Fsv مانيوال

[mahmou3d]

السلام عليكم و رحمة الله و بركاته
شباب ، انا ناوي ان شاء الله اشتري سيارة بالتقسيط
فكرت كتير في الـ FSV مانيوال ، و لاحظت ان ............... فيه سيارتين (اف اس في ) واحدة بـ 69900 و واحدة بـ 74900 و التانية دي full option ، كنت محتاج اعرف الفرق بينهم بالظبط ايه ؟
و اهم من ذلك ، هل قطع غيار الـ FSV متواجدة و رخيصة ولا هتكون اغلى من الكوري مثلا ؟ و لو اغلى الفرق هيكون حوالي كام في القطع غيار الهامة ؟؟
سؤال اخير ، و آسف على الاطالة ، انا معجب بالـ FSV و الـ FRV على السواء ، هل هناك فارق كبير ماعدا الشنطة !!! و هل زي ماهو مكتوب على contactcars ان الاتنين بنفس السعر ؟؟؟
انا آسف جدا يا جماعة على الاطالة ، بس اتنمى منكم الرد على الاشكاليات دي
و من يعلم ، لربما اصبحت احد مقتنييها :)

[zemanovaxxx]

وعليكم السلام ورحمة الله وبركاته
بالنسبة للسيارة ال fsv فهي بتنزل ب 3 فئات:
أولا: 1.5 gl ودي مانيوال هاف أوبشنز يعني فيها كل حاجة ماعدا فوانيس الشبورة والجنوط السبور والباركنج سنسور والمرايات الكهربا ووحدات الرفع في الإزاز وسعرها 69900
ثانيا: 1.5 gls ودي مانيوال فول أوبشنز يعني فيها كل حاجة ف الدنيا ممكن تتخيلها (كل المميزات اللي مش موجودة ف ال 1.5 gl) وسعرها 74900
ثالثا: 1.6 gls ودي الأوتوماتيك فول أوبشنز بنفس كماليات الفئة السابقة بس بناقل حركة أوتوماتيكي وموتور 1600 سي سي ودي تقريبا سعرها 82000
سؤالك عن هل هناك فارق بين ال frv و fsv فلازم تعرف الأول فئات ال frv عبارة عن إيه:
أولا: 1.5 gls ودي مانيوال فول أوبشنز يعني فيها كل حاجة ف الدنيا ممكن تتخيلها وهي تعادل في الكماليات السيارة ال fsv 1.5 gls اللي ب 74900 بس سعرها 69900
ثانيا: 1.6 gls ودي الأوتوماتيك بنفس كماليات الفئة السابقة بس بدون فوانيس الشبورة والجنوط السبور والباركنج سنسور والمرايات الكهربا ووحدات الرفع في الإزاز بناقل حركة أوتوماتيكي وموتور 1600 سي سي ودي سعرها 74900

ركز معايا: معني كده إن ال frv أول فئة تعادل ال fsv تاني فئة بس ب 69900 (طبعا ميزة) بس لو انت بتدور علي السيدان مش الهاتشباك يبقي ال fsv تاني فئة هي إختيارك الوحيد ب 74900 (ده لو انت مش بتفكر ف الأوتوماتيك)

بالمناسبة هتلاقي الفروق دي كلها واضحة ومذكورة ف البرشورز بتاعة العربيتين (ممكن أبعتهملك ف ميل لو حبيت)
بالنسبة لموضوع قطع الغيار فمعنديش فكرة بصراحة لإني مش معايا العربية بصراحة, لكن ممكن تلاقي ف قسم البريليانس مواضيع تخص هذا الشأن
توكل علي الله, أنا زيك بدور علي ال fsv وإن شاء الله هاشتري بس مستني الدفعة الجديدة لإنها مش موجودة حاليا (مش هتلاقي غير أول فئة ال 1.5 gl)
ملحوظة بأه أرجو إنها متغيرش رأيك بخصوص موضوع العربية: الأسعار الجديدة لل fsv هي كالتالي (أسعار 2011)
1.5 gl بقت ب 74900
1.5 gls بقت ب 79900
1.6 gls مش عارف هتبقي بكام ؟؟

[mahmou3d]

الف الف شكرا ياباشا ،
هو انا في الاساس كان هيكون اختياري على الـ fsv gl ، بس هل الـ frv برضو غليت بنفس المقدار ولا لسه زي ما هي ؟؟؟
و في حالة ان الـ frv لسه بنفس السعر ، جايز يكون الكلام عليها و ده لأني عاوز اجيب تقسيط ، فانا محكوم شوية بمقدم و قسط
يبقى معرفة اسعار قطع الغيار ، لان دي مهمة جدا بالنسبالي
عموما ، ياباشا ، ربنا يباركلك و منتظر ردود من حضرتك و من باقي الاعضاء اللي عندهم علم بالحاجات دي

[zemanovaxxx]

هل الـ frv برضو غليت بنفس المقدار ولا لسه زي ما هي ؟؟؟

1.5 gls كانت ب 70000 بقت ب 72000
1.6 gl كانت ب 75000 بقت ب 77000

حاول تجيب نمرة وكيل البافارية الرئيسي وتتأكد أكتر من الأسعار دي لأني سألتهم من فترة تقريبا شهرين فاتوا
دي الأسعار اللي قالوهالي ف التليفون وبعدين ال frv قالولي مش موجود منها دلوقتي خالص ف هتحجز وتستني دفعة جايه ف شهر 3 أو 4
إسأل تاني يمكن الكلام اتغير
أنا ف الخدمة في حالة أي استفسار

[mahmou3d]

ربنا يخليك يا باشا ، و شاكر ليك اهتمامك :)
انا هكلمهم انهاردة ان شاء الله ، و احتمال اعدي عليهم
الف شكر يا باشا

[zemanovaxxx]

ربنا يخليك يا باشا ، و شاكر ليك اهتمامك :)
انا هكلمهم انهاردة ان شاء الله ، و احتمال اعدي عليهم
الف شكر يا باشا

ياريت لو في جديد بخصوص الأسعار بلغني

[mahmou3d]

انا كلمت التوكيل و سألته عن الـ frv 1.5 gls , وئالي انها بـ 70.000 بس مش موجودة و احتمال تيجي على اول الشهر ،
لما سألتو عن سعرها هيكون كام او احتمال يكون كام ، ئالي لأ ، مانعرفش
لما سألته عن اني عاوز اشوفها ، ئالي مافيش اي عربيات ( اف ار في ) في المعرض ، ئالي موجودة بس واحدة ( fsv ) , و ئالي ممكن تتفرج عليها في المصرية
بس :)

[zemanovaxxx]

انا كلمت التوكيل و سألته عن الـ frv 1.5 gls , وئالي انها بـ 70.000 بس مش موجودة و احتمال تيجي على اول الشهر ،
لما سألتو عن سعرها هيكون كام او احتمال يكون كام ، ئالي لأ ، مانعرفش
لما سألته عن اني عاوز اشوفها ، ئالي مافيش اي عربيات ( اف ار في ) في المعرض ، ئالي موجودة بس واحدة ( fsv ) , و ئالي ممكن تتفرج عليها في المصرية
بس :)

هممم
نفس الكلام اللي سمعته تقريبا
علي العموم أنا رأيي أول الشهر مش بعيد, عن نفسي هاستني
شكرا ولو في جديد هابلغك, ويا ريت إنت كمان

[khaled_Saga]

مشاركتى جت متأخرة معلش على بال بقى ما بدأت أفكر فى البريليانس اصلا وغيرت رأيى عن البروتون ساجا لما شوفت البريليانس

انا كلمت المصرية امبارح (zemanova عارف الكلام ده :)) وكان الكلام كالاتى:

1- fsv gl ب 72,000 موجودة بكل الالوان وقالى كمان انها هتغلى تانى
2- fsv gls مش موجودة حاليا ومقليش سعر بس رمى كلمة كده معناها انها لسه ب 75,000 لانه قالى الفرق بينهم 3,000 فى كماليات مش مهمة اوى بالنسبة لفرق الفلوس (بس طبعا هو كان ضلالى لانه قاللى الفروق بينهم غلط قالى الفرق بس فى الباركنج سنسور ومفتاح البصمة وانا اتكدت من البروشور ان الفروق اكتر من كده ومهمة من وجهة نظرى)
3- fsv gls a/t انا مسالتش عنها صراحة لاهى ولا ال frv لانى مش بفكر فيهم اساسا

انا عامة لسه ادامى شوية على اول الشهر لحد اما اشترى ويامسهل يمكن يجد اى جديد

[bassem.kamal]

اعتقد ان الاتوماتك هتعمل 89900 لو علي أسعار 2011

[khaled_Saga]

انا نفسى افهم ليه عندنا تجارة العربيات فيها نصب وتضليل وتكتيم زى ماتكون تجارة مخدرات حاجة غريبة فعلا وده لمصلحة مين ده المفروض فى ظل الاقتصاد الهباب اللى بتمر بيه البلد انهم يطلعوا كل اللى عندهم ويبيعوا ولو بهامش ربح قليل

النهاردة انا روحت المصرية للسيارات وحسيت ان كلام الناس عنهم صح انهم شركة وحشة - تحس انهم هليهلية كده وملخبطين وكدابين - انا مكلمهم امبارح فرع طنطا قالولى ان ال gl موجودة بكل الوانها ولما روحت النهاردة عشان اشوفها واركبها واخد قرار نهائى لقيتهم بيقولوا مفيش عربيات واقفة فى العرض (ولا عربية بريليانس من أى موديل) وعملوا فيلم قالوا استنى اما نشوف الجرد على الكمبيوتر وشوية حركات كده وبردو قالو لأ مفيش خالص بس يعنى لو حبيت تخلص احجزها وهنجبهالك من اى معرض!!
قولتلو ياعم انا بكل صراحة جاد فى الشراء بس مركبتهاش شوفتها بس من برة عاوز اركبها واشوف صالونها ظروفه ايه عشان انا طويل هشوف هبقى مرتاح فيها ولا ايه قاللى لأ دى مية مية واسعة وتجنن ومشكورا قالى انا ممكن اجيبلك صور صالونها من عالنت هههههههه قولتلو والله كتر خيرك انا درستها عالنت بس انا جاى ادفع 75 الف جنيه من المنطقى انى اركب العربية الاول وأطمن ليها مية فى المية مش هرمى فلوسى فى الأرض ازاى يعنى اجى اخلص فى عربية مركبتهاش مرة واحدة حتى قالى ممكن تشوف اى حد من صحابك جيرانك تكون معاه العربية وتجربها قولتلو اه والنبى معاك حق هى بنها عندنا كلها فيها عربيتين او تلاتة اقف انا عالكورنيش بقى استنى اى واحدة منهم تعدى اوقفها اقولهم والنبى اخد لفة عشان اجربها لاحسن عجبانى

شركة غريبة ومش هم وبس كل المعارض نصابين وحرامية بس يا ناس دول الافات بتتدفع مش اى حاجة يعنى مش موبايل دى عربية

الغريب انهم ذوق فى المعاملة!!!

[khaled_Saga]

اخر كلام...
انا لسه مكلم الاحمدى موتورز - ش ذاكر حسين من عباس العقاد - مدينة نصر
لقيت ال gl لون اسود فقط تسليم فورى 74,000
وقالى مش هتلاقى ال gls خالص دلوقتى
المندوب اسمه احمد توفيق ورقمه 0166801002

[khaled_Saga]

بالمناسبة انا كنت بقلب فى اليوتيوب لقيت فيديو لاقصى سرعة للبريليانس - الواد اللى سايق جايب 230 كم\ساعة

YouTube - ‫ط§ظ‚طµظ‰ ط³ط±ط¹ط© ط¨ط±ظٹظ„ظٹط§ظ†ط³ 2010‬‎

[akramesg]

بالنسبة لطولك يا باشا كان عندى نفس المشكلة ومستريحتش غير فى الالنترا بعد تجارب كتير فى معرض اوتوماك
لغاية ملقيت عربيتى حبيبتى مستريح جدا وفارد رجلى كمان
بالمناسبة مثلا عندك الصنى كانت رجلى بتتزنق مبين الدركسيون والباب - الشاهين كنت بقرفص عشان اركبها الخ الخ

الفيديو ده عداداته غريبة مش زى عندى فأكيد مش fsv يا ترى اية؟

[khaled_Saga]

انا بردو مش متأكد اذا كانت بريليانس ولا لأ بس عنوان الفيديو على يوتيوب بيقول بريليانس

ربنا يزيدك ويزيدنا طول يا باشا بس نلاقى عربية تاخدنا ههههههههه
وعلى فكرة انت طمنتنى لان دى اهم حاجة فى صالون العربية اللى اشتريها ان شاء الله