السيارة جلوري الجديدة في مصر

[emam]

السلام عليكم
انا اخويا خلاص اشترا العربيه دي وها يستلمها بعد يومين ان شاء الله
لو حبيتو ارفعلكو صور ليها انا مستعد
ومتابع معاكم ان شاء الله

ياريت تقولنا يا استاذ عزت عاملة ايه العربية مع اخوك وهل من ناحية الماتور والعفشة والتقفيل والتعامل مع التوكيل

[AymanEF]

يا جماعه انا عملت 2000 كيلو على العداد و حابب اشارك برايى بمنتهى الامانه
مميزات العربيه فى نظرى انا شخصيا
1- سحب العربيه المانوال عالى و جميل و تكاد تكون اعلى بنسبه شويه من مثيلاتها فى الفءه السعريه ( لانوس و فيرنا و byd )
2- التكييف عندى كويس اوى بس لازم ترفع المروحه ل 3 او 4 عشان العربيه واسعه اوى و التكييف محتاج وقت يسقع العربيه كلها بس هوا الى طالع بارد فعلا و كويس اوى
3- عفشتها ناعمه جدا بعد شويه قرايا على الباب فى استيكر يوضح ضغط الاطارات لو فاضيه او مليانه فاضيه 30 قدام و 32 ورا كدا متحسش
بحاجه فعلا
4- بالنسبه لاستهلاك البنزين انا عملت 100 كيلو ب 10 لتر بنزين مع انى فضلت مشغل التكييف مطفتهوش طول الوقت دا ( 85 كيلو سفر و 15 كيلو زحمه فى البلد )
5- العربيه عاليه اوى اوى حتى لو لقدر الله لبست مطب غلط محكتش و لا الهوا
هضيف بعض الحقايق الى ممكن تتشاف عيوب او ميزات على حسب الى راكب
1- العربيه كسرعه اخرها 150-160
2- بعد ال 150 انا حسيت ان الاتزان قليل شويه مع العلم انى كان عندى فيرنا 1500 مو 2006 كانت جنوط 13 و واطيه و كنت بجيب 170 و مفيش مشاكل الاتزان بس برضو دى من وجهه نظرى الشخصيه.

[hamo81]

ربنا يباركلك فيها ويكفيك شر الطريق
وانا من وجهة نظري إن المانوال هينجح عن الأوتوماتيك بسبب الجنوط والماتور والسعر

[mohamed_prog]

عزم الموتور 145 نيوتن متر ضعيف جدا على سيارة حتشيل 8 ركاب بالسائق

و افتكر دايما ان عربيات ا فشلت بسبب معادلة العزم الى الوزن الكلي بكامل الحمولة من الركاب و الشنط و وزن السيارة

اللي بيدور علي عربية تشيل ركاب كتير وبسعر قليل مش حايفرق معاه..تاني حاجة عندك مثلا السوزوكي carry اللي عندنا فاسكندرية اسمها التونايه بتشيل ٨ راكب وموتور ١٠٠٠ سي سي وسحبها مش وحش

[hamo81]

انا شايف إن المانوال ممكن يكون ليه مستقبل وبدأت تنتشر فعلا
لسه شايف عربية معدية من الشارع من شوية شكلها حلو

[wkamals]

نرجو الافادة

انا راكب عربية شيري a11 لونج موديل 2008 وللامانه عربية قوية جدا وثبات ممتاز على الطريق لكن قابلت كام مشكلة في العربية الشيري اولهم ان سير الكاتينة مصنوع من الكاوتش وبعد تغييره اتقطع قبل المسافة المقررة ليه بالرغم من اني كنت حريص اني اشتري افضل نوع في السوق وده طبعا اتسبب اني فتحت الموتور عشان اصلح المشاكل اللي حصلت واتكررت المشكلة مرة تانية بعد مسافة اقل من النفروض اغير عليها السير اما المشكلة التانية الكبالن اللي بقيت انام احلم بيها وضيعت نص فلوسي على الكبالن بالرغم من اني باركب لها كبالن جولف 3 وباشتريها من اشهر واحد بتاع جولف في التوفيقية ومع ذلك مفيش فايده فيها اما المشكلة الثالثه والاخطر التوكيل اللي مبقاش في اي نوع من انواع الصيانة ولا قطع الغيار
عشان كده ابتديت افكر في شراء عربية جديدة وقلت ابتدي اعمل مقارنات بين العربيات ولقيت 3 انواع من العربيات تناسب اللي بافكر فيه واتفرجت على اول عربية منهم وهي جلوري وعجبني فيها حاجات كتير من اهمهم ان مشكلة الكبالن ومشكلة سير الكاتينه انتهوا لانها دفع خلفة ولان سير الكاتينة مصنوع من جنزير حديد
اللي عايز اعرفوا بقى
1- هل ناشيونال موتورز توكيل قوي ولا بعد كام سنه مش حلاقي قطع الغيار ولا حلاقي التوكيل
2- هل ليها قطع غيار خارج التوكيل ولا لا
3- لقيت الاتوماتيك منها 1400 cc لكن العادة 1500 cc ودي حاجة انا حاسس انها مش طبيعية
ولكم جزيل الشكر

[AymanEF]

عفشه و موتور البديل تويوتا افانزا
التوكيل لقى ان العربيه ماشيه معاه زى الفل و بتتباع على طول غير ان فى طلب عليها هيحاول يثبت مكانه بين العربيات
1400 cc مش وحش للاوتوماتيك عشان تقلل استهلاك البنزين و للجنط شيله و جيب 15 لو معاك امكانيات و ولو مش معاك استني لخد ميكون معاك

[wkamals]

مقارنه

كنت باعمل مقارنه بين العربية الكينبو والعربية الجلوري والعربية الجاك لحد ما وصلت لواحد شاري العربية الكينبو s3 وتابعت اخبارها على النت وبالرغم من اني كنت معجب بيها جدا الا انها خرجت بسرعة من المقارنه وما زال البحث جاري عن العربية الجاك لحد ما نشوف مين اللي حايكسب جلوري ولا جاك

[emam]

كنت باعمل مقارنه بين العربية الكينبو والعربية الجلوري والعربية الجاك لحد ما وصلت لواحد شاري العربية الكينبو s3 وتابعت اخبارها على النت وبالرغم من اني كنت معجب بيها جدا الا انها خرجت بسرعة من المقارنه وما زال البحث جاري عن العربية الجاك لحد ما نشوف مين اللي حايكسب جلوري ولا جاك

هى الجاك دى ايه مواصفاتها 7 راكب بردة ؟

[wkamals]

السيارة جاك

السيارة جاك 7 راكب وتقفيل الهيئة العربية للتصنيع يعني نقدر نقول زيها زي الجيب والله اعلم

[mth3000]

السيارة جاك 7 راكب وتقفيل الهيئة العربية للتصنيع يعني نقدر نقول زيها زي الجيب والله اعلم

بسم الله الرحمن الرحيم ممكن معلومات عن السيارة وصور ليها لو امكن وسعرها كام في السوق ومواصفات وشكراً

[wkamals]

جاك ايجل

ويكيموبايل اسعار: سعر مواصفات سيارة جاك ايجل 2015 الصينية Jack Eagle
الرابط ده بعض المعلومات عن السيارة جاك

[mth3000]

ويكيموبايل اسعار: سعر مواصفات سيارة جاك ايجل 2015 الصينية jack eagle
الرابط ده بعض المعلومات عن السيارة جاك

شكرا للرد ولكن المعلومات مقتصرة يعني هل السيارة فعلا تجميع الهيئة العربية للتصنيع لاني دخلت علي موقع الهيئة ومفيش اي ذكر الا للجيب وهل بدأ التصنيع والتسويق للسيارة فعلاً ومعلومات الماتور وهو تصنيع ايه ومواصفاته ومكتوب ان العربية دفع رباعي والاطارات وصور داخلية للسيارة وووووو حاجات كتيرة لانها ممكن بكده تكسح عربيات كتيير في السوق .

[wkamals]

والله يا استاذنا الفاضل انا شفتها مرة واحدة بس ماشية في الشارع والمعلومات المتوفرة عنها بسيطة جدا ومش لاقي حد ممكن يفيد بمعلومات اكتر وبالرغم من اني ميال للعربية الجلوري الا اني خايف اخد خطوة واشتريها وبعد كده الاقي التوكيل تعبان زي ما حصل معايا في العربية الشيري مع توكيل سعودي

[wkamals]

العربية جلوري داخلة دماغي تماما لان زي ما قلت قبل كده المشكلتين اللي عندي في العربية الشيري مش موجودين فيها لكن في مشكلتين تانيين
1 - قطع الغيار عند الوكيل فقط وده بيشجع الوكيل انه يتحكم في السعر زي ما هو عايز بالاضافة الى انه بعد حوالي 5 سنين الوكيل زهق من العربية احنا نعمل ايه في قطع الغيار
2 - مش عارف اذا كان السعر ده مناسب لعربية صيني ولا كتير
ارجو الافاده ولكم جزيل الشكر