سؤال عن fsv ضرورى وارجو الرد

[bajero]

يا جماعة الناس اللى معاها البريليانس fsv يقدروا يقلولى اذا كانت بتسخن ولا لا علشان مؤشر الحرارة عندى بيبقى على الدرجة الثالثة ولو مشيت براحة بيعلى ولما بجرى بالعربية بينزل تانى على الدرجة الثالثة

فاعايز اعرف هى العربيية كدة ولا ارجع للتوكيل ... وشكرا

[madamada2070]

المؤشر بيفضل على النص بالظبط الا في الزحمه ممكن يعلى شويه بس اول ما العربيه بتتحرك بينزل تاني

اعتقد ده في معظم العربيات اللي ركبتها

[madamada2070]

عل العموم لو لقيتها عليت منك بس طبعا في الحد المسموح ممكن تشغل التكييف حتلاقي الحراره نزلت عشان مروحة التكييف حتساعد في تبريد الراديتير

[ahmedchina]

دى كانت مشكلتى فى الجالينا إكشف على دورة المياة و الردياتير
بس الكلام دة كان فى الصين و التوكيل غلب معايا كل ما يصلحها تظهر المشكلة تانى
و فى الاخر غير الردياتير خالص و تحلت المشكلة بس الحرارة بردو كانت بتعلى حاجة بسيطة و مع السرعة العالية تهدى
الطبيعى فى العربيات أن مؤشر الحرارة ثابت و نادر جدا لما بيتحرك
الحمدالله الجاك البى كلاس معايا مفيش المشكلة دى و المؤشر ثابت تحت أى ظرف أقل من شرطة المنتصف بقليل

[kokkino]

It is the same as the german cars concept the heat is above normal.... DON'T WORRY

[romuio]

انا معايا fsv بس هى بتوصل للنص وتثبت مابتعلاش اسال التوكيل فى صيانة 2000

[bajero]

شكرا للناس اللى افادتنى جدا بس هى فعلا بتنزل لما العربية تتحرك او لما بشغل التكيف برده .... بس ده حاجة مقلقانى جدا وبفكر اروح التوكيل اكشف على الريداتير و دورة المياه

[Hegazio]

It is the same as the german cars concept the heat is above normal.... DON'T WORRY

exactly .. and most european cars too

[akramesg]

متقلقش عندى نفس الكلام شرطة تحت النص وانت بتجرى - شرطة فوق وانت واقف كتير

[bajero]

لا يا اكرم النظرية انها مش شرطة بس ده بتكون قربت على الدرجة اللى فوق النص وده اللى مقلقنى اوى ... بس انا قررت اروح التوكيل واشوف هيعملوا ايه

[yasser100]

هي فعلا زي ما بيقولوا المؤشر بيتحرك حاجه بسيطه مش ملحوظه في الوقوف و الزحمه و يرجع تاني لما تتحرك , ولو انت شايف غير اللي بنقوله روح التوكيل لانه كا ن ليه صديق اشتراها و مؤشر الحراره عنده كان بيهيس طالع نازل و لما راح التوكيل لقوا انه السك مش مربوط كويس و اتحلت المشكله

[madamada2070]

انا لاحظت حاجه في ال fsv بتاعت صاحبي

صوت الموتور بعد 3000 لفه بيكون مسموع اوي لو قافل الزجاج مش عارف ده طيعي ولا لا


بس بالنسبه للحراره انا اتاكدت منه انها مبتزيدش عن النص

[Asfahani]

انا بيظهر عندي في FSV مؤشر الحرارة أقل من النص بشرتيتين و ساعات بعلا للنص لكن عمره ما جه أكتر من النص و انا عامل بيها 600 كم و شوية باصيطة ... أنا مش عارف دي مشكلة ولا ايه حاجة كامان انا جبت 3 وصلات AUX 2 أتنين من العوجيل بس لاقيتهم مشغلين ناحية اليمين بس في السماعات .... إفتكرتهم بايظين فرجعتهم و جبت واحدة من Radioshack ب 25 جنيه بسس باااردو أعدت معايا يومين و عملت زيوهم بس ال USB كويسة و تمام انا مش عارف ده عيب في ايه بالظبط

[akramesg]

انا بيظهر عندي في FSV مؤشر الحرارة أقل من النص بشرتيتين و ساعات بعلا للنص لكن عمره ما جه أكتر من النص و انا عامل بيها 600 كم و شوية باصيطة ... أنا مش عارف دي مشكلة ولا ايه حاجة كامان انا جبت 3 وصلات AUX 2 أتنين من العوجيل بس لاقيتهم مشغلين ناحية اليمين بس في السماعات .... إفتكرتهم بايظين فرجعتهم و جبت واحدة من Radioshack ب 25 جنيه بسس باااردو أعدت معايا يومين و عملت زيوهم بس ال USB كويسة و تمام انا مش عارف ده عيب في ايه بالظبط

دة مش عيب وصلة دى بتحصل لما تركب الaux و ال usb فى نفس الوقت ليييييييية معرفش

[mody112]

عليك وعلى التوكيل بسرعه لان الحراره دى حاجه خطيره جدا وربنا يستر ان شاء الله وتكون حاجه بسيطه