جميع الاسئلة التى تخص بريليانس frv !!

[elwaa_2007]

اولا كل سنة وانتم طيبين وعاد عليكم الايام بخير بمناسبة عيد الاضحى
انا مجرد عضو عادى فى المنتدى ومتابع اخبار الfrv
من اول يوم نزلت فية السوق المصرى حتى الان العربية عاملة ضجة كبيرة وشايف ان كل اعضاء المنتدى هنا مهتمين بيها جدا وفى تعاون حلو اوى بينهم وبيشاركونا
بكل معلوماتهم ومحدش بيبخل بحاجة الصراحة بس دايما بيكون فى بعض الناس بتشكك فى الكلام او مش بتقتنع بية لمجرد اسباب شايفنها صح فى رايهم وساعات فى ناس بتهاجم وفى ناس تانى من ملاك العربية بيشكروا فيها بزيادة ممكن يكونوا شايفنها احسن عربية عشان هما اشتروها طبعا كل واحد مقتنع ان راية هو الصح
فجتلى فكرة ان كل الاعضاء الموجودة واللى ليهم خبرة طبعا تجاوب على بعض الاسئلة المطروحة عن العربية وبكدة نوصل لكلام نهائى يوفق بين الطرفين الناس اللى بتهاجم العربية او الصينى عامة والناس اللى بتشكر فيها بزيادة يستريحو ويوصلو لنتيجة نقدر منها ندى العربية حقها ولا ازيد ولا اقل
انا عن نفسى معجب بالعربية وعايز اشتريها وشايف ان تمنها معقول قصاد امكانيتها وكماليتها بس ياريت تفيدونا فى التساؤلات دى اللى هتوضح ليا ولناس كتير اهم النقط فى العربية ودة يسمح لكل واحد انة ينظر للعربية من منظور تانى


1-هل يجب ان نقلق من الصناعة الصينى
2-هل السيارة تعتبر سيارة عملية
3-هل تستحمل الظروف القاسية زى مبيقولو حمالة قسية
4-هل يعتمد عليها
كل واحد بيجيب عربية زيرو بيهمو اوى انة يعرف هيفتح كبوتها امتى وازاى ولية
5-فهل يمكننا ان نطلق عليها اسم سيارة العمر الطويل
6-هل العمر الافتراضى لقطع الغيار طويل ام قصير نسبيا وهل يصنع من خامات جيدة ام رديئة
7-هل هناك اى مشاكل او اعطال فى سيارات الدفعات الجديدة
8-هل قطع الغيار متوفرة
9-التوكيل يعتبر ممتاز ام جيد ام سيئ
10-هل مازالت اعطال الدفعة الاولى والثانية موجودة حتى الان
11-هل السيارة تستحق المبلغ المدفوع فيها

هى دى كل التساؤلات اللى متذكرها حاليا ولو اى حد عندو تساؤلات او ملاحظات ياريت يتفضل ويكتبها عشان الكل يستفيد وعلشان نتوصل لرائ حاسم عن العربية ومدى جودتها
اسف جدا على الاطالة واشكركم مقدمااااااا

[basemagour]

انا معايا frv من شهر فبراير 2009 وهقول لك تجربتى وردى على اسئلتك
1-هل يجب ان نقلق من الصناعة الصينى
ج: لا ولكن جودة تقفيل العربيات الصينى متوسطة

2-هل السيارة تعتبر سيارة عملية
ج : ال frv فعلا عربية عملية ومعدل استهلاء البنزين فيها ممتاز
3-هل تستحمل الظروف القاسية زى مبيقولو حمالة قسية
ج : اه انا خدت بيها 4 مرات مطبات على سرعات عالية وبجد حسيتها قوية واستحملت بكل كفائة
4-هل يعتمد عليها
ج : اه وفعلا عوامل الامان فيها ممتازة الفرامل فيها تحفة وثباتها فعلا جيد
كل واحد بيجيب عربية زيرو بيهمو اوى انة يعرف هيفتح كبوتها امتى وازاى ولية
5-فهل يمكننا ان نطلق عليها اسم سيارة العمر الطويل
ج : لا رأيى انها مش سيارة العمر الطويل رأيى انها سيارة العمر المتوسط يعنى بتاع 4 الى 5 سنين وكده فل اوى
6-هل العمر الافتراضى لقطع الغيار طويل ام قصير نسبيا وهل يصنع من خامات جيدة ام رديئة
ج:مجربتش قطع غيار لغاية الان علشان احكم
7-هل هناك اى مشاكل او اعطال فى سيارات الدفعات الجديدة
ج: لا توجد فى كل الدفعات الجديدة مشاكل فنية
8-هل قطع الغيار متوفرة
ج: لا متوسطة التوافر يعنى مش كل قطع غيارها متوفرة عن تجربة لاصحابى
9-التوكيل يعتبر ممتاز ام جيد ام سيئ
ج : ممتاز والعامليين الى فيه بصراحة محترمين وبيتعاملو بطريقة شيك ومحترمة جدا وبيحاولو يساعدوك بكل الطرق
10-هل مازالت اعطال الدفعة الاولى والثانية موجودة حتى الان
ج : لا اظن
11-هل السيارة تستحق المبلغ المدفوع فيها
ج : انا شايف انها تستحق المبلغ الى نزلت بية اول مرة وهوا 70000 جنية

وفى العموم العربية ممتازة فى الثبات ونظام التعليق والفرامل ولكن عفشتها ناشفة شوية نظرا لكونها رياضية و تقفيل الخمات من الداخل مش قد كده بس فى الاخر اعلى من فيرنا مثلا ومن افيو انا مش عندى اى مشكلة منها الا حاجة واحدة بس اصوات تصدر من الداخل مش بسبب العفشة ولكن بسبب التقفيل لبعض القطع الداخلية بطريقة متوسطة وبكن ممكن تكون دى مشكلتى انا بس مش مشكلة عامة على كل العربيات

[creative]

شكرا لاسلوبك الحيادى فى الكلام

[Mostafa Hessen]

الحمد لله العربية معايا من 29/1/2009 وماشى بيها 31000 كم
1-هل يجب ان نقلق من الصناعة الصينى
لا اعتقد انه يجب القلق من المنتج الصينى لأنه موجود فى كل المجالات ويخطو خطوات ثابتة للصدارة وللعلم المنتج الصينى يغزو اوروبا وأمريكا ولكن الخطورة تكمن فى المستورد السئ وليس المنتج الصينى .
2-هل السيارة تعتبر سيارة عملية
بالفعل السيارة عملية جدا وتستطيع الإعتماد عليها
3-هل تستحمل الظروف القاسية زى مبيقولو حمالة قسية
نعم هى حمالة قسية بلا مجاملة فقد سافرت بها كثيرا وبخمس افراد والشنطة على آخرها وتكيف وطرق سيئة جدا والأغلبية تعلم طرق الأقاليم وخلاف السفر اليومى ,هى بالفعل سيارة محترمة.
4-هل يعتمد عليها
نعم يعتمد عليها جدا.
كل واحد بيجيب عربية زيرو بيهمو اوى انة يعرف هيفتح كبوتها امتى وازاى ولية
5-فهل يمكننا ان نطلق عليها اسم سيارة العمر الطويل
لا هى ليست سيارة العمر الطويل ولكنى اعتقد خمس سنوات وهى فترة جيده جدا فهى ليست ألمانى لتعطيك عمرا طويلا.
6-هل العمر الافتراضى لقطع الغيار طويل ام قصير نسبيا وهل يصنع من خامات جيدة ام رديئة
لا استطيع أن احكم على ذلك فلم احتاج لها والحمد لله
7-هل هناك اى مشاكل او اعطال فى سيارات الدفعات الجديدة
الدفعات الجديدة تلافو كل العيوب واساس العيوب لم تكن خطيرة من قبل
8-هل قطع الغيار متوفرة
اعتقد ذلك
9-التوكيل يعتبر ممتاز ام جيد ام سيئ
التوكيل جيد جدا ومحترمين
10-هل مازالت اعطال الدفعة الاولى والثانية موجودة حتى الان
لا اعتقد
11-هل السيارة تستحق المبلغ المدفوع فيها
اعتقد ان سعرها حتى 75000 جيد جدا

وبالتوفيق للجميع

[seqoia]

شكرا يا باشا على الموضوع الجميل

بس انا اظن انه صعب الحكم على العمر من دلوقتي

ممكن يطلع اكثر او اقل من الي احنا متوقعينه

[ahmed alaa1212]

يوجد جميع قطع غيار البريليانس v5 ,fvr,gallina قطاعي بسعر الجملة في فرق كبير فالسعر مع عدم نقص الجودة للتولصل 01008796369 او https://www.facebook.com/ahmed.messi.988

[فريد الخفاجي]

السلام عليكم ورحمة الله وبركاته
عندي سيارة بيرلنس الصينية 2014 عند تشغيلها يدور المحرك ولكن السيارة لاتعمل بسهولة، فبعض الاحيان مرة واحدة وبعض الاحيان ابقى حوالي الربع ساعة او حتى اكثر حتى تشتغل السبارة تدور وكأنها خالية من البنزين.
تم فحصها بالجهاز الاليكتروني ظهرت لاعطل فيها ، تم اعادة وصيانة مجموعة البنزين والكهرباء بشكل كامل.
ولازلت الحالة قائمة وقد اتعبتني كثيرا.
افيدونا افادكم الله.
واعتذر عن نشرها هنا لعدم تمكني من فتح الموقع.
وتحياتي الحارة لكم جميعا ويخليكم