أستفسار بخصوص الشانا بينى مينى

[lordlato]

السلام عليكم يا شباب

هل فى حد أشترى العربية دى أو جرب توكيلها...فى اعلان ليها فى سوق السيارات بتاع الأهرام بيقولوا ان سعر الأوتوماتيك أعلى فئة بقى 60000...انا نفسى فى عربية أوتوماتيك و تكون على قد ميزانيتى عشان هقسط و مش قدامى غير الصينى فياريت حد يفيدنا بأى معلومات عنها

[saddam]

صديقي المواطن
هي إنتشرت وسط أوساط معينة وأكثر إنتشار لها كان في سنة 2010 وكان توكيلها أظن هويدي وهو توكيل ضعيف لحد ما وطبعا واضح إن العربية مش منتشرة ولما حتيجي تبيعها بعد سنتين أحسن سعر ممكن تجيبه حيتراوح ما بين 29 ألف و 35 ألف و ال 60 ألف بتاعتك دي في عالم المستعمل ثروة كبيرة وفيه مئات العربيات أوتوماتيك في رينجات 35 فما فوق ك كورولا 90 و كريسيدا 92 وكورونا ومرسيدس 190 ومرسيدس المعدل والمازدا 929 والعربيات العادية مستديمة الفشل فيرنا ولانوس باﻷسعار دي تلاقي مستعمل لكن تقسط شانا بيني أوتوماتيك بالمبلغ ده فأظن أنها جريمة مش في محلها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[lordlato]

صديقي المواطن
هي إنتشرت وسط أوساط معينة وأكثر إنتشار لها كان في سنة 2010 وكان توكيلها أظن هويدي وهو توكيل ضعيف لحد ما وطبعا واضح إن العربية مش منتشرة ولما حتيجي تبيعها بعد سنتين أحسن سعر ممكن تجيبه حيتراوح ما بين 29 ألف و 35 ألف و ال 60 ألف بتاعتك دي في عالم المستعمل ثروة كبيرة وفيه مئات العربيات أوتوماتيك في رينجات 35 فما فوق ك كورولا 90 و كريسيدا 92 وكورونا ومرسيدس 190 ومرسيدس المعدل والمازدا 929 والعربيات العادية مستديمة الفشل فيرنا ولانوس باﻷسعار دي تلاقي مستعمل لكن تقسط شانا بيني أوتوماتيك بالمبلغ ده فأظن أنها جريمة مش في محلها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ههههههه مشكور على ردك صديقى المواطن و لو انك احبطنى قبل محاولة أرتكاب الجريمة دى

[lordlato]

طب لو مش هبيعها تعتبر جريمة برضه :)....... بمعنى هل المشكلة انى اقسط عربية سعرها بيخسر فى إعادة البيع و لا هى أساسا وحشة

[saddam]

طب لو مش هبيعها تعتبر جريمة برضه :)....... بمعنى هل المشكلة انى اقسط عربية سعرها بيخسر فى إعادة البيع و لا هى أساسا وحشة

صديقي المواطن
أنا زمان كنت حشتري عربية لاندروك من نفس توكيل العربية دي وربك ما أذنش والحمد لله مخدتهاش فركبت العربية وجربتها وخدت بيها لفه وغير كده جاري تحت مني معاه واحده نحاسي ومشكلتها بعد 3 سنين تحسها العربية مفكفكة كل صامولة في حته وأنا لو مخانتنيش الذاكرة أظن مكنتها 1000 سي سي وأنا من وجهة نظري العربية دي لا تصلح ﻷنها غالية أساسا وأنا وجهة نظري لو مصر على الزيرو تروح تاخد السايبا اﻹيراني أشرفلك وأفضل لك وأقوى وأقيم إنما العربية دي لو إتعرضت عليا حدفع آخري فيها 17 ألف جنيه وقولا واحدا حكون زعلان ﻷني إتغلبت فيها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
ملحوظة عشان أنفي عني التحيز أنا من كبار مشجعي العربيات الصينية وبفضل بعض الموديلات عن موديلات كوري كتير إنما العربية اللي حضرتك حاطط عينك عليها فلا تصلح

[J A G U A R]

فكر بردو فى السايبا ....

[lordlato]

انا ما أعرفش أى حاجة عن السايبا خالص هل حد عنده معلومات أو لينك موضوع ليها و هل منها أوتوماتيك ؟؟؟ ما هو مصيبتى إنى عايز أوتوماتيك :(((

[J A G U A R]

انا ما أعرفش أى حاجة عن السايبا خالص هل حد عنده معلومات أو لينك موضوع ليها و هل منها أوتوماتيك ؟؟؟ ما هو مصيبتى إنى عايز أوتوماتيك :(((

لسه العربيه نازله مكلتش شهر ومحدش عارف عنها حاجه بس شكلها هاتبقى كويسه والله اعلم

[lordlato]

طب فى منها اوتوماتيك و توكيلها إيه ؟؟

[moh_rag_abd]

النهارده شوفت عربية شانا واحد عارضها للبيع موديل 2009 عامله 40 الف كيلو
عايز فيها 35 الف بصراحه شكل العربية عموما عجبني وفيها ايرباج :d
بس مجربتش سواقتها
بس مشكلتها ان توكيلها ضعيف ومش منتشرة فبالتالي مفيش قطع غيار دا غير انك مش هتلاقي صنايعيه كتير يشتغلو فيها
فالافضل ليك تبعد عنها
بالنسبة للعربية في منها نوعين سايبا برايد (ودي كانت منتشرة من فترة وبيطلق عليها كيا برايد )
وفيه سايبا طيبة وفيه منها فئتين او فئة ب 63 وتاني فئة ب 67
بس الاتنين مانويل

[هانى ظرف منصور]

اعتقد ان الاحوال سوف تتغير بشان الشانا لان التوكيل اصبح مع عبد المنعم السعودى وكيل السوزوكى وانا اتصلت بالتوكيل وقالوا ان كل قطع الغيار متوفرة وان سياستهم تجاة الشانا اصبحت الاهتمام برغبه العملاء وتوفير كل ما يحتاجونه من الصيانه وقطع الغيار ولو عاوز نمرة التوكيل انا تحت امرك

[tito20002003]

ههههههه مشكور على ردك صديقى المواطن و لو انك احبطنى قبل محاولة أرتكاب الجريمة دى

احب اصحح معلومة التوكيل بانه عبد المنعم سعودى ونصيحة لوحبب تتعرف على امكانيات العربية دى تتفرج عليها فى التوكيل وتروح مركز الصيانة بتعها فى اول طريق ابو رواش بعد دندى مول وكاريير هتتفرج وتسئل على اللى انت عايزه
متعتمدش على اراء المنتديات لوحدها علشان الاراء متبقاش عن تجارب فعلية مع اللى انت عايزه
اما فكرة الخسارة فى اعادة البيع فكل العربيات فى مصر لازم تخسر عند اعادة البيع مهما كانت العربية مسمعه
وبعدين العربية دى هيه هيه السوزوكى التو بالميلى نفس الشاسيه ويمكن الموتور كمان
وتقدر تتواصل مع اللى اشتروها على الفيس بوك عملين صفحة للموديل وعلى فكرة الموديل ده ابتدى فى 2008 فى مصر ابحث عن chana mini وعلى فكرة ليهاقطع غيار برة التوكيل ل

[amrrashed]

طيب يا ريت حد جربها بدل الانطباعات بس وخصوصا الاوتو