الشانا الايدو وصلت

[Moamen Hossam]

ياريت يا باشا لما ان شاء الله تستلم الايدو على خير ابقى طمنا وقولنا انطباعك وطريقة التسليم من الوكيل واسلوب المعاملة

[tito20002003]

انت هتستلم العربية امتى

[tito20002003]

عندك حق مليون فى المية و ده من أسباب عدم انتشار العربية اللى فى رأيى أفضل صينى سيدان فى السوق المصرى مع احترامى لكل الصينى طبعا ً و لكن هو توكيل محترم و الأهم من كده انه موفر جميع قطع غيار العربية بكميات كبيرة جدا ً

متعتمدش على البيعين لانهم موظفيين بص بنفسك على العربية

[tito20002003]

هى فعلا ً أغلى عربية صينى سيدان فى السوق ، و لكن بالنسبة لموتورها و عفشتها و صاجها و مواصفاتها كأوبشن و وسائل أمان و علوها عن الأرض و حجمها و جودة تقفيلها يعتبر سعرها مناسب جدا ً جدا ً
و دى طبعا ً وجهات نظر و ان شاء الله هاعمل تقرير كامل عنها و لكن مبدئيا ً كده اللى عاجبنى فيها شكلها جميل جدا ًمن برة و من جوة تقفيل ممتاز و دى مواصفات العربية :

1600 cc
125حصان
الفتيس ستيبترونيك 5 سرعات (يابانى التصنيع من شركة ايسن الموردة لاغلب الشركات العالمية )
الموتور بتقنية Blue Core اى (اقصى قوة -اقصى هدوء للموتور -وموتور صديق للبيئة )
Full option بالاضافه الى فتحة سقف
جميع وسائل الأمان ABS , EBD , AIRBAGS , Immobilizer
حجم الشنطة يصل الى 510 ليتر
حجم تنك البنزين 52 لتر
التحكم بالمرايات كهربا ء و طبعا ً فتحة السقف كمان
فوج لايت أمامى و خلفى
السيارة تصميم ايطالى
نظام الفرامل من AWT الامريكية
تكييف الكترونى ( مع خاصية توفير الطاقة فى الوضع الاقتصادى )
النظام الصوتى ممتاز ( بها CD Displayer صوت و صورة )
ده غير طبعا ً ان التحكم فى الصوت من عجلة القيادة ميزة جميلة )
عفشة محترمة ( المسافة بين قاعدة العجلات 2660 mm )
ثبات و لاكلمة ( جنوط اسبور ألمونيوم 16 )
مصفحة للموتور من أسفل
مابتحكش فى المطبات ( ارتفاعها عن الأرض 1490 mm يعنى حوالى 15 سم )
نظام عازل فى الكبوت ( ماتسمعش للموتور صوت خالص )

الكلام دة محترم جدا وخارج من واحد عشق العربية دى زيى ويمكن اكتر

[tito20002003]

هى فعلا ً أغلى عربية صينى سيدان فى السوق ، و لكن بالنسبة لموتورها و عفشتها و صاجها و مواصفاتها كأوبشن و وسائل أمان و علوها عن الأرض و حجمها و جودة تقفيلها يعتبر سعرها مناسب جدا ً جدا ً
و دى طبعا ً وجهات نظر و ان شاء الله هاعمل تقرير كامل عنها و لكن مبدئيا ً كده اللى عاجبنى فيها شكلها جميل جدا ًمن برة و من جوة تقفيل ممتاز و دى مواصفات العربية :

اسمحلى
FAW بسترن = 138000
MG = 128000

1600 cc
125حصان
الفتيس ستيبترونيك 5 سرعات (يابانى التصنيع من شركة ايسن الموردة لاغلب الشركات العالمية )
الموتور بتقنية Blue Core اى (اقصى قوة -اقصى هدوء للموتور -وموتور صديق للبيئة )
Full option بالاضافه الى فتحة سقف
جميع وسائل الأمان ABS , EBD , AIRBAGS , Immobilizer
حجم الشنطة يصل الى 510 ليتر
حجم تنك البنزين 52 لتر
التحكم بالمرايات كهربا ء و طبعا ً فتحة السقف كمان
فوج لايت أمامى و خلفى
السيارة تصميم ايطالى
نظام الفرامل من AWT الامريكية
تكييف الكترونى ( مع خاصية توفير الطاقة فى الوضع الاقتصادى )
النظام الصوتى ممتاز ( بها CD Displayer صوت و صورة )
ده غير طبعا ً ان التحكم فى الصوت من عجلة القيادة ميزة جميلة )
عفشة محترمة ( المسافة بين قاعدة العجلات 2660 mm )
ثبات و لاكلمة ( جنوط اسبور ألمونيوم 16 )
مصفحة للموتور من أسفل
مابتحكش فى المطبات ( ارتفاعها عن الأرض 1490 mm يعنى حوالى 15 سم )
نظام عازل فى الكبوت ( ماتسمعش للموتور صوت خالص )

[tito20002003]

على فكرة اول اعلان نزل من توكيل الايدو نزل فى الاخبار النهارده

[nakk]

العربية كده مش غالية انا العربية دى ركبتها فى المعرض اللى فات وفعلا مفيش صينى زيها نزل مصر وتعتبرنقلة كبيرة فى جودة السيارات الصينية وتنافس الالنترا والسيراتو الهاى لاين بشدة

[tito20002003]

حبيت اضيف الفديوهات دى خصوصا اول واحد

حبيت اضيف الفديوهات دى خصوصا اول واحد

长安EADO逸动宣传片—在线播放—优酷网，视频高清在线观看



EADO CRASH TEST NEW - YouTube





Eado Manufacturing & Testing Process - YouTube




Краш тест Changan EADO (опрокидывание) - 2 - YouTube

[هانى ظرف منصور]

فيديو رائع
اخبار التوكيل ايه ومعاملته مع الزبائن ايه وحل مشكلات السيارة انا اعرف انك من ملاك السيارة ياريت تحكى لنا عن التوكيل واهم المشاكل التى واجهتك مع السيارة ومع التوكيلtito20002003

[Moamen Hossam]

حبيت اضيف الفديوهات دى خصوصا اول واحد

长安EADO逸动宣传片—在线播放—优酷网，视频高清在线观看



EADO CRASH TEST NEW - YouTube





Eado Manufacturing & Testing Process - YouTube




Краш тест Changan EADO (опрокидывание) - 2 - YouTube

انا مش فاهم اختبار ال rollover crash test, المفروض يبين ايه واي نتائج الاختبار ده للايدو

[tito20002003]

فيديو رائع
اخبار التوكيل ايه ومعاملته مع الزبائن ايه وحل مشكلات السيارة انا اعرف انك من ملاك السيارة ياريت تحكى لنا عن التوكيل واهم المشاكل التى واجهتك مع السيارة ومع التوكيلtito20002003

استاذ : هانى
انت الوحيد اللى كنت من اوائل المتحمسين للعربية اللى اتغير

على العموم
حتى الان مسمعتش ان العربية فيها اى مشاكل .
تعاملهم حتى الان محترم فى كل حاجة

حابب ان انقل ليك تجربتى معاها خلال الفترة اللى فاتت

اولا : ثبات العربية
محترمة جدا فى ثباتها على السرعات العاليه وانا شخصيا وصلت بيها الى 160 ولو كنت كملت معندهاش مشكلة
العربية مزودة ب التالى
ABS
EBD
ESC او Electronic stability control ودة مش هتلقية فى كل العربيات لانة دة المسئول عن ثبات العربيه من خلال تنسيقة ما بين ABS و EBD وخصوصا فى حالة وجود مطر
وزن العربية 1325 ك .

ثانيا : عزل العربية
كويس جدا مش عايز ابالغ واقول ممتاز مقارنة بالعربيات اللى انا اتفرجت عليها ومنها الايمجراند والبى واى دى وحتى اللوجن.

صوت الراديو استريو على اى قناة وكمان السى دى او حتى usb نقاء ووضوح ب ست سماعات اربعة كبار واتنين صغيرين .

ثالثا : الدهان والتقفيل
محترم جدا ويكفى ان العربية تقفيل بلدها والفنيش بتعها محترم
والكراسى جلد مش مصمت يعنى مزودة بفتحات تهوية
التكيف جربتة عملى ولمدة ساعة ونصف فى موجة الحر اللى فاتت كان منها حوالى نصف ساعة فى اشارة وحدة وكان اداة كويس جدا
رابعا : العفشة رياضيه واللى بتتوائم مع الشوارع بتعتنا بالاضافة الى ان العربية تعتبر الاعلى فى فئتها عن الارض وبالتالى لما تركب عيلة مش هتلقيها بتحك فى المطبات ولكنى عندى راى ان شوارعنا الفل عايزة عفشة دبابات وعلى العموم انا حريص ان انا احفظ امكان المطبات والحفر فى طريقى باستمرار.
الحمد الله
حتى الان العربية مخزلتنيش فى اى حاجة لا اصوات غريبة ولا تزييق .
والحقيقة انا لما خدت القرار واشترتها كنت اول شهر موسوس على الاخر من اللى كنت بسمعه على العربيات الصينى خصوصا الايمجرند , يعنى كانت ودانى حساسة لاى حاجة ممكن تحصل والحمد الله حتى الان العربية بتزيد ثقتى فيها يوم عن اليوم اللى قبلة

عايز قولك ان العربية مش صينى زى منتا فاكر يعنى
التصميم ايطالى
الموتور بتعهم تطوير مشترك بينهم وبين فورد (وليهم مراكز بحوث فى امريكا ) مزود بخاصية اسمها Blue core ودى بتعنى ثلاث حاجات
اقصى قوة فى اداء الموتور 120 حصان 1600 cc
اقصى هدوء فى صوت الموتور
اقصى محافظة على البيئة
اهم حاجة
الفتيس ستريبتونك 5 سرعات يعنى اتواتيك تلقية ومنوال تلقية والاهم انه (يابانى التصنيع من شركة ايسن الموردة للاغلب الشركات العالمية زى تويوتا مثلا وبرندات تانية كتير .
نظام الفرامل من شركة امريكية مشهورة اسمها TRW بتلقيها حاضرة معاك
جنوط اسبور مقاس 16

عايز اقول حاجة مهمة ولو حابب تقارنها فحطها فى مكنها الصح يعنى المقارنة(من حيث الامكانيات والسعر و التقفيل وخلافه مع
الهيونداى الالينترا -كيا سيراتو - البيجو 301 -نيو اوبترا و كمان MG )

استهلاك البنزين خلال الالف كيلو اللى فى الاول 8- 8.6 ليتر/100 كيلو
بعد كدة ثبت جوة القاهرة عند 9.5 ليتر /100 ك

[هانى ظرف منصور]

اشكرك tito ,والمفاجاة للكل اانا النهاردة اتصلت بالوكيل حتى احدد ميعاد للذهاب اليهم والحجز ورد عليا الاستاذ محمود مدير مبيعات الشركه وقال بالحرف الواحد انه لا يستطيع ان يحجز لى السيارة لان الشحنه التى وصلت مباعه بالكامل ولا يوجد لديهم الان اى سيارة لاى عميل جديد وان توقعهم لبيع السيارة لم يتوقعوة وان امامى من 2 الى 3 شهور حتى يتم فتح باب الحجز من جديد للدفعات الجديدة

[Moamen Hossam]

اشكرك tito ,والمفاجاة للكل اانا النهاردة اتصلت بالوكيل حتى احدد ميعاد للذهاب اليهم والحجز ورد عليا الاستاذ محمود مدير مبيعات الشركه وقال بالحرف الواحد انه لا يستطيع ان يحجز لى السيارة لان الشحنه التى وصلت مباعه بالكامل ولا يوجد لديهم الان اى سيارة لاى عميل جديد وان توقعهم لبيع السيارة لم يتوقعوة وان امامى من 2 الى 3 شهور حتى يتم فتح باب الحجز من جديد للدفعات الجديدة

ستاذ هاني على اد ما الخبر ده كويس في ان الايدو كدة انشارها هيبقى كويس على اد ما اتضايقت عشان انا كنت ناوي احجزها اول الشهر على اساس اني استلمها على بالكتير اول شهر ستة على العموم خير ان شاء الله

[luckyman]

مش عارف ايه كم الدعايه بالعربيه دي ده مش اعجاب ده ترويج نفس اللي حصل مع الجاك الناس دافعت عن العربيه باستماته لحد ما اتقرضت اساسا قبل ما تنتشر
يا جماعه التوكيل مهم جدا والانتشار مهم انا غمري ما سمعت عنها ومش كفايه الشكل وانه مقتبس من الهيوانداي او حتي المرسيدس .. والسعر كمان عامل مهم انا شايف ان سعرها غير مدروس اطلاقا وتسوق بسعر غبي وده احد اسباب فشل العربيه مقدما زي البريليانس تماما برغم قوه الوكيل الا ان في موديلين محدش سمع عنهم حاجه يشبوه ابي ام وفخامه وشيك وجوده لكن السعر الغير مدروس افشل السياره تماما والله الموفق والمستعان

[وائل محمد حامد]

السلام عليكم
عاوزين نعمل قسم خاص بالايدو وكل ما يخصها
زي byd كده