اشتريت idea

[CryptonX]

والله لحد دلوقت كويسة
بس بفتقد طلعات الجولف
وهى عاملة 23000 كم لحد دلوقت

شكرا لردك و ربينا يباركلك فيها

بمنتى الصراحة انا بنت خالتي عايزة تجيب عربية في حدود ال 40ينيات و مش لافية غير الماروتي ( في غير الصيني ) انا بصراحة شايف انها سيارة معقولة جدا بانلسة للتمن

فهل ترشحها للشراء فعلا ؟ خصوصا انها حتبقى سيارة جانبية مش رئيسيية .

[HESHAM AMIN]

بص بامانة العربية كويسة على سعرها جدا
وعربية لحد دلوقت مشاكلها ضعبفة من خلال كلام مركز الصيانة
وبالنسبة لى انا طاحنها ومقالتش لا سفر ومشى جوا البلد وكلة ومش مزعلانى
بس هى مش بتاعة شد مع عربيلت تانية يعنى سحبها لحد 80 مش عالى بس بعد كدة كويس
من الاخر مش خسارة فيها تمنها
بس لو ربنا وفقك وجبت واحدة قبل ما تركبها راجع على كل السوائل والزيوت
لان ككن فية واحد خد العربية من المعرض مبصش فيها وكانت ناقصة زيت المتور طار

[mohamed_88sk]

طيب أستاذ هاشم رأيك أيه في الوكاله بتاعتها؟؟؟؟؟؟
وبالنسبه للأيديا 2 الفل ... تعرف عنها حاجه ؟؟ ربنا يباركلك دلني عشان عجباني جدا جدا من يوم ما نزلت بس قلقان عشان صيني وعشان سمعت أنها بتسخن بسرعه وكده ...
صحيح حضرتك قلت في مشاكل طفيفه واجهتك ممكن حضرتك تقولنا عليها ؟؟
عشان دي حتبقى سياؤة أساسيه للعائله ووالدي حيسبهالي لما يسافر بأذن الله أنا وأختي ووالدتي وحطحنها عشان الكليه والتدريب العملي وكده .

[HESHAM AMIN]

شوف يا استاذ محمود
انا معايا ايديا 1 1000 والمشاكل الى قابلتنى كلها كلاتى
اول مشكلة كانت امبير البنزين بيعلق ورحت التوكيل وعملوة فى ساعتها وكان فلتر البنزين الى جوا التنك بيشبك فى العوامة وبعدوة عنها
المشكلة التانية العربية بطلت فجاة ومرديتش تدور وكنت بعيد عن التوكيل جبت ميكانيكى معرفة لاقى
فيشة الرشاشات مش راكبة كويس ركبها
بس كدة الباقى صيانات دورية
العربية مبتسخنس خالص واتاكد ان الى فيها مية خضراء
وعلى فكرة انا لسة راجع من الغردقة والعربية اخدت المشوار زى الفل وقفت فى السكة عش دقائق
بس يعنى مشت 750 كم ومفيهاش سخونية وثابتة على الطريق
والعربية عملت دلوقتى 25000 كم ولو عجباك اتكل على الله
بس لما تستلم اتاكد من مستوى الزيت والسوائل
والتوكيل ناس فوق المحترمة بجد لان زى ماقولت واحد استلم العربية والزيت ناقص جدا
ومشى بيها طير الموتور وغيروهولوا خالص فى التوكيل

[mohamed_88sk]

بسم الله ما شاء الله ولا قوة إلا بالله اللهم بارك... جزاك الله خير ...كده كويس إن شاء الله ...حضرتك طمنتي ..شكرا جدا..
طيب حضرتك رأيك طيب إيه في الأيديا 2 ؟؟ معلش بتعبك معايا ..

[HESHAM AMIN]

الاتنين واحد مع الاختلاف فى الفوانيس الامامية والخلفية وشكل الشبكة ومكان النمر ورا
ولون العدادات وشكل الطارة
لكن المواتير والاساسيات واحد

[abou_ruqi]

شكرا علي المعلومات القيمة
ولو سمحت عاوزين الاخبار اول باول دايما

ربنا يباركلك فيها

[mohamed_88sk]

الاتنين واحد مع الاختلاف فى الفوانيس الامامية والخلفية وشكل الشبكة ومكان النمر ورا
ولون العدادات وشكل الطارة
لكن المواتير والاساسيات واحد

أها ,, يعني بس ده كده .. طيب هي ال 2 مش 1100؟

[HESHAM AMIN]

ال 1100 سىسى نازل للفول اوبشن

[mohamed2002]

الف مبروك ,بس هل قطع غيارها متوافرة في صلاح الدين ولا في التوكسل فقط؟
شكرااا

[Mzeid]

1000 مبروك .......
:):)

[mmmmgogommmm]

استاذ هشام لو سمحت طمنى على سحب العربية ونعومة الموتور والعفشة عاملة اية واسعار قطع الغيار وهل هى داخل التوكيل ولا برة كمان وشكرا:arghh:

[Abo anas2020]

فى حد معاه ايديا حاليا اتواصل معاه لان عندى مشكله ومش لاقى حد بيفهم فيها