مرة تانية حد يعرف اليوفو

[وائل السويفي]

طبعا محدش عبرني لما حطيت الموضوع في قسم ماركات اخرى

قلت أجرب احطه هنا:
"السلام عليكم ورحمة الله وبركاته

اولا احب اقول للكل كل عام وانتم بخير بمناسبة رمضان
بعد كدا وانا بتصفح موقع المسلمي لقيت في عربية اسمها يوفو شكلها حلوا بصراحة واعرض من الاكسبلوجن وامكانياتها حلوة
حد يعرف عنها حاجه وعن سعرها اصلي لما اتصلت بالمسلمي اللي رد عليا رفض يديني اي معلومة وقاللي شرفنا انت بس واتفرج عليها بنفسك وكل اللي قالهولي انها مبنية على التويوتا راف 4
فياريت اللي عنده معلومات عنها يفيدنا
وجزاكم الله كل خير"

[ehabbadr]

وائل باشا مش الحكايه ان ماحدش عبر حضرتك المشكله هى نقص المعلومات عند الاعضاء فالكل فضل السكوت عن الافتاء بغير علم و لا تأخذ الموضوع بهذا المحمل و انا برضه مش عارف ارد عليك و مضطر اسكت برضه :lol: :lol:

[PAYOO]

Re: مرة تانية حد يعرف اليوفو

طبعا محدش عبرني لما حطيت الموضوع في قسم ماركات اخرى

قلت أجرب احطه هنا:
"السلام عليكم ورحمة الله وبركاته

اولا احب اقول للكل كل عام وانتم بخير بمناسبة رمضان
بعد كدا وانا بتصفح موقع المسلمي لقيت في عربية اسمها يوفو شكلها حلوا بصراحة واعرض من الاكسبلوجن وامكانياتها حلوة
حد يعرف عنها حاجه وعن سعرها اصلي لما اتصلت بالمسلمي اللي رد عليا رفض يديني اي معلومة وقاللي شرفنا انت بس واتفرج عليها بنفسك وكل اللي قالهولي انها مبنية على التويوتا راف 4
فياريت اللي عنده معلومات عنها يفيدنا
وجزاكم الله كل خير"

والله يا أستاذ وائل كل إللي أقدر أقولوا لك أبعد عن الصيني إن شالله يكون ببلاش ، ده لو كنت عاوز تشتري دماغك ووجع قلبك وتركب حاجه محترمه او حتى نصف محترمه زي الكوري مثلا
وبعدين إيه إللي أغرى حضرتك في عربيه مش معروفلها وكيل حتى ؟

[وائل السويفي]

وائل باشا مش الحكايه ان ماحدش عبر حضرتك المشكله هى نقص المعلومات عند الاعضاء فالكل فضل السكوت عن الافتاء بغير علم و لا تأخذ الموضوع بهذا المحمل و انا برضه مش عارف ارد عليك و مضطر اسكت برضه :lol: :lol:

بص يا باشا ممكن اقولك رأي متواضع في حكاية السكوت دا انا كنت نائب المشرف العام في احد المنتديات وياما كان في مواضيع معنديش رد عليها بس كان لازم اضيف رد على الأقل تشجيعا للي كتب الموضوع دا انه مايحسش بالتجاهل

وعلى العموم انا متشكر جدا على اهتمامك

اخوك وائل

[وائل السويفي]

Re: مرة تانية حد يعرف اليوفو

والله يا أستاذ وائل كل إللي أقدر أقولوا لك أبعد عن الصيني إن شالله يكون ببلاش ، ده لو كنت عاوز تشتري دماغك ووجع قلبك وتركب حاجه محترمه او حتى نصف محترمه زي الكوري مثلا
وبعدين إيه إللي أغرى حضرتك في عربيه مش معروفلها وكيل حتى ؟

PAYOO باشا
متتخيلش مدى سعادي انك رديت على موضوعي نظرا لاعجابي الشديد بيك بمواضيعك وآرائك
المهم
طبعا مع احترامي الشديد وتقديري للتجربة المريرة اللي مريت بيها مع الصيني

لكن ... الصيني رغم كل دا لازال يفرض نفسه بقوة على السوق :فرق سعر مهول + امكانيات كتير
اي حد بيفكر في عربية دلوقتي وخصوصا اللي امكانياته محدودة مثلا زي حالاتي نفسه في عربية في كذا وشكلها كذا لازم لازم لازم العربيات الصيني تكون ضمن دائرة بحثه

نيجي بقه لليوفو شكلها عجبني موتورها 1600 سي سي وانا مش فاكر اي حد اشتكى من مشاكل في المواتير للعربيات الصيني !!

الوكيل هو المسلمي وهو اسم مش جديد في السوق

صح ولا كلامي غلط

آسف على الإطالة

[PAYOO]

Re: مرة تانية حد يعرف اليوفو

PAYOO باشا
متتخيلش مدى سعادي انك رديت على موضوعي نظرا لاعجابي الشديد بيك بمواضيعك وآرائك

الله يا خليك يا وائل باشا ده كتير عليا والله

المهم
طبعا مع احترامي الشديد وتقديري للتجربة المريرة اللي مريت بيها مع الصيني

كويس جدا أنك عارف أني باتكلم عن تجربه مش سماع وكمان مع شركة "شيري" إللي هيه أكبر شركة صينيه

لكن ... الصيني رغم كل دا لازال يفرض نفسه بقوة على السوق :فرق سعر مهول + امكانيات كتير
اي حد بيفكر في عربية دلوقتي وخصوصا اللي امكانياته محدودة مثلا زي حالاتي نفسه في عربية في كذا وشكلها كذا لازم لازم لازم العربيات الصيني تكون ضمن دائرة بحثه

طيب بص
أنا هاسألك سؤال واحد بس يا أ/ وائل
فرق السعر المهول إللي حضرتك بتتكلم عليه ده تفتكر بيكون على حساب ايه ؟

نيجي بقه لليوفو شكلها عجبني موتورها 1600 سي سي وانا مش فاكر اي حد اشتكى من مشاكل في المواتير للعربيات الصيني !!

هو في حد أصلا بيشتري العربيه عشان يشتكي؟ هي العربية أصلا بقالها قد أيه عشان نقول أن مافيش حد أشتكى منها وكمان العربيه مش مجرد موتور بس يا أستاذ وائل

الوكيل هو المسلمي وهو اسم مش جديد في السوق

صح ولا كلامي غلط

آسف على الإطالة

كلامك صح المسلمي مش جديد في السوق لكن طول عمره مجرد معرض سيارات مش وكيل لماركه معروفه
لكن الموضه دلوقتي لما مستورد يجيب عربيات ماركه مجهوله أو حاجه كده من إللي بيضحكوا علينا بيها ويعمل مركز صيانه ويديها ضمان ويعمل فيها "أبو غالي موتورز"


والمصيبه أننا مابنحذرش بعض وكل واحد فينا بيبقى مقتنع أنه أحسن الأختيار وانه عبقري في أختياره وأنه جاب الديب من ديله
صدقني انا حسيت بكده لما أشتريت الـ"QQ" قلت لنفسي أنا دفعت مبلغ في عربيه ماحصلتش في الفئه بتاعتها ... دي أمكانيتها أعلى من الفئات إللي أعلى منها بمراحل .... أنا انصح واحد في الدنيا أني أشتريت حاجه رخيصة بامكانيات الغالي .... أنا دافع فلوس في عربيه تستاهل أكتر من تمنها .... انا ماعرفش أيه وأيه

لكن صدقني لما أكتشفت مدى رداءة الخامات إللي اتصنعت منها العربيه ولما أكتشفت أن العربيه معدومة الأمان قلت لم أقبل ذلك على الأطلاق وحذرت كل الناس

لكن للأسف تيجي تسال واحد راكب العربيه إللي أسمها جيلي فروته يقولك 100 100 تسال حتى بتاع الماركه العجيبة إللي أصحابها أخدوا فلوس الناس وهربوا إللي أسمها "ماريو" يقولك 100 100

؟؟؟؟؟؟؟؟؟؟؟؟
100 100 أزاي وهي مالهاش قطع غيار ولا وكيلها موجود أصلا ؟؟؟

بس تقول أيه بقى أحنا كده مانحبش نطلع غلطانين في حاجه أبدا

[Powert]

انا هرد عليك علشان ماتقولش محدش بيرد عليا

انا اول مرة اسمع عليها منك " معــــــــــــــــــرفـــــــــــــــهاش "

بس كلام بايو مهم جدا واسمع بنصحتة احسن بدل ما تندم

[PAYOO]

انا هرد عليك علشان ماتقولش محدش بيرد عليا

انا اول مرة اسمع عليها منك " معــــــــــــــــــرفـــــــــــــــهاش "

تصدق وتأمن بالـلله ولا أنا كمان


لكن أنا أتصلت بالمسلمي دلوقتي وقالي أنها تقليد الفيتارا وقاللي أنها بتبدأ من 80ألف جنيه
وقاللي أنه عنده تقليد التيريوس الجديده

[وائل السويفي]

يا جماعة انتم محسسيني اني اجرمت لما لقيت عربية جديدة وبأسأل عليها
:lol: :lol: :lol:
بالراحة عليا يا شباب

:P :P :P :P :P

[PAYOO]

يا جماعة انتم محسسيني اني اجرمت لما لقيت عربية جديدة وبأسأل عليها
:lol: :lol: :lol:
بالراحة عليا يا شباب

:P :P :P :P :P

والله يا أ/ وائل من خوفنا عليك مش أكثر
وكما قال رسول الله صلى الله عليه وسلم "أحب لأخيك ما تحب لنفسك"
والـ80ألف جنيه دول يركبوك حاجه محترمه جدا

[Powert]

لكن أنا أتصلت بالمسلمي دلوقتي وقالي أنها تقليد الفيتارا وقاللي أنها بتبدأ من 80ألف جنيه
وقاللي أنه عنده تقليد التيريوس الجديده

:shock:

مافيش حاجة عندهم تقليد البي ام ولا مرشيدش او جراند شروكيي :D :D :D :D :D :D

[وائل السويفي]

طبعا يا هاني باشا

انا متخيلتش انها بالتمن دا

لا بقه سلملي على الصين كلها انا اركب ماتريكس او ياريس او افيو

انا كنت بحسبها ستينات

[amr mokhtar]

كلمة تقليد دى تضحك اوى :D :D :lol: :lol:
تحس انه بيقولك انا بشتغلك و انت إعمل نفسك مش واخد بالك

[khaledsl77]

طبعا السعر ده غالي ممكن تركب بيه اي عربيه يباني محترمه مامونه

[CryptonX]

80 الف ؟ اديهوملي وانا اركبك BMW 735

:)