أيتها الإيديا .. من انت ؟ ومن اين اتيت ؟

[humhum]

عايز اعرف اي حاجه عن العربيه ام 39 باكو دي
بس يا ريت بلاش فتي
واللي يقول يقول عن تجربه

وطبعا اللي عايز يفتي يفتي برضه بس يقول انه بيفتي عشان حرية الرأي مكفوله للجميع بس حرية الكذب لأ

وتحياتي للجميع

[mmmmgogommmm]

العربية دى نزلت مصر ولا لا واية علاقتها باالايديا

[Falcon16]

انا روحت اشوف العربية دى وايه حكاية السعر ده
طلع ان الموضوع فيه نوع من الضحك على المستهلك
اولا سعر 38900 دى للعربية الفاضية ( كاسيت فقط )
يعنى كل الكماليات اللى اتقالت دى على السعر 50 الف مش 38900
وده كافى انك تاخد انطباع عن توكيل العربية دى ومدى مصداقيته
بقى ممكن تثق فى وكيل زى ده بيتبع اسلوب تضليل كده؟

[Falcon16]

الاعلان كان واضح فى ملحق الاهرام يوم الجمعة الموافق 1 / 5 / 2009 ولا يمكن يكون اتفهم غلط او يكون فى غلطة مطبعية
الكماليات مكتوبة تحت سعر 38900 وتروح تلاقى غير كده تماما وان الكماليات دى تحت سعر تانى زيادة حوالى 12 الف جنيه عن السعر المعلن ولو عايز السعر المعلن يبقى كاسيت فقط.
بقى ده مش نصب؟؟؟
تخيل لو انت اشتريت عربية زى دى ممكن تكون وضعت ثقتك مع الناس اللى تستاهل ( وكيل الايديا )؟؟؟
فكر وانزل شوف بنفسك علشان تتأكد
انا عن نفسى صرفت نظر تماما عن العربية دى وكفاية اكتشافى لشغل التلات ورقات بتاع الوكيل

[snake2082000]

العربيه ديه كأي منتج صيني رخيص يكون تقفيله سئ جدا و تبدأ عيوبه في الظهور بعد فترة وجيزه من الشراء ( كلام عن تجربه قريب)

[ZXR]

كفايه بس شكلها المربع الي زي الصندوق او التلاجه

[humhum]

كده يبقى الصورة وضحت
اصل قعدت اقرأ كلام ايامها في كونتاكت كارز عن جشع وكيلا اسبيرانزا وشيري
وازاي ان الراجل المحترم وكيل ايديا ضرب السوق

بس واضح كده ان الموضوع طلع ايديال مش ايديا خالص
تحياتي

[Meedo]

أأنا أمتلك هذه السياره من سنه تقريبا وكل اللى مكتوب فوق خالى من الصحه السياره جيده جدا (مقارنة بسعرها) والتوكيل معقول جدا جدا يعنى أكيد مش زى توكيل هوندا مثلا بس كويس

[Falcon16]

أأنا أمتلك هذه السياره من سنه تقريبا وكل اللى مكتوب فوق خالى من الصحه السياره جيده جدا (مقارنة بسعرها) والتوكيل معقول جدا جدا يعنى أكيد مش زى توكيل هوندا مثلا بس كويس

كلامى ازاى خالى من الصحة؟؟؟
اتأكد من صحة معلوماتى اللى ذكرتها ولو عايز الاعلان بتاعها فى الاهرام معايا
وانزل اسأل عن اسعار موديل 2008 واسأل عن الكماليات اللى ذكروها فى الاعلان
ارجو من السادة الاعضاء الحذر من وجود بعض الاشخاص اللى ليهم مصالح مع بعض وكلاء السيارات علشان يكملوا حلقة الغش على المستهلك.

[mmmmgogommmm]

يا اخوانى سيبونا من الاعلان ماهو الاعلان لازم يكون فية جر رجل بس المهم انى مش هشترى الكاملة وهلاقيها فاضية واى توكيل بيعمل كدة بس الحقيقة المؤكدة انها عربية محترمة جدا انا درستها من كل حتة فيها موتور سوزوكى التو + عفشة التو على سويفت + جميع الاجزاء يابانى لدرجة المساعد اللى راكب يابانى ومكتوب علية +بنزين مفيش5لتر لل100كم الصيانة موجودة فى مراكز محترمة + قطع الغيار رخيصة جدا + واسعة بشكل غير عادى اوسع من الانوس والفيرنا والبيكانتو وال128 والادا +ممكن ترجع لموضوعها فى نايل موتورز وتكلم اشهر مالك ليها الاستاذ هشام على ايميلة الخاص اعتقد عمل بيها70000 الف كم دلوقتى

[humhum]

هو فين رابط الموضوع ده بعد اذنك ؟

[Meedo]

كلامى ازاى خالى من الصحة؟؟؟
اتأكد من صحة معلوماتى اللى ذكرتها ولو عايز الاعلان بتاعها فى الاهرام معايا
وانزل اسأل عن اسعار موديل 2008 واسأل عن الكماليات اللى ذكروها فى الاعلان
ارجو من السادة الاعضاء الحذر من وجود بعض الاشخاص اللى ليهم مصالح مع بعض وكلاء السيارات علشان يكملوا حلقة الغش على المستهلك.

1-أنا ال علاقة لى بالاعلان أنا اشتريت من سنه ولا اعرف الأسعار حاليا ما هو خال من الصحه هو الكلام الفنى عن أداء وجودة السياره
2-لا أعتقد أ نا هذا هو أفضل أسلوب للتواصل مع الزملاء أنت تتهمنى لمجرد انى اختلفت معك فى الرأى عموما أنت حر وهذه هى أخر مره أشارك فى موضوع أنت لك مشاركه فيه