هام جدا لاصحاب الfrv

[khaledazizeg]

السلام عليكم ورحمة الله وبركاته
انا انهاردة قابلت المهندس جون والاستاذة شيرين الى هما بجد ناس كويسة جدا وعايزين لاقصى درجة انهم يحلوا مشاكلنا كلها
المهم احنا عايزين كل واحد معاه frv يكتب اسمه وبياناته ورقم الشاسية والمميزات الى لاقاها فى التوكيل والعيوب الى موجودة والمشاكل الى عند كل واحد وياريت ياجماعة تتفاعلوا فى الموضوع معايا عشان نقدر نحل المشاكل ان شاء الله

[yasser2]

السيد خالد المحترم:أرجو منك أن تسأل الصيانة في مصر عن سبب صوت الأحتكاك المعدني عند العجلات الأمامية الذي ظهر في سيارات الدفعة الأولى من الـ frv عند لف المنعطف مثلا مع وجود وعورة في الطريق وكيف تتم معالجة الموضوع أو كيف تمت معالجته في صيانة التوكيل بمصر علما أنه تم الحديث في هذا الموضوع سابقا في المنتدى وقيل أنه تمت معالجته في التوكيل عند الصيانة الأولى.... أرجوك بشدة أن تخدمني بالرد بأسرع وقت ولعل الفائدة تعم الجميع ...وشكرا سلفا..

[khaledazizeg]

السيد خالد المحترم:أرجو منك أن تسأل الصيانة في مصر عن سبب صوت الأحتكاك المعدني عند العجلات الأمامية الذي ظهر في سيارات الدفعة الأولى من الـ frv عند لف المنعطف مثلا مع وجود وعورة في الطريق وكيف تتم معالجة الموضوع أو كيف تمت معالجته في صيانة التوكيل بمصر علما أنه تم الحديث في هذا الموضوع سابقا في المنتدى وقيل أنه تمت معالجته في التوكيل عند الصيانة الأولى.... أرجوك بشدة أن تخدمني بالرد بأسرع وقت ولعل الفائدة تعم الجميع ...وشكرا سلفا..

طيب ممكن حضرتك تسجل جميع بياناتك'

[khaledazizeg]

يا جماعة لو انتوا مش عايزين اساعدكم ومشاكلكم توصل للتوكيل قولولى

[Mostafa Hessen]

يا خالد
خليك صبور ممكن فى ناس مش بتدخل المنتدى علشان كده معندهمش فكرة

أنا راى ايه رأيك نعمل مقابلة قريبة ونحاول نتجمع وممكن فعلا نعرف المشاكل وتبقى عن واقع وتجربة

ايه رأيك

[khaledazizeg]

يا خالد
خليك صبور ممكن فى ناس مش بتدخل المنتدى علشان كده معندهمش فكرة

أنا راى ايه رأيك نعمل مقابلة قريبة ونحاول نتجمع وممكن فعلا نعرف المشاكل وتبقى عن واقع وتجربة

ايه رأيك

ياريت فى اقرب وقت عشان نشوف المشاكل ونحلها بأذن الله

[Romeo26222]

أنا قربت ادخل عائله بريليانس وهاشتري الكروس خلال شهر وهاتابع معاكم ان شاء الله

[smax]

شكرا جزيلا علي مجهودك الايجابي.
انا بس مستغرب من التوكيل في حاجة : كل شوية حد من التوكيل يكلمني يسألني اية رأيك في الصيانة و الخدمة ؟ و كل مرة اقول الناس زوق جدا بس المشاكل ان الفنيين و المهندسين غير مدربين بالمرة لان المشاكل مش بتتحل و دة لحد دلوقتي و كمان بأقعد كتير جدا في التوكيل يعني ممكن اقعد من 9 ص الي 5 مساء في الصيانة العادية. و بعد المكالمات مفيش نتيجة ولا حد بيتكلم بعد كدة يسأل اية المشكلة الي متحلتش و لما اروح التوكيل الاقيهم زي ما هما مش بيتغيروا يعني الزوق موجود بس السرعة و الاصلاح غير موجودين بالمرة. يعني هما عارفين المشاكل و مطنشين بس لاو عرفت تعمل حاجة معاهم تبقي بجد ممتاز.
مشاكل العربية الان:
1- لما اكون بلف او محود العجل و اخذ مطبات بسمع صوت خبط في الدريكسيون المشكلة دية في الدفعات 1و 2 ( التوكيل عارف المشكلة بس مطنش و مرة يقعدوا يجربوا و يقولوا مفيش حاجة دة طبيعي و مرة يقولوا الشركة في الصين لسة بيدرسوا الحل و لما يلاقوة هيكلموني علشان يصلحوة! عدي اكثر من سنة و هما طبعا لسة بيدرسوا و طبعا مفيش حاجة هتحصل قبل ما الضمان ينتهي)
2- أصوات تكتكة و تزيق خفيف من الابواب و الشنطة مع المطبات (مشكلة عبيطة جدا بس روحت اكثر من 4 مرات علشان نفس المشكلة بلا اي نتيجة غير طبعا تضيع اليوم)
شكرا مرة تاني علي مجهودك و علي الموضوع

[Mostafa Hessen]

طيب ايه رايكم يا جماعة ان شاء الله نعمل مقابلة فى

الجمعة 23/ 04/2010 الساعة الرابعة فى المقطم عند كافيه مزازيك
وأمامه فى منطقة واسعه للركنة

يا ريت كلنا نتفاعل ونحط مقترحات وطبعا يا خالد رأيك مهم جدا
وعلى فكرة سبب تأخيير الميعاد ان كيرولوس طبعا فى طب وعنده امتحانات ومننساش نقله عيد قيامة سعيد عليه.
رجاء الرد من الجميع..

[M.Alshafie]

طيب ايه رايكم يا جماعة ان شاء الله نعمل مقابلة فى

الجمعة 23/ 04/2010 الساعة الرابعة فى المقطم عند كافيه مزازيك
وأمامه فى منطقة واسعه للركنة

يا ريت كلنا نتفاعل ونحط مقترحات وطبعا يا خالد رأيك مهم جدا
وعلى فكرة سبب تأخيير الميعاد ان كيرولوس طبعا فى طب وعنده امتحانات ومننساش نقله عيد قيامة سعيد عليه.
رجاء الرد من الجميع..

انا موافق بشده جدا خالص لانى ماجتش المقابله اللى فاتت و كنت فعلا عاوز اجى
و على فكره الاحد اللى بعد 23/4 اجازه فاللى عنده حاجه يوم الجمعه ممكن يخلصها يوم الاحد

[amarakl]

انا أسف مش هقدر احضر الميعاد ده لأنى هكون بره مصر

[sherifbaroid]

السلام عليكم
انا موافق و ان شاء اللة اكون موجود عشان انا مكنتش موجود المرة اللى فاتت

[kirolloskamal]

طيب ايه رايكم يا جماعة ان شاء الله نعمل مقابلة فى

الجمعة 23/ 04/2010 الساعة الرابعة فى المقطم عند كافيه مزازيك
وأمامه فى منطقة واسعه للركنة

يا ريت كلنا نتفاعل ونحط مقترحات وطبعا يا خالد رأيك مهم جدا
وعلى فكرة سبب تأخيير الميعاد ان كيرولوس طبعا فى طب وعنده امتحانات ومننساش نقله عيد قيامة سعيد عليه.
رجاء الرد من الجميع..

مصطفي باشا واحشني جداااااااااااااااااااااااا انت و خالد
ميرسي يا درش علي كلامك و علي تهنأتك ليا بالعيد
و انا اسف يا جماعة ان معاد المقابلة اتأخر بسببي معلش اعذروني علشان متبهدل في الكلية و ادعولي علشان الفترة اللي جاية دي صعبة اووووووي
بس إن شاء الله انا وعدتك اني احاول افضي نفسي علي الميعاد ده علشان انت عارف اد ايه انا عايز اشوفكوا و كمان علشان نشوف مشاكل الاعضاء و نحاول نحلها مع التوكيل
انا بعتذرلكوا يا جماعة لو كنت في الايام ديه متغيب عن المنتدي و مش متابع اوووي و مقصر في حققوا بس بجد الترم ده عندنا صعب اوي

[kirolloskamal]

انا أسف مش هقدر احضر الميعاد ده لأنى هكون بره مصر

عمرو باشا عامل ايه و ايه اخبارك؟؟؟؟ واحشنا يا رايس
كان نفسي اشوفك في المقابلة اللي جاية بس إن شاء الله تتعود
تحياتي

[Mostafa Hessen]

عمرو باشا عامل ايه و ايه اخبارك؟؟؟؟ واحشنا يا رايس
كان نفسي اشوفك في المقابلة اللي جاية بس إن شاء الله تتعود
تحياتي

شكرا لكل اللى ناوى يجى ان شاء الله بس يا ريت العدد يكون كبير

ورجاء التفاعل من الجميع

وياريت يا عمرو لو ترد وتقترح ميهاد آخر علشان تيجى ونشوف رأى الناس وظروف كيرولوس

ويا ريت كلنا نوجه تحيه خاصه جدا لخالد على مجهوده الواضح مع التوكيل

وفى انتظار ارائكم