للمهتمين بxplosion شكل جديد ل2008

[CryptonX]

انا شخصيا بكره السيارة دي , بس في ناس كتير بتسأل عليها .

عامة , عرفت ام في شكل جديد ( تعديل امامي بسيط بس مش اكتر ) في موديل 2008

الشكل :

[eng_mkhalaf]

عربية أونطة

[محمد البحيري]

عربية أونطة

ممكن اعرف ليه حضرتك بتقول كده
انا مش مع الصيني ولا حتي بحبه
ولكن انا مستغرب ان معاك عربيه صيني وبتقول كده
:?: :roll: :?: :roll: :?: :roll: :?: :roll: :?: :roll: :?:

[modux]

زي ما هيا عربية صيني

[CryptonX]

هههه هو بس فرحان بالA11 و بما ان دي في نفس الفئة السعرية , سلوك طبيعي انه يهاجمها :)

انا عملت كدة لما اشتريت عربيتي و الناس قالولي مجبتش البوينتر ليه ( بصرف النظر عن الأسباب ) دخلت شمال فيهم و خلاص :)

كل سنة وانتم طيبين .

[Nader]

:twisted: :twisted: اية يا محمد يا خلف، انت رحت فين بتضرب وتجري :mrgreen:

[hazem_khidr]

يعني الياباني فاشل
تتوقع ايه من التقليد الصيني بتاعها.
:?

[CryptonX]

يعني الياباني فاشل
تتوقع ايه من التقليد الصيني بتاعها.
:?

يكون ناجح طبعا يا حازم .. انت عريب اوي !

:-) hehehehe

[abo3bdolrahman]

تخيل إن اليابانى بتاعها لما كانت جيدة كانت ب 36الف و دى الصورة النيجاتف الصينى بتاعتها ب 60 الف مش حاجة تفقع :shock:

[hazem_khidr]

ما تنساش يا باشمهندس ان اياميها الدولار كان ب 3.60 قرش
دلوقتي الدولار ب 6 جنيه يعني هيا بنفس تمن الاصلي 10000 دولار مع فرق في 10 سنوات!!!!!!!!!

[eng_mkhalaf]

:twisted: :twisted: اية يا محمد يا خلف، انت رحت فين بتضرب وتجري :mrgreen:

معلش يا نادر أنا مخدش بالى أنى فى ردود جيدة فى الموضوع - لأن أنا عندى مشكلة أنى بخوش على الموقع من أكتر من مكان فكل ما أخوش العلامات الصفرا بتروح ودة لما أغير مكان الدخول - ودة لأنى ممكن تحصل مشكلة على خط الأنتاج فبنزل أتابعها وأضطر أنى أخش من جهاز الأنتاج وساعات بكون قاعد فى الباص وتتطلب معايا أخش على الموقع وساعات بخوش من عند الحاجة وساعات بخش من سايبر - معلش طولت عليك
بالنسبة للعربية دية أونطة وذللك للأتى
1- نسبة المكونات البلاستيكية عالية جد1 ورديئة
2- التشطيب الداخلى مش جيد تحس أنة ورق
3- غير ثابتة على الطريق زى التريوس
4- ترخيص التصنيع شامل فقط الشكل الخارجى فبذلك الشاسى والتعليق صينى
5- الشاسى 4 قطع وليس قطعة واحدة زى التريوس القديم وذللك لتقليل التكلفة ومصنوع من ST42 مجلفن وجهز على الساخن غير التريوس طبعا ودة معرض للأنبعاج فى حالة الأصطدام الخلفى
6- الموتور ميتسويشى ودة ممتاز بس مع بتكنولجيا قديمة نسبيا ودة مش مشكلة إلى حد ما
7- الجير صينى 100% ودة عيب كبير لأن التعاقد مع ميتسوبيشى على الموتور فقط
8- وضعية القيادة صعبة - دواسة البنزين لازقة فى الجير وهتلاقى رجلك دايما معوجة
9- الكراسى ووضعية الرويئة مش مريحة التريوس تكسب
10- ضيقة من ورا كبيرها 2 يركبوا
11- نوعية الكاوتش رديئة جدا وعلشان تغيرهم هما 15 يعنى ببتكلم فى 2000 جنية زيادة
12- وأنا بعمل تيست دريف مكنتش مستمتع خالص وانا ركابها وكنت متنشن خالص حاسس أنى لو سيبت الدريكسيون ممكن العربية تعوم منى - غير الشيرى خالص
13- الفرامل جيدة بس لاتليق بعربية فى الفئة دية
14- أسلاك الضفيرة وماستر الفرامل والأنجيكتور كولكشن لاقيتهم من الصين ودية غريبة قوى
15- لمبات العربية الهالوجين صينى ودية بردة غريبة
دة غللى أنا فكرة دلوقتى لو أفتكرت حاجة كمان هبقى أقولها
وشكرا جدا لكل من قال كلمة كويسة فى حقى وأنا مسامح أى حد قال كلمة وحشة فى حقى
اللة لا إلة إلا أنت سبحانك أنى كنت من الظالمين

[Nader]

التريوس اللي هي العربية الاصلية كانت بتعاني من مشاكل من اهمها الثبات لان قاعدة عجلاتها ضيقة بالنسبة لارتفاع العربية يبقى الصيني اللي هي التقليد هتكون عاملة اية؟؟!

[Nader]

اللمبات والضفاير دول مش حاجة تعيب العربية ولا الضيق.. لانها نفس ابعاد التريوس، بس الاهم بقى:

الشاسى 4 قطع وليس قطعة واحدة زى التريوس القديم وذللك لتقليل التكلفة ومصنوع من ST42 مجلفن وجهز على الساخن

هل الكلام دة اكيد؟؟

[eng_mkhalaf]

اللمبات والضفاير دول مش حاجة تعيب العربية ولا الضيق.. لانها نفس ابعاد التريوس، بس الاهم بقى:

الشاسى 4 قطع وليس قطعة واحدة زى التريوس القديم وذللك لتقليل التكلفة ومصنوع من ST42 مجلفن وجهز على الساخن

هل الكلام دة اكيد؟؟

تمام يا نادر ودة موجود فى عربيات كتيرة بس التكنولوجيا دية قديمة ورخيصة وسهلة لكن لو بنتكلم فى عربية فى فئة التريوس يبقى مينفعش أبدا
موضوع الضفاير دة واللمبات أنا قلتى على سبيل السرد ليس إلا بس بينى وبينك طالما هما كدة ودة قريب من عينا فما بالك بالباقى - على الرغم من كدة ممكن تكون الجودة كويسة وممكن تكون وحشة

[Nader]

طيب لية الؤاحد يخاطر يعني ويشتري حاجو زي كدة؟؟

طيب على كدة وبنفس التمن ما يجيب لانوس ولا فيرنا المتربعتان على عرش الغئة السعرية دي ولو ان الفرنا احدث من اللاوس كمان.