بريليانس frv............

[teraka2110]

السلام عليكم
كنت عايز اعرف بمنتهى الامانه بريليانس frv بتعيش ولا
اخرها كام سنه؟

ولكم جزير الشكر

[amarakl]

والله الزمن هو اللى هيحدد الأجابه دى بس انا من واقع استخدامى ليها انا شايف انها زى اى عربيه تانيه خامات محترمه واداء ممتاز

[SHERIF2009BHIT]

هى الحمد لله لغاية دلوقت كويسة وداخلة على سنتين وعاملة 32000 كم بس حسب طريقة الاستخدام لاى سيارة والطرق اللى ماشية فيها على الطرق هنا بدمر اى عربية

[harizy]

يا باشا الأعمار بيد الله، كله فانى.

[teraka2110]

شكرا لكم على الافاده
ولكم جزير الشكر

[hugan]

للا سف مازل الكثير ينظر الي السيارات الصينيه بنظره لعب الاطفال وفوانيس رمضان
بدون تحيز مثلها مثل معظم السيارات في السوق المصري
الموجوده في نفس القئه السعريه
اسبرانزا 516 استخدام 50000 في عامين الحمد لله مازالت واقفه علي قدماها
اقصد عجلاتها

[foshiahmed]

عربيه محترمه جدا أنا قاطع بيها دلوقتي تقريبا 92 ألف وزي الفل وعربيه شغل مش مركونه علي الرف
كل المشاكل الي أنا قابلتها فلتر بنزين الجنوط بتاعتها بتتقطم مش عارف ليه غيرتها وركبت جنط
قربه الباور بتسرب زيت غيرت قربه العداد السرعه بيهيس زراير التكيف من اللف فيها فوتت
كل الحاجات ديه بسيطه أنما بامانه عربيه تحفه ثبات تحفه علي الطريق عربيه فعلا محترمه كل الحاجات ديه بسيطه

ويكفي أن عفشتها عفشه سكودا a4 وماتورها تحت رعايه ميستوبيشي وتوكيل بي أم

[ahmedarafa]

thksssssssss

[khaledazizeg]

يا باشا الأعمار بيد الله، كله فانى.

طبعا الاعمار بيد الله
وكمان لو الواحد حافظ عليها هيا هتحافظ عليه
وانا الحمد لله عندى ال1300
وعامل بيها 39000كم فى سنة
والعربية زى الفل
وعملت بيها حادثة بسبب فراملها
لان فراملها كويسة جدا وللاسف دخل فيا من ورا ميكروباص ترامكو القديم بسرعة 60كم عليا والى حصل بيدل ان العربية ممتازة
وعندى ال1600
وعامل بيها 30000 كم فى سنة ونص
والعربية زى الفل والحمد لله

[yasser2]

الإخوة الكرام: التوكيل في سوريا حاليا يبيع ال frv الـ ولكن مع محرك مختلف عن الميتسوبيشي 4g1 خيث يوجد عليها محرك 1500 وبإستطاعة 107 حصان بخاري ويقولون أن المحرك toyota system دون وجود أي علامة على المحرك تدل على هذا الموضوع ويقال أنه أوفر بالوقود مع قوة أكبر ؟؟؟ كما عدل ال cd فأصبح MP3 لجميع الفئات وتم وضع لمبة إضاءة للصندوق الخلفي واستبدلت لمبات الفرامل الخلفية ينظام LED مع المحافظة على نفس التصميم الخارجي .. أذكر هذه المعلومات على سبيل التنوير وبالمحصلة فلكل وكيل طلباته الخاصة حسب السوق المقصودة