ممكن تساعدونى

[sharl]

تحية الى اعضاء المنتدى الكرام
معندكوش فكرة بعدلما ااعربية اتباعت الواحد حاسس بغربة و بدور على واحدة تانية بس للاسف السوق هنا فى اسكندرية او الوسيط هنا مفيهوش اف ار فى خالص و شوفت امبارح اسكودا فابيا هاتش باك موديل 2006 خليجى اتوماتك صاحبها كان بيتكلم فى 65 الف و هيا عاملة 58 الف كيلو فقط بس بعد ما سوقتها حسيت بالنعمة اللى كانت معايا بجد يا جماعة ربنا يبارك لكل واحد معاه بريليانس اف ار فى و ياريت لو فى حد اسكندرانى معاه العربية و عايز يبيع يقول انا شارى جدااااااااااااااااااااا بشرط الحالة طبعا و انا عايز اسكندرية عشان اجراءات النقل بتاعت الرخصة و كده
اسهلى هنا عشان اعرف ناس تخلص فى المرور لكن القاهرة حيكون الموضوع صعب بالنسبة لى و ربنا يوفق و الاقى حاجة كويسة
تحية الى البريليانس
frv

[m1988]

انا عندى واحده سوداء مركبلها سمعات وفرش جلد وجهاز انزار ووحدة رفع وصيانه كامله فى التوكيل 1600 سى سى ماشيه 30 الف كيلو فى سنه ونص انا من العجمى

[sharl]

طيب ممكن اشوفها امتى و نتواصل ازاى عشان انا جاد فى الشراء

[m1988]

رقمى 0113680545

[sharl]

استأذن حضرتك انت عندك مشاركة ان فى مشكلة فى الفرامل يا ترى اتحلت ولا لسه عشان انا عايز اخد حاجة حلوة مدوخشى بيها على التوكيل او مركز صيانة الطارق و انا مش حختلف معاك فى حاجة تانية فى العربية عشان انا حافظها كانت معايا قبل كده

[m1988]

المشكله الاعندى انا رايح بكره ابو رواش وحخير تيل فرامل فى القاهره والمشكله ديه بسبب الطارق علشان توكيل مش حلو ومش فاهم العربيه ونصيحه لو كان ليك نصيب فى العربيه او اى عربيه تانيه بلاش تروح الطارق ويريت لو تكلمنى او تجيب رقمك اكلمك ونتفهم احسن

[sharl]

حتصل بحضرتك بكرة اخر النهار و اتفق معاك على ميعاد نتقابل فيه بس ممكن اعرف انت عايز فيها كام و يارب يحلولك مشكلة الفرامل بكرة و عموما حتى لو ملييش نصيب فيها نبقى اتعرفنا

[m1988]

ان شاء الله وخلى موضوع السعر ده لما نتقابل انشاء الله وتعجبك العربيه نبقا نتكلم فيه

[Mostafa Hessen]

ربنا يبارك لكم

وبالتوفيق

[nimo.mimo]

انا عندى واحده سوداء مركبلها سمعات وفرش جلد وجهاز انزار ووحدة رفع وصيانه كامله فى التوكيل 1600 سى سى ماشيه 30 الف كيلو فى سنه ونص انا من العجمى

سؤال معلش بس هوا ايه وحدة الرفع و الصيانة فى التوكيل؟

[Mostafa Hessen]

سؤال معلش بس هوا ايه وحدة الرفع و الصيانة فى التوكيل؟

ممكن اجاوب عن صديقنا صاحب السيارة

وحدة الرفع دى يعنى وحدة رفع للزجاج عند غلق السيارة بالريموت تقوم وحدة الرفع برفع الزجاج وغلقه .
أما الصيانة فالمقصود أن صاحب الصسيارة قام بجميع الصيانات فى التوكيل فى المواعيد المقررة.

وبالتوفيق

[m1988]

ممكن اجاوب عن صديقنا صاحب السيارة

وحدة الرفع دى يعنى وحدة رفع للزجاج عند غلق السيارة بالريموت تقوم وحدة الرفع برفع الزجاج وغلقه .
أما الصيانة فالمقصود أن صاحب الصسيارة قام بجميع الصيانات فى التوكيل فى المواعيد المقررة.

وبالتوفيق

مشكور جدا

[sherifbaroid]

يا شباب حد يساعدنى
انا ركبت سماعات فى الخلف و مافيش حد عارف يوصلهم
حد يدلينى اوصلهم فين
و لا اروح التوكيل
ارجوا الرد

[khaledazizeg]

يا شباب حد يساعدنى
انا ركبت سماعات فى الخلف و مافيش حد عارف يوصلهم
حد يدلينى اوصلهم فين
و لا اروح التوكيل
ارجوا الرد

اقولك على خبر جميل التركيب فى التوكيل ب300 جنية

[m1988]

يا شباب حد يساعدنى
انا ركبت سماعات فى الخلف و مافيش حد عارف يوصلهم
حد يدلينى اوصلهم فين
و لا اروح التوكيل
ارجوا الرد

فعلا التركيب ب 300 جنيه اانا مركبهم فى التوكيل بس انت اصلا معندكش اسلك لسماعات اللا فى الخلف فبيجبلك الاسلك وبيعملهالك فا محدش حعيعرف يعملها غير فى التوكيل