السلام عليكم
دي مشاركتي الاولي لكن انا من زمان من محبي نايل موتورز و كنت اقراء مقالات كثيرة قبل ما اشترك كعضو
المهم مطولش عليكو يوم الجمعة 6-3-2008 في ملحق السيارات للاهرام كان مكتوب مقال بعنوان اكسبلوجن شكل جديد بفكر قديم
العنوان نفسه غريب و لكن لما قريته لقيت فعلا كل اللي مكتوب في المقال صحيح الي حد كبير جدا
اقولكم تجربتي بعد 000 11 كم مع السيارة انا اصلا ما اتجهت للصيني الا لان معييش فلوس لحاجة افضل طبعا قالوا عندك فيرنا و لاوس قلت لا لانهم اولا اعلي من سعر الاكسبوجن حوالي 6000 جم لان عربيتي 1300 ثانيا لاني ببهدل العربية الي حد و كل اللي اعرفهم معاهم لانوس قالوا انها واطية شوية يعني مش هعرف اخد مطبات براحتي و صاحبي الوحيد اللي عنده فرنا قال انها ورق و ليس صاج توكلت علي الله و قلت يبقي اما اسبرانزا 516 اللي عجبتني او اكسبوجن و في النهاية قررت الاكسبلوجن خصوصا انها عاليه و انا بحب العربيات العالية و موتورها ميتسوبيشي
المهم اشتريت العربيه الحمد لله و قسط مع سيتي بنك - استهال اني معملتش تقسيط اسلامي- البنك معاملته اسواء ما يكون و بياخذ مصاريف غريبة ما تفهم كل قسط معه مصروف خدمة حساب ليه و قالوا بنطلع لك كرت تودع في اي ماكينة ATM و بعدين قالوا لا لغينا الفكرة و لازم تروح تدفع كل شهر في الفرع في مواعيد العمل الرسمية و طبعا تستني الدور و اصلا فروعة مش منتشرة قوي.gif)
المهم اقولكم تقييمي للعربية و التوكيل اهم من البنك و التقسيط
العربية كويسة من وجهه نظر استعمالي انا هيا موتور ميتسوبيشي فعلا من واقع البيانات في موقع الشركة الام www.zotye.com
, و بعدين فعلا جوه الموتور - شكله مش جامد - بس لقيت حتي السيور مكتوب عليها ميتسوبيشي و لما غيرت الزيت اول مرة لقيت فلتر الزيت ياباني
و بعدين عرفت ان زوتي - الشركة المنتجه للسيارة- كانت بتصنع البودي بتاع الترويوس القديمة و بعد ما غيرت التريوس شكلها اخدت تصريح بالتصنيع و سقطت فيه موتور ميتسوبشي و بقت عندها عربية
هيا اطول شوية و اوطي حاجة بسيطة قوي من التريوس القديمة لكن الاتزان بتاعها افضل و اقولكم بالتفصيل:
1-الموتور : ما شاء الله ممتاز و مفيهوش مشاكل الا لما تشغل التكييف في الحر السحب بيكون ضعيف - ممكن لانها 1300 - مش عارف استهلاك البنزين عالي بالنسبة لل1300 يعني عملت حوالي 220 كم في الصفيحة و قالوا لانها عالية و مقاومه الهواء بتكون اكبر
2- البودي : و دا عيبها الرئيسي مش ضعيف لكن خفيف العربيه خفيفه جدا تحس انها مش عارف لكن خفيفة و علي فكرة المصدات اللي في الابواب الجانبية مش صلب لكن صاج ملفوف مقوي
3- التعليق و العفشة : اول ما جبت العربية انا اصلا كنت خايف لاني اول مرة اسوق عربية عالية - بالنسبة لانها ضيقة تعتبر عاليه حيث ان الارتفاع لازم يناسب العرض - بس الحق هيا مش بطاله في الاتزان و تقدر تاخد غرز علي 90 كم لكن الوحش و العيب الكبير انك لما تاخد مطب بتلاقي العربية بتعوم منك يعني بتفقد السيطرة علي اتجاة السيارة نسبيا بحس ان الجزء الخلفي هو اللي بيوجهه العربية مش الدركسيون لكن دا لحظة المطب بس اللي بتعوم لكن اذا انت ماشي في طريق مفيهوش مطبات- و دا حلم من الاحلام في مصر- العربية كويسة
4-الجير بوكس و قصته:الغيار بيعض في التالت و اصلا مش بتبقي عايزة تجيب الاول هنا و هناك و قصص و حكايات ميكانيكي قال لي غير زيت الفتيس و لما سالت مهندس التوكيل قال احنا حاطين زيت الكيلو ب 70 جنية انت هتغيره لزيت ب 12 جم قلت له مش عارف المهم غيرت الزيت و حطيت ابو 13 جم و الحمد لله الجير بوس بقي معقول بيغير بكل رقه - بس لازم ايدك تكون خفيفة عليه - ودا مش عيب بس لسه بيعض في التالت لكن عضة بسيطة يعني اقدر اقول معقول
5- الصالون : طبعا بسيط او اقدر اقول فقير في المكونات و الخامات و العربية من ورا تشيل 2 بس اللي يقول 3 مش صحيح لكن في النهاية انت اشتريت عربيه suv يعني ميهمكش اوي موضوع الفخامه هيا باور و ازاز امامي كهربا و سنتر يعني متوسطه بس العربية مش ناعمة و صوت الموتور بعد 3000 rpm بيعلي - اذا كنت عملي و مش بتدقق في النعومة و الرقة و لكن الاداء مش هيهمك قوي شياكة الصالون هوا فقير لكن فيه الاوبشنز الاساسية
6- التوكيل : اول ما اشتريت العربيةماكنش لها غطاء الاستبن رحت للتوكيل الحق اعطوه لي مباشرة و كانوا ظرفاء معي
مركز الصيانه في منطقة الحرفيين قبل بداية طريق مصر الاسماعيلية هوا مساحته مش واسعة لكن اعتقد يفي بالغرض طبعا الغرفة اللي بيقعد فيها العملاء صالون ضيق و مفيش غير شاي او مياة اللي عايز حاجة تانيه يشتريها بفلوس او يخبط دماغة في الحيط لانها في اخر شارع كله مراكز صيانه و اقرب بقال علي بعد حالي كيلو متر
كان في البداية في مهندس مش كويس و بيضحك علي العملاء في تشخيص الاعطال لكن الان جابوا طقم ظريف الي حد ما بس مازالت المشكله الرئيسية في التوكيل انه صغير جدا يعني ممكن تستني 4 ايام حجز و يدخلوا فحص العربيات - فحص ما قبل البيع- مع عربيات العملاء يعني يعطلوا العملاء و لازم تروح 9 صباحا و تمشي في احسن تقدير 2 بعد الظهر و الجلسة بايخة و مش مريحة اما عن تغيير قطع الغيار فهذا هو الانجاز الحقيقي كانت العربية بتسخن شوية رحت للتوكيل حتي الان 5 مرات و المشكله ان الترموستات عايزة تتغير و كل مرة يقولوا ضبطناها تقعد يوم و ترجع الحرارة تزيد هيا بس بتشغل المروحة متاخر شوية فالعربية بتسخن لكن انهم يغيروا الترموستات لا و الف لا رغم ان السيارة في الضمان![I Angr1[1]](https://www.nilemotors.net/Nile/core/images/smilies/I_angr1[1].gif)
نفس القصة بتاعت تغيير الزيت ما رضيوا يغيروه لانه احسن زيت في العالم و انا اللي مش نقدر قيمتة
يعني كاني بشتري عربية من غير ضمان لان الضمان هو تغيير الاجزاء التالفة ببلاش و هذا لا يحدث
7- قطع الغيار: انا اطلعت الحق علي قائمة قطع الغيار من غير ما استأذن لانها عندهم من الاسرار الحربية هيا مش غالية و مش رخيصة متوسطة بس غالية بالنسبة لسعر العربية الصيني مش فاكر ارقام محددة اكتبها لكن اللي لاحظته ان الحاجات الكبيرة اللي تتغير كل فترة زي المساعدين و الزجاج الامامي و مضخة البنزين اسعارها معقوله اما الحاجات الصغيرة اللي تتغير كل فترة زي المساحات او تيل الفرامل او كالون الباب اسعارها مضاعفة !
دي كل القصة بخصوص اكسبلوجن و توكيلها
تحياتي للجميع
دي مشاركتي الاولي لكن انا من زمان من محبي نايل موتورز و كنت اقراء مقالات كثيرة قبل ما اشترك كعضو
المهم مطولش عليكو يوم الجمعة 6-3-2008 في ملحق السيارات للاهرام كان مكتوب مقال بعنوان اكسبلوجن شكل جديد بفكر قديم

العنوان نفسه غريب و لكن لما قريته لقيت فعلا كل اللي مكتوب في المقال صحيح الي حد كبير جدا
اقولكم تجربتي بعد 000 11 كم مع السيارة انا اصلا ما اتجهت للصيني الا لان معييش فلوس لحاجة افضل طبعا قالوا عندك فيرنا و لاوس قلت لا لانهم اولا اعلي من سعر الاكسبوجن حوالي 6000 جم لان عربيتي 1300 ثانيا لاني ببهدل العربية الي حد و كل اللي اعرفهم معاهم لانوس قالوا انها واطية شوية يعني مش هعرف اخد مطبات براحتي و صاحبي الوحيد اللي عنده فرنا قال انها ورق و ليس صاج توكلت علي الله و قلت يبقي اما اسبرانزا 516 اللي عجبتني او اكسبوجن و في النهاية قررت الاكسبلوجن خصوصا انها عاليه و انا بحب العربيات العالية و موتورها ميتسوبيشي
المهم اشتريت العربيه الحمد لله و قسط مع سيتي بنك - استهال اني معملتش تقسيط اسلامي- البنك معاملته اسواء ما يكون و بياخذ مصاريف غريبة ما تفهم كل قسط معه مصروف خدمة حساب ليه و قالوا بنطلع لك كرت تودع في اي ماكينة ATM و بعدين قالوا لا لغينا الفكرة و لازم تروح تدفع كل شهر في الفرع في مواعيد العمل الرسمية و طبعا تستني الدور و اصلا فروعة مش منتشرة قوي
.gif)
المهم اقولكم تقييمي للعربية و التوكيل اهم من البنك و التقسيط
العربية كويسة من وجهه نظر استعمالي انا هيا موتور ميتسوبيشي فعلا من واقع البيانات في موقع الشركة الام www.zotye.com
, و بعدين فعلا جوه الموتور - شكله مش جامد - بس لقيت حتي السيور مكتوب عليها ميتسوبيشي و لما غيرت الزيت اول مرة لقيت فلتر الزيت ياباني
و بعدين عرفت ان زوتي - الشركة المنتجه للسيارة- كانت بتصنع البودي بتاع الترويوس القديمة و بعد ما غيرت التريوس شكلها اخدت تصريح بالتصنيع و سقطت فيه موتور ميتسوبشي و بقت عندها عربية
هيا اطول شوية و اوطي حاجة بسيطة قوي من التريوس القديمة لكن الاتزان بتاعها افضل و اقولكم بالتفصيل:
1-الموتور : ما شاء الله ممتاز و مفيهوش مشاكل الا لما تشغل التكييف في الحر السحب بيكون ضعيف - ممكن لانها 1300 - مش عارف استهلاك البنزين عالي بالنسبة لل1300 يعني عملت حوالي 220 كم في الصفيحة و قالوا لانها عالية و مقاومه الهواء بتكون اكبر
2- البودي : و دا عيبها الرئيسي مش ضعيف لكن خفيف العربيه خفيفه جدا تحس انها مش عارف لكن خفيفة و علي فكرة المصدات اللي في الابواب الجانبية مش صلب لكن صاج ملفوف مقوي
3- التعليق و العفشة : اول ما جبت العربية انا اصلا كنت خايف لاني اول مرة اسوق عربية عالية - بالنسبة لانها ضيقة تعتبر عاليه حيث ان الارتفاع لازم يناسب العرض - بس الحق هيا مش بطاله في الاتزان و تقدر تاخد غرز علي 90 كم لكن الوحش و العيب الكبير انك لما تاخد مطب بتلاقي العربية بتعوم منك يعني بتفقد السيطرة علي اتجاة السيارة نسبيا بحس ان الجزء الخلفي هو اللي بيوجهه العربية مش الدركسيون لكن دا لحظة المطب بس اللي بتعوم لكن اذا انت ماشي في طريق مفيهوش مطبات- و دا حلم من الاحلام في مصر- العربية كويسة
4-الجير بوكس و قصته:الغيار بيعض في التالت و اصلا مش بتبقي عايزة تجيب الاول هنا و هناك و قصص و حكايات ميكانيكي قال لي غير زيت الفتيس و لما سالت مهندس التوكيل قال احنا حاطين زيت الكيلو ب 70 جنية انت هتغيره لزيت ب 12 جم قلت له مش عارف المهم غيرت الزيت و حطيت ابو 13 جم و الحمد لله الجير بوس بقي معقول بيغير بكل رقه - بس لازم ايدك تكون خفيفة عليه - ودا مش عيب بس لسه بيعض في التالت لكن عضة بسيطة يعني اقدر اقول معقول
5- الصالون : طبعا بسيط او اقدر اقول فقير في المكونات و الخامات و العربية من ورا تشيل 2 بس اللي يقول 3 مش صحيح لكن في النهاية انت اشتريت عربيه suv يعني ميهمكش اوي موضوع الفخامه هيا باور و ازاز امامي كهربا و سنتر يعني متوسطه بس العربية مش ناعمة و صوت الموتور بعد 3000 rpm بيعلي - اذا كنت عملي و مش بتدقق في النعومة و الرقة و لكن الاداء مش هيهمك قوي شياكة الصالون هوا فقير لكن فيه الاوبشنز الاساسية
6- التوكيل : اول ما اشتريت العربيةماكنش لها غطاء الاستبن رحت للتوكيل الحق اعطوه لي مباشرة و كانوا ظرفاء معي
مركز الصيانه في منطقة الحرفيين قبل بداية طريق مصر الاسماعيلية هوا مساحته مش واسعة لكن اعتقد يفي بالغرض طبعا الغرفة اللي بيقعد فيها العملاء صالون ضيق و مفيش غير شاي او مياة اللي عايز حاجة تانيه يشتريها بفلوس او يخبط دماغة في الحيط لانها في اخر شارع كله مراكز صيانه و اقرب بقال علي بعد حالي كيلو متر
كان في البداية في مهندس مش كويس و بيضحك علي العملاء في تشخيص الاعطال لكن الان جابوا طقم ظريف الي حد ما بس مازالت المشكله الرئيسية في التوكيل انه صغير جدا يعني ممكن تستني 4 ايام حجز و يدخلوا فحص العربيات - فحص ما قبل البيع- مع عربيات العملاء يعني يعطلوا العملاء و لازم تروح 9 صباحا و تمشي في احسن تقدير 2 بعد الظهر و الجلسة بايخة و مش مريحة اما عن تغيير قطع الغيار فهذا هو الانجاز الحقيقي كانت العربية بتسخن شوية رحت للتوكيل حتي الان 5 مرات و المشكله ان الترموستات عايزة تتغير و كل مرة يقولوا ضبطناها تقعد يوم و ترجع الحرارة تزيد هيا بس بتشغل المروحة متاخر شوية فالعربية بتسخن لكن انهم يغيروا الترموستات لا و الف لا رغم ان السيارة في الضمان
![I Angr1[1]](https://www.nilemotors.net/Nile/core/images/smilies/I_angr1[1].gif)
نفس القصة بتاعت تغيير الزيت ما رضيوا يغيروه لانه احسن زيت في العالم و انا اللي مش نقدر قيمتة
يعني كاني بشتري عربية من غير ضمان لان الضمان هو تغيير الاجزاء التالفة ببلاش و هذا لا يحدث
7- قطع الغيار: انا اطلعت الحق علي قائمة قطع الغيار من غير ما استأذن لانها عندهم من الاسرار الحربية هيا مش غالية و مش رخيصة متوسطة بس غالية بالنسبة لسعر العربية الصيني مش فاكر ارقام محددة اكتبها لكن اللي لاحظته ان الحاجات الكبيرة اللي تتغير كل فترة زي المساعدين و الزجاج الامامي و مضخة البنزين اسعارها معقوله اما الحاجات الصغيرة اللي تتغير كل فترة زي المساحات او تيل الفرامل او كالون الباب اسعارها مضاعفة !
دي كل القصة بخصوص اكسبلوجن و توكيلها
تحياتي للجميع

لو اشتريتها هشتري اللون الاحمر منها عاجبني اوي لانها فعلا شبه التريوس و انا اكتر لون عجبني في التريوس ال2009 الاحمر عشان بناتي و شيك ![W64c1a[1]](https://www.nilemotors.net/Nile/core/images/smilies/w6w200504111340266d8924c1a[1].gif)

Comment