احذر من الصيني اختبارات التحطم مهم للغايه

[memo_p910]

السلام عليكم
النهارده انا جايبلكم الفيديوهات دي علشان تشوفوا فشل السيارات الصينيه والي منعها من دخول السوق الاوربيه وده علشان هم الاوروبيون بيهتموا بسلامه مواطنيهم مش زي عندنا كل يومين نلاقي واحد واخد توكيل صيني ويحط شوية اعلانات ويكسب منها ويخلع بعد كده والمواطن الجاهل الغلبان هو الي يتورط ومنه لله الي كان السبب

الاختبارات دي هي اختبارات السلامه الاوربيه NCAP


نبدأ اولا بالسياره الصينيه الفاشله الاولى الجيلي وشوفوا رغم الوسائد الهوائيه دماغ السواق اتكسرت

http://www.youtube.com/watch?v=e34HuCt_qDU

ثانيا السياره الصينيه الفاشله الثانيه البريليانس الي توكيلها في مصر البافاريه علشان تعرفوا انه كله بينصب

http://www.youtube.com/watch?v=nzoRdDssL1w

ودي السياره الشيري 111 وشوفو السواق دخل في الجدار ومات موته شنيعه

http://www.youtube.com/watch?v=g5SRyG6UR2A

وعلشان تقارنوا بشكل افضل شوفوا مثلا الواجا الماليزيه الي اخدت 3 من 5 في الاختبار شوفوا الفرق

http://www.youtube.com/watch?v=Ee8mu8TEL_c

وأخيرا مستني تعليقاتكم على الموضوع ده وكل واحد يدلوا بدلوه وشكرا

[sv065]

ممتاز يا memo_p910

وأحب أأكد كلامك بإن الإختبار الأوروبي EURONCAP من أجود الإختبارات لأنه قاسي تماما وبيحاكي قوة التصادم بواقعية علشان كده بيكون نتيجته مقياس حقيقي لمتانة السيارة ومدي توفيرها للأمان لراكبيها بعكس الإختبار الصيني

وده إختبار للـ BYD الصينية النادرة اللي إتحملت الإختبار وأثبتت جدارة جدا فيه وده واضح من الفيديو

http://www.youtube.com/watch?v=7BMwe3RYpUY

[جمال]

الاخ ميمو
شكرا على الفيديوهات , وبالمناسبة هى قديمة جدا و اتحطت كذا مرة فى المنتدى
حضرتك حطيت الموضوع فى القسم العام وجميع اقسام الصينى ( 4 مرات ) بس نسيت تحطه فى الصينى - ماركات اخرى لعل المانع خير
وياريت بالمناسبة تحط لنا اختبارات التصادم للسيارات المنتشرة فى مصر و المجمعة محليا لتكتمل الافادة
احد الاخوة حط اختبار التحطم للسيارة بى واى دى الصينى اتمنى انه يكون عجبك
اطلب منك خدمة لو سمحت لو عندك اختبار التحطم للسيارة هايما الصينى طالما حضرتك متخصص فى الصينى