هو مافيش أخبار عن ال fsv 2011 ولا ايه؟؟

[hanykd]

السلام عليكم ورحمة الله

هو مافيش أخبار عن الfsv موديل 2011 ولا ايه
انا كنت ناوى اجيبها بس مش سامع ولا شايف عنها أى حاجة
وبعدين انا كل اللى سألت عن العربية دة من اللى يملكوها شكر فيها
فلو فى حد عند نصيحة قبل ماأشترى ياريت مليبخلش عليا بيها
وهى توماتيك ولا ستيبترونيك

فى انتظار ردكم

أخوكم فى الله هانى

[goingonlovingu]

ستبترونيك

[Sherif20099]

انا كنت فى توكيل البفاريا اللى فى طريق الاوتوسترا من كام يوم بسأل عن ال fsv gls و المسؤال هناك قاللى ان فى دفعة جديدة جاية فى السكة كمان شهرين........و بالنسبة للاوتوماتيك هو ستيبترونيك

[elkomi15]

يعنى 2011 لسة منزلتش العربية دى هاتحقق نجاح كبير فى مصر ---------------------------انا كمان متظرها ان شاء الله

[hanykd]

السلام عليكم ورحمة الله

ألف شكر على ردروكم ياجماعة
بس كنا عايزين حد من ملاك العربية يدينا رأيه وتقييمه ليها

[goingonlovingu]

السلام عليكم ورحمة الله

ألف شكر على ردروكم ياجماعة
بس كنا عايزين حد من ملاك العربية يدينا رأيه وتقييمه ليها

ادخل حضرتك خد لفه ف المنتدى وهتعرف كل حاجه
بدايه من ميلاد العربيه لحد اما عملت 50000 كم

[midh91]

انااخويا استلم ال fsv gl 2011 وعملت 300 كم حتي الان (وأنا اخدت التمبرا )
لما سأل علي ال gls لقاها مش مودجودة خالص فاشتري ال gl

العربية جميلة جداااا وناعمة والدركسيون الباور بتاعها اخف من اللانسر 2008 (مع جارنا ) بس ليا ملاحظة صغيرة ( الموتور فيه صوت غريب خفيف ومش بيسحب كويس لغاية دلوقتي واستهلاك البنزين مرتفع ) هل الموضوع استني لصيانة الالف كيلو ولا لازم اروح للتوكيل دلوقتي

[khaledazizeg]

انااخويا استلم ال fsv gl 2011 وعملت 300 كم حتي الان (وأنا اخدت التمبرا )
لما سأل علي ال gls لقاها مش مودجودة خالص فاشتري ال gl

العربية جميلة جداااا وناعمة والدركسيون الباور بتاعها اخف من اللانسر 2008 (مع جارنا ) بس ليا ملاحظة صغيرة ( الموتور فيه صوت غريب خفيف ومش بيسحب كويس لغاية دلوقتي واستهلاك البنزين مرتفع ) هل الموضوع استني لصيانة الالف كيلو ولا لازم اروح للتوكيل دلوقتي

اولا الف مبروك على العربية وربنا يعطيك خيرها ويكفيك شرها
بالنسبة للسحب ماتقدرش تحكم على العربية الا لما توصل ال10000كم
انا ع نفسى اداء العربية بيتحسن يوم عن التاى

[Sherif20099]

السلام عليكم و رحمة الله

بداية انا من عشاق الFSV و ان شاء الله عايز اجيبها قريب و فيه اصحاب ليه جابوها و بصراحة شكروا فيها كتيير و ده اللى خلانى اتشعبط فيها اكتر.......بس بالنسبة لرد Khaledazizeg باشا كان عندى سؤال و هو .......(بالنسبة للسحب ماتقدرش تحكم على العربية الا لما توصل ال10000كم ) مش كتيرة شوية علشان توصل للسحب الامثل يعنى فى ناس ممكن تجيب ال10000كم بسهولة لكثرة تنقلاتها و فى ناس ممكن ال 10000 كم تقعد معاهم عمر يبقى العربية حتقعد معاهم فترة كبيرة بتاكل بنزين و مبتسحبش بالكفاءة الكلية فهل هذه حالة كل الFSV ولا حالات نادرة فقط.....و بعتذر عن الاطالة بس انا بسأل فقط عشان انا زى ما قولت فى الاول عايز اجيبها و حابب اعرف كل حاجة عنها

[akramesg]

التحسن الكبير بيظهر مع صيانة الالفين
سوق على مهلك اقل من 2500 rpm فى اول 500
ابتدى اقرص واحدة واحدة تانى 500
اهريها فى الالف التانية
اعمل الصيانة وادعيلى

[midh91]

اولا الف مبروك على العربية وربنا يعطيك خيرها ويكفيك شرها
بالنسبة للسحب ماتقدرش تحكم على العربية الا لما توصل ال10000كم
انا ع نفسى اداء العربية بيتحسن يوم عن التاى

شكرا جزيلا لردك
اخويا هيوصل ل 10000 كم بسرعة لأن شغله في 6 اكتوبر وواخد المحور يوميا رايح جاي ....... بس كتير اوي ان السحب يتعدل بعد 10000 كم
عموما هو السحب مش وحش اوي يعني انا سوقتها مرتين بس والعربية جميلة جدا

[Hmatchy]

التحسن الكبير بيظهر مع صيانة الالفين
سوق على مهلك اقل من 2500 rpm فى اول 500
ابتدى اقرص واحدة واحدة تانى 500
اهريها فى الالف التانية
اعمل الصيانة وادعيلى

الراجل دة بيقول كلام زى الفل
انا عملت كدة بردو
ودلوقتى داخل على 9000 عاوز اقولك فرق شاسع فى سحبها بين لما جبت العربية ودلوقتى
انا جبتها من شهرين بس
فأكيد لسه فاكر كانت عاملة ازاى اول ما جت
العربية دلوقتى جميييييييييييييييييييييله الحمد لله و احسن من الاول بكتير
انا مرة كان معايا 3 و شنطة سفر تقيلة وجبت 200 لدرجة ان الصحراوى كلو كان مستغرب خصوصا واحد معاه كليو كان بصراحة بيطلع منى لحد 120 وبعد كدة القوة زى بعض لحد 150 وبعد كدة بلاقى العربية بتجمع معاية اوى لدرة انى بحس شدة العربية وعزم المتور على 150 و وصلت ل 200 فى الوقت اللى هوا كان 160 اخرو
العربية جميلة ماشاء الله
بجد مبسوط منها الحمد لله