حجزت fsv

[akramesg]

اولا احب اشكر كل المساهمين بمعلوماتهم الثمينة بطريقة مباشرة او غير مباشرة

واللى ساهمو بشكل كبير فى اختيارى للعربية

انا حجزت fsv امبارح من معرض اوتوماك

وعلى حسب كلامهم الاسعار دى حتى نفاذ الكمية المحددة للعرض

قالى الاستلام فى خلال 48 ساعة من انهاء الاجراءات

فى اى نصايح او حاجة اخد بالى منها عند الاستلام (تشييك على العربية)

شكرا مقدما

[hossamtota]

انا ذيك حجزت وفى انتظار اى معومة من الاخوة او اى نصيحة بخصوص الاستلام

[OilMan]

انا صديق شخصى لخالد بك سعد مدير المبيعات فى البافارية (بريليانس) لو محتاجين اى خدمة منه انا تحت امركم

[khaledazizeg]

اهم حاجة اتاكدوا من الكاوتش مافيهوش عالى وواطى ومن الاستبن ومن التكييف والدهان

والف مبروك مقدما للى حجزوها وربنا يعطيكم خيرها ويكفيكم شرها

[Mostafa Hessen]

ألف مليون مبروك

طبعا ان شاء الله ميكنش فى مشاكل

انت بس وانت بتستلم قول بسم الله وعلى بركة الله واقرأ المعوذتين واية الكرسى
2-حاول تبص نظرة كاملة على العربية من بره الدهان مفيش خدوش جرب كل الأبواب افتح واقفل والشنطة وتنك البنزين والكابوت وبص جوة الكابوت على الزيوت والميه كل ده حيبقى باين العربية جديدة تأكد ان مفيش اى خبطات لا قدر الله
3-بص على الإستبن فى الشنطة والكوريك
4-قول بسم الله وادخل العربية بص على الصالون نظرة الكراسى والسقف وبعدين التابلوة
5-دور العربية واسمع الموتور
6-بص على عداد الكيلومتر شوفها مشيت اقديه
7-جرب الإشارات يمين وشمال وانتظار وجرب النور عالى وواطى والفوجات وجرب الكاسيت هو طبعا سى دى خد معاك سى دى وحط عليها قرآن جرب الراديو وصوت السماعات واسمع كل سماعة على حده
8-جرب المساحات وجرب الزجاج الكهربائى والسنتر والريموت والمرايات لو كهرباء
وان شاء الله كله يكون تمام واتوكل على الله

وألف مليون مبروووووووووووووووووك

[akramesg]

متشكر جدا لكل اللى تفضل ورد عليا وان شاء الله هوافيكم بالاخبار

[mimo4019]

اولا احب اشكر كل المساهمين بمعلوماتهم الثمينة بطريقة مباشرة او غير مباشرة

واللى ساهمو بشكل كبير فى اختيارى للعربية

انا حجزت fsv امبارح من معرض اوتوماك

وعلى حسب كلامهم الاسعار دى حتى نفاذ الكمية المحددة للعرض

قالى الاستلام فى خلال 48 ساعة من انهاء الاجراءات

فى اى نصايح او حاجة اخد بالى منها عند الاستلام (تشييك على العربية)

شكرا مقدما

ايه الأخبار يا باشا استلمت ولا لسه

[akramesg]

لسة يا باشا اجراءات البنك بقى انت عارف التقسيط وسنينه - شكرا على سؤالك

[mimo4019]

لسة يا باشا اجراءات البنك بقى انت عارف التقسيط وسنينه - شكرا على سؤالك

العفو يا باشا ربنا يوفقك في شرائها ويديك خيرها ويكفيك شرها

[nimo.mimo]

انا صديق شخصى لخالد بك سعد مدير المبيعات فى البافارية (بريليانس) لو محتاجين اى خدمة منه انا تحت امركم

إيه نوع الخدمات اللى ممكن يقدمها لنا؟

[madamada2070]

إيه نوع الخدمات اللى ممكن يقدمها لنا؟

اه يا ريت لو ممكن نعرف ايه الخدمات اللي ممكن يساعدنا فيها

انا حجزت السياره من معرض البافاريه في الماظه و مستني اجراءات البنك

[Mostafa Hessen]

بعد المداولة فى تحديد ميعاد ولضيق الوقت

تم الإتفاق على أن يكون ميعاد المقابلة الثانية ان شاء الله

الثلاثاء 29/06/2010

الساعة 6:30 مساءا

والمكان فى توكيل البفارية فرع القطامية

ومعلش مش متاح وقت تانى لسفر المهندس جون فى 1/7/2010

فياريت الجميع يحضر المقابلة للأهمية

[akramesg]

فى انتظار الاستلام اخيرا بعد عذاب اجراءات البنك (حكومة بقى)
للأسف اللون المتوفر حاليا الابيض وانا عايز فضى
بحسب كلام البافارية الميناء بينقطهم بالعربيات - يااااااااا مسهل

[madamada2070]

انا اعرف ان الاوتوماتيك مش متوفر في التوكيل حاليا

[madamada2070]

ممكن سؤال يا جماعه عن عزل الموتور في العربيه دي و اختها الهاتش

يعني صوت الموتور مسموع جوا الكابينه ولا لا؟

و سؤال تاني بالنسبه للتكييف ايه اخباره؟