سى سى و ايه الاحسن ال1000 سى سى و لا ال 1100 ...
و شكرا جزيلا...

[amr007]

انتوا فين يا رجالة...

[Meedo]

العربيه معايا من حوالى شهر ونصف سافرت بيها راس البر وعامل بيها حوالى 1200كم حتى الأن
التقييم المبدأى جداجدا السياره جيده مقارنة بسعرها وفئتها

[amr007]

ِشكراااا يا
Meedo بس مقلتليش العربية فيها نوعين 1000سى سى , ايه الفرق ما بينهم؟؟؟؟

[hazem_khidr]

و الله ابعد عن الحاجه اللي مش متجربه
و العربيه لسه مافيش كلام عليها خالص
شوف حاجه تانيه ما تكونش صيني بنفس التمن او اعلي

[HESHAM AMIN]

يا سيدى العزيز العربية كويسة جدا بالنسبة لسعرها
انا معايا بقالها سنة وعاملة 30000 كم وزى الفل

[amr007]

شكراااااا يا هشام على ردك بس يعنى ايه كويسة اوى على اد سعرها؟؟؟؟
يعنى هل قابلتك مشاكل صعبة او بتسخن منك او اى حاجة من الكلام ده و هل فعلا زى الناس اللى بتقول ان الصاج بتاعها تعبان جدا فانت و انت سايق بتحس انك هتطير لو عربية لورى عدت من جنبك... ...
و شكر مرة اخرى لكل الناس اللى بتحاول تساعدنى..

[HESHAM AMIN]

يا استاذ عمرو العربية لا بتسخن ولا اى حاجة لا فى سفر ولا جوا البلد
وكفاية انى اقولك انى سافرت بيها من اسكندرية للغردقة
وبالنسبة لثباتها كويس جدا وموضوع الصاج كفاية اقولك احسن من عربيات كتير ومش خفيف
اما بقى سعرها على قد فلوسها يعنى لما تيجى تقارنها بنفس الفئة السعرية مش تقارنها بعربية ب
80 90 الف

[amr007]

شكرااااا شكراااا جدا يا استاذ هشام على ردودك و معلش تعبتك معايا ...

[mmmmgogommmm]

والله انا سالت عليها كل اللى اشتروها شكروا فيها وكمان مركز صيانتها قوى ووكيلها توسع واخد توكيل صينى جديد ودة يدل على قوة مركزة المالى وباالتالى مش هيفلس ويمشى ثم ان العربية بدات تظهر ماشية فى الشوارع وكل دة مطمئن اما الفرق بين ال1000 وال1100 فهو حوالى9 حصان فى قوة الموتور فرق بسيط + الباورستيرنج (دركسين باور) +زجاج كهربائى ملحوظة الصاج ممتاز وواسعة جدا من جوة تساع 5 افراد مرتاحين + المساعدين مكتوب عليهم باالانجليزى (صنع اليابان) يعنى بديهى باقى العفشة يابانى اشترى وقلبك جامد واتكل على الله على فكرة هى اوسع واشيك وارخص عربية سعرا عند الشراء وكذلك الارخص فى اسعار قطع الغيار اخوك محمود

[mmmmgogommmm]

ملحوظة متنساش ان الاستاذ هشام مشى بيها30000كم يعنى اختبار طويل

[shankosi]

مين التوكيل في اسكندرية وهل في مركز صيانه في اسكندرية

[mmmmgogommmm]

توكيلها اليكس موتور بعد الموقف الجديد بعد مرور محرم بك وعلى فكرة العربية من راى كل اللى ركبوها ممتازة

[salahcop]

صور ليها ياجماعة لو سمحتم

[نور العمر]

اسعارها إيه دلوقتي ..