frv 2009 اوتوماتيك

[huss2000]

السلام عليكم ورحمة الله وبركاته
انا عضو جديد بهذا المنتدى وهذه اول مشاركة لي واريد ان استفيد من اصحاب الخبرة في هذا الموقع بخصوص الــ FRV
فأنا في طريقي لشراء FRV اوتوماتيك 1600 موديل 2009 ان شاء الله لكنها زيرو ,وقرات كثيرا في الموقع عن ال frv عامتا ولكن لم اجد كلام محدد للاوتوماتيك منها على وجه التحديد فلو هناك موضوع تحدث عنها من قبل فلا مانع من احالتي اليه او ارجو من اصحاب الخبرة اجابة تساؤلاتي :
1- هل هناك اي مشاكل تحدث في الجير بوكس الاوتوماتيك للسيارة مع العلم انني لست من هواة القيادة السريعة والشد
2- ما هعي كفاءة موتور ال1600 اوتومتيك من حيث التسارع "الكيك داون"
3- هل هناك اي نصائح يجب ان اخذها بعين الاعتبار عند شرائي السيارة
وشكرا

[Mostafa Hessen]

أخى الكريم

اهلا وسهلا بيك فى منتدى البريليانس وربنا ييسر الحال فى الشراء وبالتوفيق فى الإختيار وانصحك بالإستخارة

أنا الحمد لله معايا frv 1600 عادة وعلشان كده بخصوص السؤال عن الجيربوكس الأتوماتيك مش حقدر افيدك

الموتور 1600 فى المانيوال رائع جدا سحب وتحميل وتسارع جيدجدا واعتقد الأتوماتيك حيكون كويس بس ياريت لو

حد معاه اتوماتيك يديك انطباعه حيكون افضل .

بخصوص النصائح فهى كالتالى :

طبعا ان شاء الله ميكنش فى مشاكل

انت بس وانت بتستلم قول بسم الله وعلى بركة الله واقرأ المعوذتين واية الكرسى
2-حاول تبص نظرة كاملة على العربية من بره الدهان مفيش خدوش جرب كل الأبواب افتح واقفل والشنطة وتنك البنزين والكابوت وبص جوة الكابوت على الزيوت والميه كل ده حيبقى باين العربية جديدة تأكد ان مفيش اى خبطات لا قدر الله
3-بص على الإستبن فى الشنطة والكوريك
4-قول بسم الله وادخل العربية بص على الصالون نظرة الكراسى والسقف وبعدين التابلوة
5-دور العربية واسمع الموتور
6-بص على عداد الكيلومتر شوفها مشيت اقديه
7-جرب الإشارات يمين وشمال وانتظار وجرب النور عالى وواطى والفوجات وجرب الكاسيت هو طبعا سى دى خد معاك سى دى وحط عليها قرآن جرب الراديو وصوت السماعات واسمع كل سماعة على حده
8-جرب المساحات وجرب الزجاج الكهربائى والسنتر والريموت والمرايات لو كهرباء
وان شاء الله كله يكون تمام واتوكل على الله

وألف مليون مبروووووووووووووووووك

[huss2000]

متشكر جدا على النصائح الجميلة دي وان شاء الله حعمل كل اللي نصحتني بيه وانا فعلا نفسي اشوف حد من ملاك الاوتوماتيك منها ويفدني بتجربته معاها

[huss2000]

طيب حد يعرف اي واحد يكون عنده السيارة ال frv الاوتوماتيك وانا ممكن اكلمه او اتصل بيه

[sonson56]

طيب حد يعرف اي واحد يكون عنده السيارة ال frv الاوتوماتيك وانا ممكن اكلمه او اتصل بيه

أولا الف مبروك مقدما - بس انا فى الحقيقة مش متأكد قوى ان فيه frv اوتوماتيك

أعتقد ان كل اللى نزل منها ما عدا الأنتاج الأول مانيوال - أعذرنى لو كانت معلومة خطا

بس عندى سؤال هو لسة فى موديل 2009 زيرو - و كام سعرها

احنا المجموعة كلها سواء 2009 او 2010 ال frv اللى عندنا مانيوال

[huss2000]

لسه فيه 2009 اوتوماتيك تمنها حوالي 86 الف دي من الدفعات اللي موتورها ماتسوبيشي 1600 ستيب ترونيك
انا قدامي يا إما ال Frv 2010 1500 مانيوال او ال 2009 اوتوماتيك

[sonson56]

لسه فيه 2009 اوتوماتيك تمنها حوالي 86 الف دي من الدفعات اللي موتورها ماتسوبيشي 1600 ستيب ترونيك
انا قدامي يا إما ال frv 2010 1500 مانيوال او ال 2009 اوتوماتيك

أنا رايي تأخد 2009 اوتوماتيك 1600 سي سي بس استخير ول زى ما أ / مشمش اللى وحشنا جدا و ما بنسمعش صوته كتير اليومين دول قال لك

و ربنا يوفقك فى اختيارك

[huss2000]

متشكر جدا انا فعلا استخرت وربنا ييسر لي الاجراءات وحبقى اتابعكم ان شاء الله بالخطواط وادعولي ان الاجراءات تتم بسهولة

[Mamdoh Elarby]

بس ده فرق حوالي 15 الف جنيه بين المانيوال و الاوتومتيك و كمان 2009

انا رايي تاخد fsv 2010 اتوماتيك احسن ب 82 الف

[ahmad_samy]

بس ده فرق حوالي 15 الف جنيه بين المانيوال و الاوتومتيك و كمان 2009

انا رايي تاخد fsv 2010 اتوماتيك احسن ب 82 الف

وانا من نفس الراي

[akramesg]

وانا من نفس الراي

وانااااااا كمان بصراحة مش فاهم لية اخسر شنطة وادفع فلوس زيادة بس هى امزجة

[huss2000]

انا بسئل عن الجير الاوتاوماتيك للfrv يا ريت لو حد عنده معلومات عنه يفيدني بيها واكون شاكر ليه

[akramesg]

استعمالى موصلتش 200 كيلو وزى الفل مش حاسس بأى مشاكل

ممكن حد مالاخوة القدام يفيدك اكتر

[kar!m]

مع احترامى .. حضرتك لما بتستشر حد فى عربيه نوبيرا أو سيفيا اتوماتيك .. يقول لك بلاش عشان الاتوماتيك فى الكورى مش حلو و بيبوظ بسرعه فما بالك بالصينى .. الفتيس الاتوماتيك معقد ولازم يكون من شركه معتمده.

[huss2000]

مهو انا عشان كده بسئل وعايز اشوف حد مجرب العربية واللي انت بتقوله ده من وجهة نظري الشخصية لا يدل على ان الفتيس الاوتوماتيك فيه مشاكل,,,,,,, اخويا معاه الشيفورليه الافيو اوتوماتيك ماشي بيها اكتر من 80 الف وما شاء الله محصلش مشاكل منه وانا معايا النيو اكسنت اوتوماتيك ماشي بيها 45 الف والحمد لله بردو مفيش منه مشاكل نهائي والاتنين كوري