لو معايا 53 ألف بحد أقصى ترشحولي إيه صيني

[hoda9999]

ya gamaha azpernza a113 not good
1300cc andgives only 66hp
loki 1100cc of i10
and 1100cc of picanto
of course not good
no effort on the motor
chen benni is better
1300cc with 86hp is
better

[نور العمر]

ألف شكر لكل من تقدم برأي ... أنا زي كل إللي خايف من الصيني ... بس ضغطة الشغل والولاد والمشاوير مش قادرة استنى أكتر من كده .. ولأني معرفش حاجة نهائي عن العربيات مش عايزة مستعمل متعب ... ولأني بحب التطور عاوزة أوبشن يريحني ... فئة الستينات قسطها حيكون كبير قوي على مرتبي .. لأن المرتب مش قسط بس في حاجات تانية كتيير ده غير إن العربية بردوا مهما كان ليها مصاريف وبنزين وخلافه.
في الخمسينات فيه الألتو والسبارك ... الألتو بعد ما غليت استبعدتها 52 ألف على 800 cc فول أوبشن حراام وكتييير . . والسبارك بردوا عالية عليا وخصوصا أنا حشتري على طلة السنة الجديدة وسمعت إنها حتبقى ب 58 ألف فطبيعي حتبقى مستحيلة . وموضوع عدم وجود مؤشر حرارة ده غريب قوي وكمان ديقة أصلي من البشر الطويلة نوعاً ما .. فيا جماعة اتحصرت غصب عني في الصيني والماليزي ... والبردوا كليسا الماليزي حلوة وسمعتها طيبة بس واطية على الأرض ووصغيرة قوي زي الماروتي .. مش راضياني
محدش يزعل من رأي حد ... بس أكيد في في الصيني حاجة متقولش لأ. أنا مشاويري شغل وبيت وحضانة ومدرسة وشوبينج دخل مدينة نصر ... لا سفر ولا سرعة ولا شئ وحريحها جمعة وسبت لأني لو خرجت حخرج بعربية زوجي ... وبكتيري 80 او 100 سرعة ده لو رايحة كارفور مثلاً على الطريق الدائري أما داخل شوارع المحروسة أعتقد لو وصلت ل 60 خير وبركة . واعتقد مش حتزيد عن 20 : 40 بكتيره ....
ها ... إيه رأيكو .... الاسبرانزا 113 فعلا اختياري الأول .. بس هل فيه الاحسن منها
البيري عز العرب
الايديا هويدي موتورز
البيني سوزوكي
الجيلي توب جير
f1 شركة الأمل
وأفضل الهاتش عشان سهولة التحكم ووجود راكنات .. والشنطة الكبيرة مش مهمة قوي عشان كده مش محتاجة سيدان + مش عاوزة أزيد عن 1300 cc عشان مستهلكش بنزين كتيير ... كتر خير الدنيا ..
المهم توكيل ابن حلال وقطع غيار مضمونة ... مش عاوزة ألوص وخصوصاً لما تيجي حتبقى إيدي ورجلي مع ولادي ... والله المستعان

[نور العمر]

أ جمال ؟ حضرتك قلت معاك صيني ... وكمان واضح إنك عضو فعال ... إيه نوع عربيتك ... ولو اسبرانزا أبو الفتوح عامل معاك إيه.

وسؤال يا جماعة السيدان أفضل من الهاتش في الصيني .. واللا الهاتش حلو بردو

[نور العمر]

أ/ human أنا بقالي شهور بسأل في البنوك لما زهقت
وكمان كدة كدة أنا عاوزة قرض شخصي وليس قرض سيارة وده فايدته بتصل إلى 9.5 %.
عندك بنك كويس بالمرة ... بس بشرط عدم تحويل مرتب لأن شغلي ما بيحولش مرتب وده كسل موظفين مش اكتر.
الصبر من عندك يا الله

على فكرة انا شفت اختبارات تصادم لسيارات صيني ومش وحشة
أنا زوجي معاه لادا روسي .. ودي ازواق ... مبهدلها وهي مكملتش 3 سنين زيرو من الجيش .. لانه ظابط ... وفيها عيوب رغم إنه جاب الروسي وليس المصري
وكله كوم وتكييفها كوم تاني خالص
بصراحة هو السبب في العقدة إللي عندي ورغبتي في سيارة زيرو شيك وأوبشن

[جمال]

يعنى انا لو قلت هنا سيبك من اللى بيقول هاتى صينى هتكون مبسوط من طريقه الكلام ديه؟

انا عرضت و جهه نظرى من غير مقول على حد كلام موش كويس

و بعدين انت فرحان بعربيتك ده شئ كويس و برده اللى معاه 128 ممكن يقولا احلى عربيه فى الدنيا
كل واحد حر بس من غير مايسفه رأى التانى

و شكرا

انا لم اقصدك انت شخصيا لانك لم تقل سيبك من الصينى صح
وانا لم اقصد شخصا بعينه ولم اسفه اى رأى , انما المقصود مجموعة هنا فى المنتدى لاتفتأ تهاجم الصينى بدون تجربة حتى , انما بالسمع
وعموما انا لاادخل فى سجال مع مهاجمى الصينى ابدا
كل اللى حصل انى قلت رأيى عن تجربة
وشكرا لك

[جمال]

أ جمال ؟ حضرتك قلت معاك صيني ... وكمان واضح إنك عضو فعال ... إيه نوع عربيتك ... ولو اسبرانزا أبو الفتوح عامل معاك إيه.

انا عربيتى الصينى هى هايما - فاميلى
شكرا لك

[waeldogary]

انا عايز اجيب شانا بيني ما رايكم فيها CHANA BENNI

[muslem]

شوفى يا أخت ريهام
أنا رأيى تسألى على ال f1 تعمل كام وإتكلى على الله لأن البى واى دى شركة محترمة والتوكيل بتاعهم (الأمل ) بيتعامل مع صيانة السيارات دى بإحترام
وربنا يوفقك إن شاء الله

[hoda9999]

Reham Chery Qq Is A Good Choice
1100ccwith 67hp Is A Good Choice And Good Wakel
Abo Alfotoh
But Azperenza 1300cc Is Bad
Because It Is 1300cc Gives 66hp
Only But Consumes More Fuel
I Think Technolgy In It Is Not On Top
Also Chery Qq Is A Copy Of Chevrolet Spark In Every Thing And Also Made By Daweoo Engeneers Who Travel To China After Daweoo Collapse So Etwakely Al Alah

[hoda9999]

F1 Also Good Like Chery Qq Search For It If You Like The Shape It Is 1000cc Gives 63hp
Both Byd And Chery Gives Max Speed 135km With 5gears
But F1may Be Better As It Uses 16valve Which Will Help In Fuel Millage While Chery Qq 12 Valve Only And Also Better Than Spark Which Have 8 Valve

[نور العمر]

شكراً على النصيحة بس محتاجة شكر أكتر في ال qq عن تجارب عشان أطمن لها
واعتقد إن الاسبرانزا الهاتش 1300 cc و 80 hp ليس 66 كما قيل.
أتمنى ال f1 لأنها شركة فعلاً محترمة وأصدقائي في الشغل سافروا رحلة عمل إليها بس كل خوفي من شركة الأمل ...

http://www.fannat.com/Magazine.aspx?NewsID=424

دي صورتها

[نور العمر]

أ / muslem صيانة سيارات الصيني f1 عند شركة الأمل فين
وسمعتها إيه في قطع الغيار
بتوفرها .. وأسعارها معقولة .. واللا إيه

[muslem]

الإخت ريهام
سمعة شركة الامل تخوف فعلا
لكن السيارات البى واى دى لها قسم خاص فى الصيانة هناك كأنها شركة تانية خالص بالعمال والمهندسين وحتى تقريبا الاجهزة
والشهادة لله انا اتعاملت معاهم فى الصيانة بتاعة البى واى دى طبعا لاقيتهم ناس ممتازة ومتفاهمين جدا جدا
وأظن ان قسم البى واى دى هناك مستقل تماما عن اللادا فى كل شئ
وعلى العموم اعملى إستخارة وربنا يوفقك

[ahmedaliamer]

أنا برشحلك سبيرانزا A113 حيث أنها توكيل أبوالفتوح +أوسع سيارة في فئتها (أوسع من البيكانتو والسبارك والألتو ) وكمان 1300CC ولكن عاوزه مراعاة في القيادة ومواعيد الصيانة أكثر من عربية تكون أغلى منها في السعر. ده رأيي لو عوزه عربية هاتشباك وفي السعر ده. وبالتوفيق

[ahmedaliamer]

المواصفات الفنية ل إسبيرانزا A113 :-
نوع المحرك 16 صباب كامه مزدوجه
1297 cc
اقصي قوه 87حصان /6000 لفه
العزم 118/3800
نظام الوقود حقن اليكتروني
ناقل الحركه 5 سرعات عاده
نظام الفرامل اماميه ديسكات و خلفيه طنابير
الابعاد الطول 3700
العرض 1578
الارتفاع 1527
وزن السياره كليا 1356
عددالاشخاص 5
سعه خزان الوقود 48 لتر
السرعه القصوي 164
الاطارات 175/60
الوقود 92
الكماليات:
باور ستيرنج
عجله قياده قابله للتعديل
Abs
سنترلوك
4 زجاج كهربي
جنوط سبور
فوجات اماميه
Rbm
حامل اكواب
ساعه ديجيتال
الكنبه قابله للطي
قفل حمايه للاطفال
فتح تانك البنزين من الداخل
راديو كاسيت و mp3
4 سماعات
اريال مدمج