مابل

[hanysofisticated]

الجمعة اللى فاتت نزل اعلان عن مابل أسباير العربية شفتها عند أبو غالى و بصراحة عجبانى أوى بس خايف عشان صينى تمنها 52900 ياريت لو حد عنده فكرة عنها يساعدنى شكرا

[mkaram78]

1500 cc
جميع الكماليات مانيوال
صاج 1و9 مم
بس الأفرس منها هي نفس الموديل بس 1600 سي سي شبه الأودي بالظبط وفرق السعر بسيط عامله 59000 وموتور ياباني

[Superdriver]

مابل أسباير(هايسوون)

أنا كمان شفتها عند أبو غالي
العربية مغرية فعلاً و شكلها جميل و حديث
و جودة الخامات و التقفيل مقبولة
أكتر شيء لفت نظري:
1. الصاج متين إلى حد كبير
2. الموتور 16 صمام بتكنولوجيا تويوتا و تقفيله جيد مع تصفيح أسفل العربية
3. الشنطة واسعة جدا جدا جدا
4. الكماليات كتيرة
العرض لفترة محدودة حتى منتصف نوفمبر
و بعد كده السعر يكون 56000 جنيه
لو قطع الغيار هتكون متوافرة ليها أنا شايف إنها صفقة رابحة
لكن رأيي الأول ننتظر نشوف أبو غالي هيعمل إيه و بعدين نقرر
ده الموقع و فيه الصور:
http://www.c-sma.com/cars/gallery.aspx?sid=5
و ده فيه الصور و تفاصيل المواصفات:
http://www.c-sma.com/special/hisoon/hisoon3x/shijue.html
الموقع كله باللغة الصينية و النسختين العربي و الإنجليزي للأسف مش شغالين
لكن رغم ذلك هتقدر تتصفح الموقع
و لاحظ إن الشبكة الأمامية للعربية مختلفة شوية عن الموديل الموجود في مصر

[nab!l]

دى اللى عجباكو
ياريت حد يقولى مالها ومال الاودىىىىىىىىىىىىى ؟
سؤال وجيه
لو خيرونى بين جنط الاودى والعربيه دى كلها اختار الجنط والله

[Superdriver]

دى اللى عجباكو
ياريت حد يقولى مالها ومال الاودىىىىىىىىىىىىى ؟
سؤال وجيه
لو خيرونى بين جنط الاودى والعربيه دى كلها اختار الجنط والله

بغض النظر عن التشابه في الشكل بين البريميرا و الأودي ..
إيه علاقة الأودي بموضوعنا عن الأسباير ؟!!

[nab!l]

الاخ قال انهم شبه بعض

[foxarc]

دى اللى عجباكو
ياريت حد يقولى مالها ومال الاودىىىىىىىىىىىىى ؟
سؤال وجيه
لو خيرونى بين جنط الاودى والعربيه دى كلها اختار الجنط والله

ابقي روح اركب الجنط و ما توجعش دماغنا

[HaNcocK]

" السلام عليكم ورحمه الله وبركاته "

انا اولا بشكر

mkaram78

Superdriver

على المعلومات الرائعه اللى هما قدموها لينا , وكمان انا معى mkaram78 العربيه شكلها خرافى بانسبه لسعرها.

لدرجه انى مش مصدق لحد دلوقتى السعر ده.

بس انا كان عندى شؤال صغير وارجو ان اجد الرد:-

انا عايز اعرف رقم التليفون الخاص بالاستفسار عن العربيه ديه عشان انا كنت عايز اعرف هى العربيه نازله كاش بس ولا فى انظمه تقسيط,

واسف على الاطاله.

[nab!l]

ابقي روح اركب الجنط و ما توجعش دماغنا

ياكابتن اولا فى اسلوب للكلام احسن من كدا
ثانيا انا موجهتش لسيادتك اى كلام عشان تدخل وتقول متوجعش دماغنا
ثالثا انك مع احترامى ليك متعرفش يعنى ايه عربية اودى عشان كده رديت الرد اللى ملوش لزمة
عموما حصل خير وهركب الجنط

[foxarc]

" السلام عليكم ورحمه الله وبركاته "

انا اولا بشكر

mkaram78

superdriver

على المعلومات الرائعه اللى هما قدموها لينا , وكمان انا معى mkaram78 العربيه شكلها خرافى بانسبه لسعرها.

لدرجه انى مش مصدق لحد دلوقتى السعر ده.

بس انا كان عندى شؤال صغير وارجو ان اجد الرد:-

انا عايز اعرف رقم التليفون الخاص بالاستفسار عن العربيه ديه عشان انا كنت عايز اعرف هى العربيه نازله كاش بس ولا فى انظمه تقسيط,

واسف على الاطاله.

كلام متناقض مع ردك الاول
انا اقصد ياريت نركز علي الايجابيات و السلبيات و نسيبنا من الكلام اللي يوجع الدماغ زي ابعد عن الصيني و غنيله اركب جنط احسن و علي فكرة انا اعرف يعني ايه اودي كويس لاني عندي اوبل و باقدر الالماني جدا

[HaNcocK]

" السلام عليكم ورحمه الله وبركاته "

يا شباب الموضوع مش مستاهل كل ده والله,

وانا عن نفسى بقدر العربيات الصينى جدا وبأتوقع انها اكيد هتنافس الشركات الكبيره فى السنوات القليله القادمه نظرا لعروضها القويه,

وايضا بحترم اللشركات الكبيره لانها الاصل فى صناعه وابتكار العربيات , وده ميمنعشى ان العربيات الصينى دلوقتى ماشيه على الطريق الى هيؤهلها لتصبح منافس قوى للشركات الاخرى.

واكبر مثال على كده العربيات الكورى لما نزلت الكل كان بيتخوف منها تمام زى العربيات الصينى دلوقتى,

على العموم انا رايح بعد بكره اشوف العربيه مابل أسباير وهسأل عن كل حاجه وهقولكم عن رأى المتواضع فيها وبكده هتعم الفائده على قارئ الموضوع.

وأسف جدا على الاطاله.

[nab!l]

كلام متناقض مع ردك الاول
انا اقصد ياريت نركز علي الايجابيات و السلبيات و نسيبنا من الكلام اللي يوجع الدماغ زي ابعد عن الصيني و غنيله اركب جنط احسن و علي فكرة انا اعرف يعني ايه اودي كويس لاني عندي اوبل و باقدر الالماني جدا

لا تعليق

[doctor_cool]

السلام عليكم

أنا روحت النهارده اتفرجت عليها في أبو غالي

العربية بسم الله ما شاء الله واسعة بشكل غريب و الشنطة بتاعتها مهولة

و شكل العربية مش وحش خالص ، شكلها مقبول جدا

الكنبة الخلفية واسعة جداً

الكشافات بتاعتها حلوة أوي و خصوصا الخلفية

الكماليات بتاعتها أقل من اسبيرانزا في بعض الحاجات ، زي إنه مافيش فتح الشنطة و التانك من الداخل ، مافيش تحكم في زاوية إضائة الكشفات الأمامية ، مافيِش وحدة رفع زجاج مع القفل بالريموت

أسوأ شيئ فيها إن التابلوه بتاعها مش شكله حلو ، أقصد أكتر إن الخامات المستخدمة فيه ، رديئة إلى حد ما ، بما في ذلك مفاتيح الإضائة و المساحات

و بالمناسبة هي مساحة واحدة أمامية

العربية تقفيل الصين


أنا بصراحة محتار

أشتريها و للا أشتري اسبيرانزا 113

هو بس التابلوه بتاعها لو كان نضيف شوية عن كده ، مش كنت ترددت لحظة ، وخصوصاً إن الوسع بتاعها هيفيدني كتير و كمان الشنطة ، كل المشكلة اللي مضايقاني هي ردائة التابلوه

[Superdriver]

السلام عليكم


هو بس التابلوه بتاعها لو كان نضيف شوية عن كده ، مش كنت ترددت لحظة ، وخصوصاً إن الوسع بتاعها هيفيدني كتير و كمان الشنطة ، كل المشكلة اللي مضايقاني هي ردائة التابلوه

لا أعتقد إن المستوى المتوسط لجودة خامات و تشطيب التابلوه وحده سبب كافي يخليك تصرف نظر عنها .. العربية تتقيم ككل .. شكل و جسم و عفشة و موتور و فرش و كماليات و تابلوه و إمكانيات و سعر و وكيل ..

[MaZaGAngeE]

لو ممكن حد يرفعلنا صور للعربية