استفسار حول حجز البريليانس وارجو الافادة بسرعة

[ahmad_samy]

اخواني الاعضاء اود ان اعرف اجابة لسؤالي التالي
انا اليوم بفضل قمت باخذ عرض سعر من معرض سيارات عندنا لتقديمه للبنك غدا يوم 6-7-2010 لان العربية هاجيبها قسط وهي بريليانس fsv 1500 gls وساقوم باذن الله دفع مبلغ 40000 من ثمن السيارة واثناء متابعة لاخبار السيارة في المنتدى وجدت ان السيارة غير متوفرة وان الان خايف ان بعد ما اطلب العربية مع تنقيط الوكيل للعربية ان فترة العرض تنتهي فما هي فرص حصولي على السيارة اثناء فترة العرض ارجو لمن لديه معلومات حول هذا الوضع
يطمني؟؟؟؟؟؟؟؟؟

ايه الاجراء الافضل اللي اعمله علشان احافظ على حقي في العرض والاستفادة منه؟؟؟؟؟

ارجوكم ساعدوني

[akramesg]

بمجرد حجزك للسيارة خلال فترة العرض تستفيد من السعر
برجاء مراجعة الاستاذ محمد عامر مدير مبيعات البافارية (بريليانس) للتأكيد

[ahmad_samy]

اخي كلامك جميل ومطمن استاذنك لو عندك رقم تليفونه

[akramesg]

اظن مينفعش احطه اونلاين بدون الرجوع ليه الاسهل تكلم الفرع وتطلب تحويلك

Brilliance - Bavarian Auto Group

Plot 258, El Moltaka El Araby District, El Nozha District
Almaza, Cairo
Tel: 02-29221602, 02-29221604, 02-29221605, 016-1015555 Fax: 02-29221604


حسب كلامه انهاردة العربيات وصلت الشركة وفى انتظار الافراج الجمركى ويااااااااااااا مسهل

[yasser100]

هو العرض هيخلص امتي ياجماعه

[akramesg]

فى ناس بتقول 15/7 بس يفضل انك تكلم التوكيل وتسأل بنفسك

[ahmad_samy]

فعلا حاجة تتعب القلب انا دلوقتي حصلت على موافقة البنك ورحت معرض السيارات اللي اداني عرض السعر وقاللي ان السيارة غير موجودة في التوكيل لكن احنا حجزناهاه على نفس السعر وهي fsv 1600 اوتوماتيك واستنى اسبوع او اسبوعين علشان تستلم السيارة لكن لو انت مستعجل عليها هي موجودة في عند الموزعين بس تدفع 3000 جنيه فوق تمنها الحقيقي
وانا طبعا اخترت استنى بس الكلام ده انا يكون رد فعلي عليه ايه ؟؟ ارجو النصيحة؟؟
وللعلم سعر السيارة عند الوكيل 81900 وانا رضيت اخدها من المعرض 82000 وقلت حلال عليهم
لكن كمان ادفع 3000 وتبقى العربية 85000 بيتهيئلي كتير!!!!!!!!!

[akramesg]

استنى اكيد (دنت لو اجرت عربية اسبوعين مش هتجيب فرق السعر)
وهم فعلا بياخدو 100 زيادة فى التوكيل عشان مصاريف مندوب التراخيص (بيروح يختملك الورق من مرور مدينة نصر او مصر الجديدة حاجة كدا) حلال عليهم عاماً بس 3000 كتييييييييييييييير

[ahmad_samy]

فعلا مشكووووووووووووووووو ر اخي الكريم استاذ akramesg على مساعدتك و نصيحتك

[ahmad_samy]

ياريت ياجماعة اللي حجز عربية واستلم يقول استلم بعد كام يوم علشان تعملوا ونس للذي حالاتي اللي مستني

[Mamdoh Elarby]

لو حضرتك بتسأل علي الاتوماتيك هيا موجودة علي فكرة في معارض كتير اللي مش موجوده كمان اللي هيا 1500 ال gls و متهيألي حضرتك ممكن تتصل بالبنك تسألهم اذا كان ينفع تغير المعرض اللي انت مقدم منه عرض السعر و لا لأ.
انا المعرض اللي انا حاجز منه اسمه عربيات في المهندسين عند مسجد الحامدية الشاذلية و معندهمش غير الأتوماتيك و عمالين يقنعوني بيها بس للأسف انا مقدرش اجيبها فروحلهم خد منهم عرض سعر تاني بس لازم تتأكد من البنك الأول.

بس كلام في سرك انا سمعت بس معرفش اشاعة و لا لأ ان الدفعة اللي داخلة هتبقي 2011 ان شاء الله فلو تقدر تستناها يبقي تمام اوي.

[yasser100]

انا كنت امبارح في التوكيل باستلم التامين , العربيه فعلا مش موجوده و عندهم حجز زياده مش عارفين يعملوا فيه ايه خصوصا المانيوال (1500cc) الموتور الوحش زي ما بيسموه و هو فعلا وحش بعد التليين و موتور جبار , و همه نفسهم مش عارفين العربيات هتوصل امتي و هل الاسعار هتزيد و لا لاء و كل العربيات اللي عندهم خلصت حتي الاسبلندور و الجالينا المعرض في التوكيل خالي تماما و ده بسبب القانون الجديد اللي هيطبق بعد 9 ايام الخاص بالمواصفات اللي هيغلي العربيات, انا بقول الكلام ده علشان المعارض ما تضحكش علي حد و يقولوا لك هجيبلك العربيه بكره , العربيه فعلا مش موجوده , و اتمني لكل حاجز يستلم انشاء الله

[yasser100]

بالنسبه لموديلات 2011 ما فيش اي تغيير لان موديلات fsv و frv cross و frv 1500 الجديده دي لسه اول سنه ليها و تابعوا موقع bmw_ brilliance العالميه ز

[yasser100]

رايي يا جماعه علشان ما فيش حد يعيش في شد عصبي الانتظار قليلا حتي يهدا السوق و يبان تاثير القرارات الجديده , اللي منها منع بيع الخليجي في مصر لانه من غير ضمان و ده هياثر علي اسعار السيارات بالقطع , انت بتروح البفاريه تسال علي البريليانس بيقولك 75000 بس العربيه مش موجوده و ممكن تحجز و الاستلام غير محدد المده و هل هيزيد السعر عند الاستلام ؟ ما حدش هيقدر يجاوبك و اللي يقلك اه او لا بيضحك عليك و لو زادت و انت حاجز عن طريق بنك و مش قادر تدفع الزياده هتدخل في دوامة ارتجاع مع البنك و المعرض خصوصا ان السياره كان عليها العرض 10000 جنيه فرق , علشان كده انا باقول اهدوا شويه حتي تضح الامور , و تابعوا الموضوع في اخبار اليوم ملحق السيارات صفحه كامله

[ahmad_samy]

ربنا يستر علينا