عايز اعمل تعدبلات في الاسبيرانزا a113 موديل 2010

[Omar2017]

السلام عليكم
انا معايا اسبيرانزا a113 2010 عايز اعمل فيها تعديلات في كل حاجة
عايز اخلي الموتور 2500 سي سي 4X4 مثلا
و البودي اغيرة بالكامل و اعدلة و اعدل الصالون
و احط تربو و شوية حاجات فيها كدة زي السبورت هيدر و فتحة سقف و الجكمان صوت و نار و الزينون و اغير رسمة الفوانيس و اغير الاكر و احط عداد rbm برة التابلوة و شاشات dvd و جنوط
16 او 17 اكبر حاجة تمشي فيها و خلاص و عفشة اوف روود لو ينفع و اية و نظام كدة مش فاكرة بس بيخلي العربية تدور بالبصمة
انا ابقى عايز اعرف اعمل الكلام دة فين و هيكلف كام و لو فية حاجة تانية تنفع تتحط ياريت تقولوها و جزاكم الله كل خير
شكرا لكم

[saddam]

صديقي المواطن
تحضر 50 ألف ونعملهالك وتستلمها بعد 6 شهور وعليها وعلى مكنة 2500 أو 3000 إدعي ربك بس تستحمل توقف على رجليها من غير حتى تربو والباقي كله بسيط وأنا بعمله في عربياتي
وبالتوفيق وإلى اﻷمام ومن نصر إلى نصر
ودمتم للنضال
ملحوظة لو معندكش ذكرى خاصة مع العربية دي بالذات زي والدك توفى وبتفكرك بيه أو هديه من مراتك مثلا أو بتفكرك في حاجة عظيمة ليك فليست هذه هي العربية اللي تصرف عليها مبالغ طائلة ده إنت كاوتش وجنوط وفلنشات لوحدهم من 10 إلى 12 ألف ثم عاوزها دفع رباعي وحعملها بس حركبلك مكنة 2400 بفتيسها اﻷوتوماتيك وكل آلات الجر الدواخل عوازل وشاشات وأجهزة وجلود قول 12 ألف تعديل بودي ورش نع الفيبر قول 16 ألف المكتة وآلات الجر فوق ال 20 ألف الفوانيس تتعدل قول 4 آلاف فتحة السقف جديدة 3500 مستعمل 1500 شكمان هيدر وبيطلع نار قول 3000 من الجنبين

صديقي المواطن
إسمحلي أقلك إنت إنتهيت خلاص
على فكرة أنا زيك بس بعرف أختار العربية ومش خلصان من لسان زملائي اﻷحباء في المنتدى أنا وحده من عربياتي جايبها ب 8750 لغاية دلوأتي وصلت 71 ألف ولسه العربية قدامها كتير عقبال مل تخلص وبالتوفيق وإلى اﻷمام ومن نصر إلى نصر
ودمتم للنضال

[carrier]

السلام عليكم
انا معايا اسبيرانزا a113 2010 عايز اعمل فيها تعديلات في كل حاجة
عايز اخلي الموتور 2500 سي سي 4x4 مثلا
و البودي اغيرة بالكامل و اعدلة و اعدل الصالون
و احط تربو و شوية حاجات فيها كدة زي السبورت هيدر و فتحة سقف و الجكمان صوت و نار و الزينون و اغير رسمة الفوانيس و اغير الاكر و احط عداد rbm برة التابلوة و شاشات dvd و جنوط
16 او 17 اكبر حاجة تمشي فيها و خلاص و عفشة اوف روود لو ينفع و اية و نظام كدة مش فاكرة بس بيخلي العربية تدور بالبصمة
انا ابقى عايز اعرف اعمل الكلام دة فين و هيكلف كام و لو فية حاجة تانية تنفع تتحط ياريت تقولوها و جزاكم الله كل خير
شكرا لكم

اوعى تكون بتكلم بجد

[mohamedxsayed]

اوعى تكون بتكلم بجد

بص انت تبيعها وتروح تدور على اى عربيه قديمه حاجه بسيطه بس تكون اكبر شويه تكون من غير مكنه وتكون شكلها عاجبك هتلاقيها رخيصه
وتحط ال50 الف فى تعديلها زى ما الاخ صدام قالك .
لان العربيه خفيفه اوى على 2500 سى سى هطير من عالارض

[hugan]

2500 سي سي طب ازاي
ممكن تبيعها وتشوف ال620
اظن تستحمل الشغل اللي عايز تعمله

[Omar2017]

طب اية رأيكم ابيعها و اجيب ال128 مستعملة اركب فيها كل دة بما فية الموتور ال2500 سي سي 4x4 ؟

[mohamedxsayed]

طب اية رأيكم ابيعها و اجيب ال128 مستعملة اركب فيها كل دة بما فية الموتور ال2500 سي سي 4x4 ؟

خدلك 132 هتشيل معاك وتستحمل الحاجات ديه وتظبيطها حلو من قدام لما تغيرلها شبكه وتركبلها فوانيس عدسات وتشيل جنط اكبر

[aftr]

لو زى كده انا كنت بحلم بالتعديل ده فى العربيه دى بس طبعا مين الفنان والبرنس اللى يقدر يطلع العربيه بالشكل ده والفنش الجميل ده انما عشان تروح لصانيعى اولا مواعيد زفت + جشع وطمع والمهم الفلوس عنده ده معظ الصانيعيه فى مصر وفى الاخر يخلوك تزهق من العربيه لدرجه ممكن تبيعها عندهم