التوكيل

[khaledazizeg]

السلام عليكم ورحمة الله وبركاتة
ازيكم يا احلى ناس فى المنتدى
انا كاتب الموضوع داه عشان كل واحد يقول رأيه بالنسبة للتوكيل من حيث(اسعار قطع الغيار-الصيانة-اسعار الصيانات -وهل كل حاجة بتقولهم عليهم بتتعمل)
ياريت كل واحد عمل صيانة او عنده مشكلة وراح للتوكيل يكتب عنها ويقول اتحلت والا لا

[Mostafa Hessen]

ازيك يا خالد عامل ايه يا جميل انت موضوعك ده جه على الوجيعه

طبعا توكيل البفارية مفيش شك توكيل كبير ومحترم جدا ومعاملة كويسة بس اعتقد الكلام ده يسرى فقط على bmw والمينى

اما بخصوص السيارات التانية فالموضوع فيه كلام....

يعنى مثلا الجزء الخاص بالبريليانس الناس مفيش شك انهم محترمين كمعاملة ونقاش ومؤدبين لكن على المستوى الفنى

ففيه جاب واضح جدا فى النقطة دى وأنا بقترح اننا ممكن نراسل الشركة الأم فى الصين فى الموضوع ده ...

لأن فعلا ممكن تكون داخل بتشتكى من مشكلة تطلع محلولة لمده يومين وترجع وفى السكة تلاقى مشكلة تانيه

وبصراحة مش عارف ياترى دى مشكلة فنيات (كارثة) ولا الموضوع عدم اهتمام على اعتبار مقارنة سعر العربية بال bmw ودى

بردك كارثة ولو كانت اقل من الأولى...

وفعلا وانا عارف يا خالد انك عانيت من مشاكل مبتبقاش فاهم هى فين المشكلة اصلا ...

وزى ما الكل عارف العربية بقة منتشرة جدا وبقينا رقم كبير ممكن نتكلم ونطالب بحل المواضيع دى....

بجانب طبعا اسعار الصيانات فى التوكيل مبالغ فيها ناهيك عن قطع الغيار والإكسسوار...

وكتققيم على النقط اللى اشرت ليها.....

1 - اسعار قطع الغيار (غالية جدا)

2 - اسعار الصيانات (غالية جدا) وليست بالجوده المرجوة على الأقل على الفلوس اللى بندفعها

3 - كل حاجه بتقول عليها بتتعمل (طبعا لا) ولازم انت تراجع بنفسك وممكن تكون بتتعمل بس مش بالجوده المرجوة

يا جماعة مع احترامى للشغل اللى بيتعمل فى التوكيل لكن مش مهم الكم ولكن الكيف اهم ...

بس الحمد لله ان العربية فعلا محترمة ومبتعملش مشاكل كبيرة...

وربنا يكفينا شر المشاكل ...

[sonson56]

حمد الله على السلامة يا خللود وحشتنا جدا و بقالك كتير غايب عننا

1 - بالنسبة لقطع الغيار غالية جدا و لا تتناسب اسعارها نهائيا مع سعر السيارة و يبدو ان التوكيل مش عايز يفرّق بين زبون الBMW و


زبون ال Brilliance لازم يكون في فرق ( يعنى على سبيل المثال كنت بشتكى من ان صوت الكلاكس واطى اتضح ان العربية نازلة

بفردة كلاكس واحدة فقط تخيلوا و لما طلبت تركيب فردة تانية سمعت اسعار مالهاش دعوة بالواقع - فى الحقيقة انا شايف ان ده


عيب قوي يا جماعة العربية دي الناس بتقوال ان اسعارها مبالغ فيها و احنا بنرد عليهم و بنقول ان سعرها فيها لآن فيها اوبشنز كتير بس

انا شايف ان التوكيل ( بيبوظ الطبخة علشان بقرش ملح ) و كذلك مافيش سماعات فى الأبواب الخلفية و لا سلك واصل و لما تطلب

توصيل دفيرة تتكلف بالسماعات 500 ج و إلا تخرج من الضمان لو عماتهم بره و الله انا رأيي نخرج من ضمان ظفيرة الكهرباء و نركب


اللى احنا عايزينة ( سماعات - كلاكس - أنذار - دي في دي ) برضه هيبقى ارخص - و بعدين احنا اللى بندافع عن السيارة دى و بنعمل


لها دعايات وسط الناس المفروض تكون معاملة التوكيل لملاك لسيارة دى من ناحية قطع الغيار مختلفة و احسن من كده شوية احنا بنتضرب على ..... رضينا أو لم نرضى .


2 - اسعار الصيانات غالية جدا و مبالغ فيها


3 - نظرا لزيادة عدد العملاء فى مركز خدمة القطامية بالرغم من انه توكيل محترم إلا ان الصيانات لا تتم كما ينبغى و فيه نسبة طلسئه


يا ريت التوكيل يعيد االنظر فى سياسة تسعير قطع الغيار و الصيانات بما يتناسب مع ماركة و سعر السيارة

[khaledazizeg]

بصراحة انا اكتر حاجة بتضايقنى فى التوكيل انى بروح التوكيل اعمل الصيانة وادفع فلوس كتيرة مش عارف ايه سببها واسعارها مبالغ فيها اوى والمشكلة انى لو عندى مشكلة مش بيعملوها ولو اتعملت تبقى حاجات بسيطة ولازم اجيلهم كذا مرة عشان تخلص ولازم اضيع ايام كتيرة عندهم عشان تخلص
يعنى صيانة ال40000كم شايف انها غالية اوى
يعنى انا هدفع 1400 جنية مش عارف على ايه
وانا لسه عامل صيانة ال30000كم
ودافع 600 جنية وماغيروش غير الزيت وفلتر الزيت وفلتر التكييف بس ومش عارف يعنى ليه

[khaledazizeg]

ببس على رأى الاستاذ مشمش
مش معنى كدة ان العربية وحشة
لا
المشكلة ان التوكيل بقى مهمل شوية
وعلى فكرة انا بتكلم عن القطامية مش ابو رواش

[khaledazizeg]

وكمان فيه مشكلة وهى ان قطع الغيار
انا من رأيى وعن تجربة انها وحشة ومش كويسة
وانا مجرب
وياريت عايزين يا استاذ مشمش ويا استاذ رضا نبعت للشركة الام عن المشاكل ديه

[khaledazizeg]

حمد الله على السلامة يا خللود وحشتنا جدا و بقالك كتير غايب عننا

1

معلش والله الشغل مبهدلنى
وانتوا والله وحشتونى جدا جدا
وبالنسبة للاسعار فعلاا مبالغ فيها اوى اوى يعنى انا نفسى اركب انذار واركب سماعات لاقيت انى هدخل فى 1400 جنية فى حاجات ممكن تتكلف برة بحاجات احسن من الى عندهم 100000000مرة واحسن كمان بس المشكلة حتة الضمان بس هانت هخلص الضمان وهغير انا كل حاجة برا واظبط العربية

[khaledazizeg]

استاذ مصطفى عايز اشوف صور عربيتك بعد التعديل

[sonson56]

وكمان فيه مشكلة وهى ان قطع الغيار
انا من رأيى وعن تجربة انها وحشة ومش كويسة
وانا مجرب
وياريت عايزين يا استاذ مشمش ويا استاذ رضا نبعت للشركة الام عن المشاكل ديه

انا ما عنديش مانع خالص حددوا ميعاد و نتقابل و نشوف هنعمل ايه و انا معاكم فى كل حاجة و تحت امركم و لازم ناخد أكشن فى الموضوع ده علشان ده فعلا بيأثر على مبيعات السيارة دى جدا - لآن خدمة ما بعد البيع جزأ لا يتجزأ فى تقييم أى سيارة و على اساسها بيقبل الناس على شرائها او بيخافوا منها ،

[Mostafa Hessen]

طيب يا استاذ رضا حضرتك مبدئيا تقدر تحدد موعد وان شاء الله الكل يجى فيه

[sonson56]

طيب يا استاذ رضا حضرتك مبدئيا تقدر تحدد موعد وان شاء الله الكل يجى فيه

اوكى يا باشا بالنسبة لى أى يوم الساعة 5:30 مساء ما عدا الجمعة و السبت - بس انا معرفش ظروفكم ايه انت

و أ / خالد - اذا كان مناسب اتفقوا و انا جاهز فى الميعاد اللى تحددوه

بس احنا هنقابل حد من التوكيل و لا حتنقابل لوحدنا ؟

لو لوحدنا يبقى مالوش لزمة نروح التوكيل و ممكن نتقابل فى اى مكان تانى

ايه رأيكم ؟

[khaledazizeg]

المشكلة ان الساعة 5:30
مافيش حد هيكون فى التوكيل
احنا نتقابل لوحدنا ممكن عندى يوم الخميس الى جاى ان شاء الله بس بالليل

[sonson56]

المشكلة ان الساعة 5:30
مافيش حد هيكون فى التوكيل
احنا نتقابل لوحدنا ممكن عندى يوم الخميس الى جاى ان شاء الله بس بالليل

أنا و أ / مصطقى فى المقطم يا ريت انت تيجى تشرفنا و تشم الهوا النضيف معانا و نتكلم ايه رايكم ؟ بس طبعا بعد معرفة ظروف مصطفى باشا و موافقته

[ahmad_samy]

للامام يا شباب ربنا معاكم وانا لسه حاجز العربية ومستني وان شاء بعد ما استلم انضم لكم

[akramesg]

كان نفسى اقابلكو واتعرف عالناس الحلوة دى بس للأسف مشغول جداً - تتعوض مرة تانية