عاوز نصيحه لوجه الله من خبراء القسم

[ناسى الناس]

بسم الله الرحمن الرحيم
عاوز نصيحه منكم ي جماعه
عاوز عربيه صينى بس تستحمل المشاوير وتكون واسعه وكمالياتها حلوة طبعا
والاهم العفشه تكون حلوة وتعمر معايا
مش كل يوم اخدها توكيل واحتاس بيها
مستنى ردودكم من اجمل منتدى ف الدنيا

[Mahmoud/Nabil]

emgrand7

[ناسى الناس]

لالالالا ياريت ابعد عن جيلى اميجراند خالص مش نازلالى من زور

[ناسى الناس]

اى ى جدعان محدش بيرشحلى واحده ليه؟

[Ahmed.Essam]

رأيي سبيرانزا m11 او سبيرانزا انفي

[د.عماد صلاح]

بي واي دي او انفي

[J A G U A R]

عندك byd وانفى و m11

[hugan]

الانفي الافضل في راءي حاليا

[هانى ظرف منصور]

عندك الشانا الايدو تحفه موتور 1600 ccاتوماتيك

[magdy_c_c]

عندك الشانا الايدو تحفه موتور 1600 ccاتوماتيك

رأيك هو الصواب يا هانى
و على فكرة كنت هارشحها للاخ اللى بيسأل عن الصينى و فى رأيى الشخصى هى أفضل سيارة صينى سيدان على أرض مصر على الاطلاق توكيل و قطع غيار و وسائل أمان و موتور بلو كور يابانى جبار فى العزم و موفر جدا ً فى البنزين و عالية عن الأرض مابتحكش فى المطبات و طبعا ً كفاية جودة التقفيل و فتحة السقف و خامات التابلوه و الجنط الـ 16 و الصاج المحمل
اوعى تجيب غيرها
و على العموم لما استلم ان شاء الله هاعمل تقرير وافى عنها
انتظرونى

[magdy_c_c]

و على العموم دى مواصفاتها
1600 cc
125حصان
الفتيس ستيبترونيك 5 سرعات (يابانى التصنيع من شركة ايسن الموردة لاغلب الشركات العالمية )
الموتور بتقنية Blue Core اى (اقصى قوة -اقصى هدوء للموتور -وموتور صديق للبيئة )
Full option بالاضافه الى فتحة سقف
جميع وسائل الأمان ABS , EBD , AIRBAGS , Immobilizer
حجم الشنطة يصل الى 510 ليتر
حجم تنك البنزين 52 لتر
التحكم بالمرايات كهربا ء و طبعا ً فتحة السقف كمان
فوج لايت أمامى و خلفى
السيارة تصميم ايطالى
نظام الفرامل من AWT الامريكية
تكييف الكترونى ( مع خاصية توفير الطاقة فى الوضع الاقتصادى )
النظام الصوتى ممتاز ( بها CD Displayer صوت و صورة )
ده غير طبعا ً ان التحكم فى الصوت من عجلة القيادة ميزة جميلة )
عفشة محترمة ( المسافة بين قاعدة العجلات 2660 mm )
ثبات و لاكلمة ( جنوط اسبور ألمونيوم 16 )
مصفحة للموتور من أسفل
مابتحكش فى المطبات ( ارتفاعها عن الأرض 1490 mm يعنى حوالى 15 سم )
نظام عازل فى الكبوت ( ماتسمعش للموتور صوت خالص )

[egypt123456]

انت طلبت نصيحة لوجه الله
قبل ما تفكر في الصيني تحديدا فكر في الاتي
1- سعر اعادة البيع ( وبلاش تقول انك مش ناوي تبيع بعد كده )
2- فكر في قطع الغيار متوفره ولا لاء

لو حسمت التفكير هتختار فيرنا فورا بدون تردد
قطع غيار وسعر اعادة بيع ولو حبيت تبيع في اي وقت

الصيني وعن تجربة شخصية مع عربيتين صيني من قبل
اعادة البيع بتخسر النص + قطع غيار في التوكيل وبس ولو بره انت وظروفك
تروح للميكانيكي يقول مبشتغلش في الصيني وتحس انك داخل عليه بمركبة فضائية

العربيات الصيني بيقولك الفتيس ياباني والموتور ياباني والباب ياباني وخلافة
خلاص اشتري ياباني اضمن مليون مرة

والله ده تجربه شخصية

[وائل محمد حامد]

استاذ هاني
انا محتار بين بي واي دي الشكل الجديد الاوتوماتك وال ايدو
الاثنين ليسوا بضاعه حاضره عندك فكره حينزلوا امتي

[وائل محمد حامد]

بي واي دي الشكل الجديد الاوتوماتك

حتنزل امتي وهي فعلا l3, زي الصور
وهي احسن ولا الايدو الجديده

[ناسى الناس]

حد جرب شانا ايدو ي جماعه اصل خايف منها برضه هتستحمل سفر طويل ولا اى ظروفها