عايز كل حاجة عن المينى فان الصينى

[buksh]

السلام عليكم ورحمة الله وبركاته
دى اول مشاركة ليا فى المنتدى الصينى
كنت حابب اعرف معلومات عن سيارات المينى فان الصينى زى مثلا
Chana Star 1 - Chana star 2
وكمان لو فى اى حد عنده معلومات عن اى نوع تانى ياريت يفيدنا كلنا
بصراحة انا زهقت من السوزوكى فان دى عربية صفر ثبات صفر عزم
يعنى حابب اعرف كل حاجة عن المينى فان الصينى من حيث توافر قطع الغيار هل هى متافرة زى السوزوكى ولا لا
ومن حيث التوكيل كويس ولا لا
ياريت ضرورى يا جماعة لو حد يعرف عن تجربة شخصية او عن طريق تجربة صديق ياريت يقولنا
وشكرا
والسلام عليكم ورحمة الله وبركاته

[buksh]

ايه يا جماعة محدش عنده معلومات عن اى فان صينى

[هانى ظرف منصور]

هناك سيارة تدعى كول كار هى موتور سوزوكى سويفت1400 cc
95 حصان
باور
زجاج امامى كهرباء
تكييف
جنوط اسبور
زجاج فاميه
ثمنها فى حدود 78 الف
لهم صفحه على الفيس بوك
Changhe - Coolcar (LANDY)

[buksh]

شكرا ليك يا استاذ هانى على الاهتمام
وبالفعل انا بشوف العربية دى كتير وكنت عايز برضو اعرف اخبار الشانا
و مافيش حد يعرف حاجة عن الشانا ستار 2 اى حاجة

[hugan]

شيفروليه بتاعت منصور
شايف انها برقبه السوزوكي

[buksh]

يا جماعة انا عايز اسأل عن دى
بكام وموجوده فين
Changan Automobile Company Limited | CHANGAN

[هانى ظرف منصور]

توكيل الشانا مع عبد المنعم سعودى
19224 دة رقم التوكيل اطلبه من الموبايل واستفسر ذى ما انت عاوز واخبرنا عن المينى فان الشانا السعر والمميزات

[buksh]

شكرا ليك يا استاذ هانى بجد
انا فعلا اتصلت على الرقم اللى حضرتك كتبته
ورد عليا راجل كبير محترم وسألته عليها قالى موجوده بـ 68500
1300 سى سى 8 راكب تكييف خلفى وامامى
وسألته على قطع الغيار
قالى : اتحداااك لو ما لاقيت قطع غيارها موجوده وقالى انزل امبابة عند شارع الرشيد ورا توكيلهم على طول اسأل على اى قطعة غيار ممكن تيجى فى بالك ولو ما لاقيتهاش تعالى رجع العربية وخد فلوسها
وبالفعل نزلت عندهم فى التوكيل اللى فى المهندسين
واتكلمت معاه وقلولتله نظام التسليم بيبقى ازاى قالى لو اللون بتاع حضرتك موجود بتستلمها وقتى
لو مش موجود بتنتظر 4 ايام بالكتير وتستلم على طول
ودى شكل ومواصفات السيارة
ChinaAutoWeb - Chana Star 2
تحياتى للجميع

[هانى ظرف منصور]

مبروك مقدما

[buksh]

الله يبارك فيك يا استاذ هانى