المقابلة السابعة للتنين الصيني

[bassem.naguib]

المكان : جراند ليموزين

الزمان : يوم الخميس 23 / 1 / 2014

التوقيت : ابتداء من الساعة الثامنة مساء

عاوزين إن شاء الله يكون أكبر تجمع لأحلى أعضاء .. والدعوة عامة وليست قاصرة على مالكي السيارات الصينية فقط .

يا ريت اللي حيحضر يسجل حضوره في الموضوع ده .

[bassem.naguib]

جراند ليموزين للي مجاش قبل كدة .. خلف الشهر العقاري بتاع سوق السيارات .

[mohhassan]

بس التوقيت متاخر شوية ولا اللي بنام بدري

[mostafa magdy]

حبيبي يا باشا .. بإذن الله اكون موجود

[ابوجنى2112]

هااااااااااا.. مين هناك.
سامع احلى صحاب بتنادى...
ان شاء الله جاي

[bassem.naguib]

بس التوقيت متاخر شوية ولا اللي بنام بدري

لا أنت اللي بتنام بدري .. عقبال الناس ما تخلص أشغالها وتريح شوية .. وتستعد للسهرة الكبيرة .. وتاني يوم أجازة فالسهر مسموح

حبيبي يا باشا .. بإذن الله اكون موجود

تنورنا وتشرفنا يا دكتور ..

هااااااااااا.. مين هناك.
سامع احلى صحاب بتنادى...
ان شاء الله جاي

أنت جاي .. أنا مش جاي .. هههههههههه

المجابلات بتبجى ماسخة من غيرك يا كبير

[Mahmoud Mosaad]

أيوة جاااااااااااي

[tarek_2005]

ححاول اكون موجود

[حمدى الفنى]

ايوة كده جراند حياة هيا دى المقابلات والا بلاش بس كنت عاوز اروح جراند لموزين هههههه

[bassem.naguib]

أيوة جاااااااااااي

ده أمراً .. وليس فضلاً .

ححاول اكون موجود

تنورنا يا طارق بيه .. ويا ريت تحاول بجد

ايوة كده جراند حياة هيا دى المقابلات والا بلاش بس كنت عاوز اروح جراند لموزين هههههه

خلاص روح أنت ليموزين .. وأحنا نروح حياة فرع شرم الشيخ

[morabet8]

ان شاء الله هاجى بس يا ريت توضيح اكتر للعنوان

[gad_fcis]

انا جاى معاكو ان شاء الله
واعذورونى على قلة تواجدى معاكو على المنتدى
مش حايشنى عنكو الا الشديد القوى والله

[bassem.naguib]

ممممممممممممممم .. توضيح أكثر للعنوان !!!!! .. شكلك حتتعبني .. بس مش مشكلة هههههههههههه

لو أنت حتيجي من الدائري حتخش من الدخلة اللي توديك على الحي العاشر وسوق السيارات (من عند أكاديمية الشرطة) .. وحتفضل ماشي لحد ما يقابلك على اليمين مول كبير أسمه (دار شبانه) أول يمين من بعده حيكون مدخل لسوق السيارات .. حتلاقي مبني صغير كدة (مبني بالطوب الوردي من دور واحد) هو ده الشهر العقاري بتاع سوق السيارات .. خش من جنبه وأركن في البارك حتلاقي كافيه كبير .. هو ده جراند ليموزين .

لو جاي من ناحية (أنبي) حتفضل ماشي لحد ما يقابلك سوق السيارات على يمينك .. بعد ما تعدي سوق السيارات خد أول يو ترن حتلاقي دار شبانه على يمينك خش من جنبه .. إلخ

تؤمر يا باشا وتنورنا بتواجدك معانا إن شاء الله

[hossam165]

ان شاء الله هاجى بس يا ريت توضيح اكتر للعنوان

اولا أهلا وسهلا بيك في المقابلة وبكل الاعضاء الجداد معانا في المنتدي
وطبعا القداما عارفين قيمة المقابلات وان شاء الله نلتقي بيهم كلهم علي خير عشان فعلا الواحد مشتاق ليهم كلهم
ثانيا بمنتهي البساطة حضرتك هتوصل سوق السيارات في مدينة نصر وتسأل علي الشهر العقاري
وتسأل علي كافيه جراند ليموزين
ومن غير سؤال حضرتك هتشوفها بمجرد وصولك عند الشهر العقاري
وممكن نبعتلك رقم تليفون المنسق عشان لو تهت ومعرفتش توصل

[m3_dolphen]

ينفع بتاع موتوسيكل ؟ ومستعد اشد مع اى حد فيكم :))) 444444444444