الى ملاك جيلى Ck2 فقط

[moataz200730]

لو سمحتم انا مقبل انى اشترى العربية دى و ده مبلغ ما جمعتهوش بالساهل و عايز اجيب حاجة زيرو مش مستعمل و كمان مش عايز حاجة بالقسط فرحت المعرض اتفرجت و عجبتنى اوى الجيلى Ck2 لانها كبيرة و واسعة و كمان عرفت ان الشركة عالجت كل العيوب القديمة اللى موجودة ف العربية و ان الضمان 5 سنين و دى حاجة عالية اوى و ان الموتور هو هو تويوتا كورولا و العفشة برضه يعنى ممكن الاقى قطع الغيار برة و مش عارف الحقيقة اعمل ايه انا متخوف و محتار و ف نفس الوقت العربية عاجبااااااااااااانى اوى ارجوكم افيدونى و بلاش كلمة بلاش الصينى مفيش عربية ما فيهاش عيوب و لو عيوب العربية بسيطة يبقة مفيش مشاكل

[ahmedabdelhamid]

امامك كذا اختيار ممكن تجيب i10 اوتجيب الفرنا او لانوس بس افتكر i10اقرب بالسعر من ck2 اعتقد نفس السعر واحسن

[ahmedabdelhamid]

ياجماع احب اعرفكم اننى املك سياره ماركة جيلى ck11 وهى اسوء سياره نزلت السوق المصرى السياره معايا بقالها شهرين فقط ومع ذلك فقط عملت صيانة فى كل شئ بالسياره ولازالت هناك عيوب فى التصنيع ليس لها حل حتى الان واقضى حاليا اسوء ايام حياتى بسبب هذه السياره الرجاء من كل المصريين الحذر عند شراء هذه السياره اتصلوا بيه والسياره موجوده وتليفونى 0127780099 دة كلام العضو ashraf3883

[moataz200730]

يا جماعة متشكر اوى ع الردود لكن الهيونداى الصغيرة ما تنفعش معايا و الفيرنا و اللانوس ازيد 13 الف جنيه و دى المتناولة بالنسبة لى فيا ريت اعرف لو عيوب العربية ايه اللى ممكن اتلافاها او ابقى عارفها

[moataz200730]

ايه يا جماعة فين الردود

[moataz200730]

يا جماعة عيب ده لسة جديد ف المنتدى

[Hacker5]

يا باشا ملاك العربية مش كتير فى المنتدى عشان مافيش ردود كتير
و كمان فى عضو عنده العربية و قايلك عربية وحشة ونتا برضو مصمم تسال عليها و الاعضاء اجمعوا على انها عربية سيئة
لو المبلغ اللى معاك مش مكفى تجيب حاجة اعلى ممكن تحط المبلغ اللى معاك مقدم و القسط هايبقى كلام فارغ لو هاتجيب لانوس او فيرنا
لو عجباك اشتريها و ربنا يباركلك فيها

[dedi]

انا شايف يا باشا دايو او فيرنا كاسرة زيرو بنفس السعر افضل

[mmmmgogommmm]

المبلغ اللى معاك بجيب كيا بيكانتو نصف كماليت او اسبرنزا113 كاملة اوهيونداى i10 ودول متجربين ومضمونين ومش معنى كدة ان الجيلى وحشة ابدا بس طالما انك شكيت ومحدش طمنك يبقى خليك فى السليم وفلوسك حلوت تتيح ليك اختيارات متعددة وربنا معاك

[mohaismail]

نصيحة بلاش احسن وحافظ على فلوسك

[MomoMedo]

الرينو لوجان المغربية الجديدة بتبدا من 59 الف فاضية و الاوتوماتك فل اوبشنز ب 66 انا شايفها مناسبة جدا

[moataz200730]

تفتكر المغربى احسن من الصينى؟؟ و يا ريت لو شوية صور ليها و بعدين بصراحة انا اخرى 57 و هو بالظبط تمن الجيلى لو كان معايا مثلا 65 كنت جبت سبرانزا 516 و بصراحة انا عاجبانى العربية بس خايف تطلع مقلب و الكلام اللى قريته ف المنتدى ان فى واحد معاه العربية بقالها سنتين و زى الفل وواحد العربية معاه بقالها شهرين و مطلعة عينه اعمل ايه

[MomoMedo]

ماهو دة عيب الصيني يا معتز
ملوش امان
عامل زي البطيخة


دي صور اللوجان
العربية تقفيل مغربي لكن هي موتور الميجان القديم

[thunderheart]

واضح ان الاصدقاء اللى بيتكلمو على الجيلي اكيد ما عندهمش العربية دي ولا عمرهم ركبوها اساسا
العربية معايا من اكتر من اربع شهور وماشية زى الفل وسافرت بيها تلات مرات في اسبوع واحد ولا باعمل صيانة ولا حتى باغسلها
وتوفير رائع في البنزين وصاج محمل وانضف من اى عربية بنفس السعر
وبلاش عقدة اوروبا وامريكا واليابان
يا جماعة الصين دي تالت قوة صناعية على مستوى العالم ووصلت انها بتصدر لامريكا واليابان نفسهم

جميع بيانات الجيلي سي كي 2 عندى مدعمة بالصور لكل من يرغب

مع تحياتي
عمرو الجوهري

[MomoMedo]

واضح ان الاصدقاء اللى بيتكلمو على الجيلي اكيد ما عندهمش العربية دي ولا عمرهم ركبوها اساسا
العربية معايا من اكتر من اربع شهور وماشية زى الفل وسافرت بيها تلات مرات في اسبوع واحد ولا باعمل صيانة ولا حتى باغسلها
وتوفير رائع في البنزين وصاج محمل وانضف من اى عربية بنفس السعر
وبلاش عقدة اوروبا وامريكا واليابان
يا جماعة الصين دي تالت قوة صناعية على مستوى العالم ووصلت انها بتصدر لامريكا واليابان نفسهم

جميع بيانات الجيلي سي كي 2 عندى مدعمة بالصور لكل من يرغب

مع تحياتي
عمرو الجوهري

4 شهور متعتبرش فترة كافية لاختبار عربية
وبعدين محدش اختلف مع سيادتك في ان الصين قوة عظمى
بس الصين بتصنع لكل واحد على اد فلوسه
و في حاجة كمان تخليك تشك في العربيات الصيني
انها فشلت في دخول اوروبا و دة دليل انها عربية فاشلة من ناحية الامان
اللي انا شايفه اهم حاجة لازم الواحد ياخد باله منها وهو بيجيب عربية جديدة
وعموما الايام هي اللي هتثبت كفاءة الجيلي او غيرها من الصيني