بجد أنا كرهت الصين

[lancerevolution]

انا كرهت الصين من الى بتعمله فينا أسعار العربيات و الموتسكلات الصبنى فى الأرض الكلام دا أدى لظهور عدد من مالكى الموتسكلات العربجية و الإختاع العجيب التوكتوك الى سبب مشاكل كتير خاصة إن معظم الى ركبينهمبيعرفوش أداب و قواعد الطريق تلاقيه داخل قفل عليك الطريق زنق عليك خلاك تخبط فى حد ماشى عشان بيرمى نفسه و هو مش خايف على متسكله أو التوك توك و كمان بتوع العربيات خاصة الشباب مسترخصين الحاجة فبيسئو إستعمالها طبعا وأكيد فى ناس بتبقى من ملاك الصينى عارفين الصح و الغلط و محترمين جدا عشان محدش يزعل بس أنا بتكلم على الناس عديمة الذوق الى كانوا ماشين على رجليهم و بفضل الصين و 7000 جنيه جاب متسيكل و ماشى بيه من غير نمر و لا أى حاجة كدا زى واحد ساكن فى أخر شارعنا شباب جمعوا الفوس و جابوا متسكل و شغالين بيه لف فى الشارع و كل بكل إهمال ليه عشان صينى و رخيص و موجود فى كل مكان و سهل نجيب غيره دا طبعا أدى لظهور حرامية بيستخدموا وسيله الهروب الرخيصة و الفعالة فى الهرب من القانون
فى ناس فعلا يستاهلوا يركبوا عربيات و متسكلات بس فى ناس ماتستاهلش و دول إستفادوا من الصينى بجد

و يا ريت محدش يزعل منى من ملاك الصينى أنا مقصدش حاجة فالصينى سلاح ذو حدين و أنا بتكلم عن الحد السئ منه و الى إنتشر بشكل رهييييييييب

[kliken]

الموتوسيكل الصينى بيبدأ من 2000 جنيه و فعلا بقوا زى الجراد من غير نمر و عيال صغيره بتسوق و حاجه مرار
انا مرة ركنت و بفتح الباب لقيت نفسى مصطاد موتوسيكل و صاحبه وقع الموتوسيكل عليه و كان حوار اخدته للمستشفى و اطمنت عليه و الواد كان عاوز اطلعله فلوس بدل ما يروح المستشفى بيساومنى يعنى قولتله انه يحلم اخره عندى انى اطمن عليه فى المستشفى و الحمد لله طلع سليم الدكتور كتبله على مرهم جبتهوله و شكرا على كده

[lancerevolution]

شوفت مفيش سيطرة عليهم بسبب الموتسكلات فما بالك لو إمتد الأمر للعربيات إذا كان بيأجروا عربيات و بيعملوا كدا فما بالك لما ممكن يأجر عربية صينى يومين بتمن تأجير عربية كورى أو يابانى أو أى حاجة تانية غالية يوم ولا يشترى عربية جديدة بتمن إيجار عربية شهرين تلاتة حيبقى الوضع عامل إزاى

[foxking_369]

معلش يا جماعه اسمحولى هو العيب فى مين فى الصين علشان بتعمل حاجه رخيصه نسبيا ممكن يستفيد منها ناس كتير ولا العيب فيا احنا اللى منعرفش نستعمل الحاجه صح احنا اللى مبقاش عندنا خلق ولا ادب ولا تربيه مش العيب فى الصين لان اللى عايز يعمل حاجه هيعملها مش هيستنى الصين علشان تعمله الحاجه دى

توضيح صغير التوكتوك هندى مش صينى بس واضح اننا بنهاجم الصين و خلاص ؟؟؟؟؟؟

[Bassel]

معلش يا جماعه اسمحولى هو العيب فى مين فى الصين علشان بتعمل حاجه رخيصه نسبيا ممكن يستفيد منها ناس كتير ولا العيب فيا احنا اللى منعرفش نستعمل الحاجه صح احنا اللى مبقاش عندنا خلق ولا ادب ولا تربيه مش العيب فى الصين لان اللى عايز يعمل حاجه هيعملها مش هيستنى الصين علشان تعمله الحاجه دى

توضيح صغير التوكتوك هندى مش صينى بس واضح اننا بنهاجم الصين و خلاص ؟؟؟؟؟؟

كلام سليم
هي مشكلة تربية عند الناس دي
ماهو لو لغو الجمارك مثلا هتبقي المشكلة اسوأ من كده

[lancerevolution]

معلش يا جماعه اسمحولى هو العيب فى مين فى الصين علشان بتعمل حاجه رخيصه نسبيا ممكن يستفيد منها ناس كتير ولا العيب فيا احنا اللى منعرفش نستعمل الحاجه صح احنا اللى مبقاش عندنا خلق ولا ادب ولا تربيه مش العيب فى الصين لان اللى عايز يعمل حاجه هيعملها مش هيستنى الصين علشان تعمله الحاجه دى

توضيح صغير التوكتوك هندى مش صينى بس واضح اننا بنهاجم الصين و خلاص ؟؟؟؟؟؟

لامك مظبوط هو فعلا العيب فينا إحنا توك توك نشأفى الصين لما كان واحد بيشدوا مش موتور و بعد كدا بدال و بعدين بموتور لما كان واحد بيشدوا وا كان فى اليابان بس كانوا إنين واحد يشيل من قدام و التانى من ورا و هى دى فكرة مسابقة الروبوكون السنة دى

[zeyad1810]

كل الناس عاوزة الحاجة ترخص
طب ماهو الصينى رخيص يبقى نزعل لية
المشكلة فى اللى بيركب الحاجات دى مش فى المنتج نفسة

[yasserayad]

اسعار الصينى فى مصر مقاربه لاسعار اليابانى فى السعوديه مثلا
الحاجات التانيه هى اللى غاليه مش الصينى اللى رخيص
لان الصينى فى مصر غالى جدا للعلم
لو لغوا الجمارك حاتلاقى اليابانى والكورى بسعر الصينى والصينى رجع لسعره الحقيقى اللى جاى بيه من بلده بعد اضافه نسبة ربح ادميه

[lancerevolution]

بس سعره دا مخلى فى ناس مش المفروض تركب متسكلات أو عربيات راكبين متسكلات و ملين الشوارع زى العجل أو راكبين عربيات و بيزنقوا عليك و تلاقيه عايزك تشد معاه و يتنيه يستفزك و هو مش مقدر قدرات العربية و لا حتى عارف يسيطر عليها و تكون النهاية خبط فى عربية من الى قطع غيارها نار و شغلها توكيل يبقى خرب بيته أو خبط فى واحد غلبان ماشى بعربية على قده سواق تاكسى معهوش تكاليف التصليح يبقى خرب بيت الراجل يعنى بجد إستفزاز

[gaboor]

بص انا معاك في ان مشكلة الموتسكلات اللي ماليانة البلد هي مشكلة حقيقية بس صدقني لما يحصل و تتلغي الجمارك زي ما بيقولوا علي 2019 حتعرف ان المشكلة مش في الصيني و لا الهندي و لا ... لأ المشكلة في المصري اللي كتير منهم بيجيبوا عربيات علشان يجروا بيها في الشارع زي الهبل و يركب ايه في الشكمان علشان يجري بيه في الشارع الساعة 2 باليل علشان الناس تصحي و تسمع و تشوف المحدث نعمة اللي جه في ايده 100 جنيه نزل لعب في الشكمان .

المشكلة زي ما قال اخونا foxking_369 مشكلة اخلاق و ادب راح من عند كتير من المصريين

و لعلمك المكرباصات اللي في الشوارع دلوقتي تويوتا يعني ياباني و شوف سواقينها عاملين ايه في الخلق .
المشكلة مشكلة اخلاق ليس إيلا . و متأسف علي الاطالة

[lancerevolution]

طول يا عم ولا يهمك
كدا يبقى إحنا مش مستعدين لإلغاء الجمارك لحد لما نعرف نستعمل الصينى صح

[gaboor]

ده صحيح اذا كان الناس مش عارفين يستخدموا عربيات تعبانة عمرها الافتراضي لمكوناتها قصير نسبيا و بيبهدلوا الناس بيها امال لما تفتح الجمارك و الناس تقدر تجيب البي ام و المرسيدس زي ما كانوا بيجيبوا الصيني حيعملوا في الناس ايه . لا خلينا كده احسن بجامركنا لغاية ما الناس تبقي اخلاقها احسن و بعد كده تفتح الجمارك علي مهلك زي ما انت عاوز .

[osha966]

الصين كرهت الواحد فى ركوب المتوسيكلات اليابانى المحترمة الغالية لأنهم مقلدين جميع أشكال اليابانى وراكبينه شوية عيال اول مرة يسوقو عجلة لدرجة الواحد بقى مكسسوف يركب موتوسيكلات ..عكس زملن لمل كنا نركب موتسيكل هوندا محترم كل الناس كانت تتفرج عليك اما الآن المش محترف ممكن يفتكرك راكب موتسيكل صينى ب 3000 جنيه

[osha966]

وده على فكرة أثر على سوق الموتسيكلات اليابانى لأن كتير من الناس المحترمة العايزة تركب يابانى بطلت ومترددة

[osha966]

خصوصا ال سنهم كبير فوق ال 35 من مهندسين وأطباء و رجال أعمال