قطع غيار بريليانس خارج التوكيل

[tkm]

السلام عليكم
دى ثالث مشاركه ليه عايزين نعمل موضوع عن محلات قطع غيار جميع السيارات الصينيه خارج التوكيل لانى معايا سياره جيلى ومهتم جدا بالصينى و لانى تعبت من اللف على محلات قطع الغيار اللى يعرف محل قطع غيار صينى ياريت يكتبو لوسمحت وانا هبتدى :

وارجو تثبيت الموصوع :

الوكيل لقطع الغيار الصينيه : شارع المطبعه بالهرم قبل اتو شاهين

ابو عوف : المول الجديد بالتوفيقيه ثانى دور

بكين : شارع دمشق

بى واى دى :التوفيقيه المول الجديد اول دور

[Mostafa Hessen]

بص حضرتك فى قطع غيار من عربيات معروفه بتركب فى عربياتنا
عندك مثلا قطع غيار الانسر بومة بتركب
وعن تجربتى سير الكاتينة وسير التكيف والدينمو وفلتر الزيت والبوجيهات
فمش بس قطع غيار صينى
وطنابير الجولف 4 والأكتافيا a4 والفرامل الأمامية للعربيتين سابقتى الذكر
وشكرا

[midh91]

هل قطع الغيار دي بتخرج السيارة من الضمان ؟؟؟؟؟؟؟

[akramesg]

هل قطع الغيار دي بتخرج السيارة من الضمان ؟؟؟؟؟؟؟

متابع ؟؟؟

[tkm]

الاخ اللى بيقول فى قطع غيار كتير بتركب عندنا من عربيات زى اللانسر او الاكتافيا دى قطع غيارها الاصليه غاليه جدا تكاد تكون اغلى من بريليانس الاصليه ما كونت رحت جبت لانسر او اوكتافيا احسن وقطع الغيار الغير اصليه ممكن تخرجك بره الضمان لو داخليه ولو خارجيه عادى ولو داخليه واصليه محدش هيعرفها وممكن تعدى

[bobo_8000]

متابع بهتمام...

[midh91]

طيب ممكن اعرف ايه قطع الغيار بالضبط اللي ممكن تخرج العربية من الضمان ؟؟؟؟؟؟؟
يعني تيل الفرامل مثلا يخرجها من الضمان ولا لأ؟

(هل سير الكاتينة الخاص ب fsv جنزير ولا كاوتش .؟؟؟؟؟؟ )

[akramesg]

متابع معاك ولى نفس السؤال
بس ممكن ارد عليك فى السير
1500 جنزير
1600 كاوتش

[Mostafa Hessen]

الاخ اللى بيقول فى قطع غيار كتير بتركب عندنا من عربيات زى اللانسر او الاكتافيا دى قطع غيارها الاصليه غاليه جدا تكاد تكون اغلى من بريليانس الاصليه ما كونت رحت جبت لانسر او اوكتافيا احسن وقطع الغيار الغير اصليه ممكن تخرجك بره الضمان لو داخليه ولو خارجيه عادى ولو داخليه واصليه محدش هيعرفها وممكن تعدى

اخى الكريم
مين قال لحضرتك ان قطع الغيار اللى بتكلم عنها اغلى من الأصليه
حضرتك سيور العربية انا جايبهم ايطالى وكورى (كاتينة +دينمو+تكييف) ب190 جنيه اسال حضرتك عن الأصلى فى التوكيل والصينى اللى موجود عند بكين وشوف الفرق..
حضرتك انا كنت شارى لمبة هالوجين من التوكيل والتركيب ب 100 جنيه جبتها من عند بكين كورى ب 20 جنيه قعدت 6 شهور جبتها المانى بردك بره بكين ب 20 جنيه وما شاء الله افضل من الكورى اللى معشتش
فلتر الزيت بتاع اللانسر البوما ب 35 جنيه يابانى اسأل حضرتك عن اللى فى التوكيل بكام
طقم البوجيهات فى التوكيل ب 90 جنيه جبت اليابانى بتاع اللانسر ب 55 جنيه
شوف حضرتك انتشاء العربيات اللانسر والأوكتافيا خلا قطع غيارها رخيص مش زى محضرتك فاهم بجانب ان توكيل بريليانس بيغلى جدا...

حضرتك صيانة ال 80000 كم فى التوكيل ب 2500 جنيه انا عملتها بره وقطع غيار يابانى وايطالى واتكلفت عليا 800 جنيه..!! والفضل لله

حضرتك التيل فى التوكيل ب 350 جنيه remza هو اللى موجود فى بكين ب 200 جنيه والإتنين زى الزفت تخيل حضرتك بتاع الجولف 4 ب الألمانى اعلى شئ ب 350 جنيه واداء عالى جدا
اسال حضرتكك عن الطنابير فى التوكيل وعند بكين بكام والألمانى المهواه ب 500 جنيه واداء عالى جدا
لو سمحت حضرتك راجع السوق الأول قبل متحكم بدون بينه
وانا تحت امرك فى اى استفسار..

[akramesg]

قشطة عليك يا مشمش
انا هحتاج اغير التيل قريب ممكن اغير برة والعربية لسة فى الضمان ولا هيغلسو؟

[khaledazizeg]

الاخ اللى بيقول فى قطع غيار كتير بتركب عندنا من عربيات زى اللانسر او الاكتافيا دى قطع غيارها الاصليه غاليه جدا تكاد تكون اغلى من بريليانس الاصليه ما كونت رحت جبت لانسر او اوكتافيا احسن وقطع الغيار الغير اصليه ممكن تخرجك بره الضمان لو داخليه ولو خارجيه عادى ولو داخليه واصليه محدش هيعرفها وممكن تعدى

مين الى قال لحضرتك ان قطع غيار الجولف 4 او اللانسر الاصلية غالية
ادى لحضرتك مثال
الطنابير الاصلية للجولف 4 ب350 جنية والمانى
بالنسبة للبريلينس فى التوكيل ب500 جنية

[khaledazizeg]

قشطة عليك يا مشمش
انا هحتاج اغير التيل قريب ممكن اغير برة والعربية لسة فى الضمان ولا هيغلسو؟

كدة كدة اصلا مافيش ضمان على التيل والا الطنابير

[Mostafa Hessen]

قشطة عليك يا مشمش
انا هحتاج اغير التيل قريب ممكن اغير برة والعربية لسة فى الضمان ولا هيغلسو؟

غير بره ولا يهمك
هما حتى مش حياخدو بالهم
الموضو ع بسيط وملوش علاقة بالكهرباء خالص

وبالتوفيق

[Mostafa Hessen]

كدة كدة اصلا مافيش ضمان على التيل والا الطنابير

ازيك يا خلود

عامل ايه

وحشنى اخبار البنوته ايه

على فكرة انا صلحت الكاسيت واكتشفت انه من جوه حكايه كاسيت محترم الشيبات كلها lg وكاسيت محترم جدا
والأداء بقى حلو لو عندك مشكلة فى الكاسيت كلمنى ونفس الراجل اللى صلحت عنده ممكن يركب سماعات وراء بحرفيه

[akramesg]

البن اوت من ورا شكله اية؟
فيه خرج كام سماعة؟