صالـــون ال fsv

[zemanovaxxx]

السلام عليكم ورحمة الله وبركاته
أرجو فقط الإجابة عن الإستفسار التالي الخاص بلون الصالون الداخلي اللي ف العربية ال fsv
أنا عارف إن التابلوه نص إسود ونص بيج, والعادي إن فرش الكراسي بيج برضه, بس أنا شوفت النهاردة واحدة أوتو سيلفر والفرش بتاع الكراسي كان إسود والتابلوه نص إسود ونص رمادي.
هي الأوتو بس اللي بينزل فرشها إسود؟
وهل موضوع الألوان ده بيفرق من فئة لفئة؟
شكرا جزيلا.

[zemanovaxxx]

هو محدش عنده فكرة, ولا محدش مهتم ؟

[akramesg]

الفرش على حسب لون العربية من بره
انا فرشى اسود مثلا (بصراحة البيج اشيك بس مش عملى خاااااااااااالص)

[zemanovaxxx]

بس إنت عندك التابلوه إسود ف بيج, مش كده
أنا شوفت الصور اللي في التقرير بتاعك
المشكلة لو عندك أطفال زي حالتي, دي بقي الكارثة الحقيقية للون البيج
بس إنت متأكد من المعلومة دي فعلا, ولا دي ليها علاقة بفئة العربية (gl, gls)
يعني مثلا اللون السيلفر للعربية لون الفرش من جوه إيه؟
علي العموم أنا شاكر ليك مرورك, وادعيلي أنضم لنادي مقتني البريليانس قريب

[bassem.kamal]

باشا انا موجود اهو والله و عندي سلفر اتومانك و الفرش جي اسود معاها و عامل عاكس للتابلوه جامد اوي اوي .. انصحك بالاسود و لو استلمت بيج هاتلو فرش جلد بقي اسود ولا حاجة عشان اشيك طبعا + ان البيج اي وساخة لازم هتروح مراكز و تتدفع عشان تشيل بقع
و عايزك تقولي اخبارك اية و استقر علي اية انت ؟ ... و معلوماتك عن الاسعار اليوم اية عنها و اية الكلام كدة عشان اللي جاي بعدك بردو ميتعبش و القرارات تبقي اسهل .... و عموما الحمد لله الحمد لله العربية تمام لحد دلوقتي و مفيش شكوي من حاجة كبيرة

[akramesg]

عندى قردين وماشى بالصابون والملمع وراهم
يوسخو براحتهم يعم مكلو بتاعهم احنا مجرد سواقين للبهوات الصغار

[bassem.kamal]

ههههههههههه ... انا بالمناسبة كنت في المصرية انهاردة و سألت و قالولي لسة مفيش اي fsv خاااااااالص و ال frv مش هاينزل منها تاني !!!! .... ال fsv عايزين يعملوا جو ليها في السوق زي ال frv و الاتوماتك في سر مش عارفينو و شكلهم مكمارين عليهم للوسايط و بسسسسسسس و المانويل بيخادموا علية بس الفترة دي .....

[zemanovaxxx]

ههههههههههه ... انا بالمناسبة كنت في المصرية انهاردة و سألت و قالولي لسة مفيش اي fsv خاااااااالص و ال frv مش هاينزل منها تاني !!!! .... ال fsv عايزين يعملوا جو ليها في السوق زي ال frv و الاتوماتك في سر مش عارفينو و شكلهم مكمارين عليهم للوسايط و بسسسسسسس و المانويل بيخادموا علية بس الفترة دي .....

كلامك صحيح, وشاكر ليك المعلومات المفيدة دي
أنا إن شاء الله مستقر وواخد قرار بشراء ال fsv بس أنا مستني الدفعة الجديدة اللي بيقولوا عليها جايه ف شهر 3 إن شاء الله
كده يبقي لا بديل بالنسبة لي عن اللون السيلفر, لأنه عاجبني أولا + الصالون لو لونه إسود بالنسبة لي هيبقي أفضل كتير
نفسي بس أعرف الدفعة دي جايه إمتي, ولو في حجز ولا لأ, عشان موضوع الأسعار اللي قالوا هتزيد مع الدفعة الجديدة مقلقني بصراحة.

[zemanovaxxx]

عندى قردين وماشى بالصابون والملمع وراهم
يوسخو براحتهم يعم مكلو بتاعهم احنا مجرد سواقين للبهوات الصغار

باشا ربنا يخليهوملك, وتنضف وراهم كمان وكمان
أنا مشكلتي الوحيدة مع القرد اللي حيلتي , إنه غاوي تنطيط ع الكنبة اللي ورا, وانا بالفعل اشتريت الصابون والملمع إحتياطي.

بس حاجة برضه جت علي بالي, مش منطقي أصلا إن العربية سعرها يزيد والبنوك أصلا اليومين دول موقفة موضوع القروض الشخصية, والشراء معظمه دلوقتي كاش(ده علي م سمعت).

بصراحة, أنا مش قادر استني, العربية واكلالي دماغي ع الأخر وعايزها دلوقتيييييييييييي

[bassem.kamal]

طب ما تقولي ازاي بتنظف الباب الجانبي .. القماش اللي تحت الاكرة ... عشان مرة حاولت اتوسخت اكتر ... عاوز طريقة انظف بيها القماشة البيج اللي الباب دي و من غير ما تبوظ حاجة... بوضوح

[midineo]

ههههههههههه ... انا بالمناسبة كنت في المصرية انهاردة و سألت و قالولي لسة مفيش اي fsv خاااااااالص و ال frv مش هاينزل منها تاني !!!! .... ال fsv عايزين يعملوا جو ليها في السوق زي ال frv و الاتوماتك في سر مش عارفينو و شكلهم مكمارين عليهم للوسايط و بسسسسسسس و المانويل بيخادموا علية بس الفترة دي .....

طب بالنسبه ل frv cross هاينزل منها تاني ؟؟؟

[zemanovaxxx]

طب بالنسبه ل frv cross هاينزل منها تاني ؟؟؟

والله علمي علمك. بس معتقدش إن الكروس هيتوقف إنتاجها بأي حال من الأحوال لإنها عربية جديدة وموديلها لسه محدش إشتراه أصلا
بس بيتهيألي تستني الدفعة الجديدة لإني مشفتهاش في أي معرض من معارض البريليانس اللي روحتها كلها.

[midineo]

والله علمي علمك. بس معتقدش إن الكروس هيتوقف إنتاجها بأي حال من الأحوال لإنها عربية جديدة وموديلها لسه محدش إشتراه أصلا
بس بيتهيألي تستني الدفعة الجديدة لإني مشفتهاش في أي معرض من معارض البريليانس اللي روحتها كلها.

الف شكر ليك يا باشا علي الرد,و انا سألت في اباظه اوتو تريد و قالي انها ممكن تيجي في اول ابريل.

[akramesg]

باشا ربنا يخليهوملك, وتنضف وراهم كمان وكمان
أنا مشكلتي الوحيدة مع القرد اللي حيلتي , إنه غاوي تنطيط ع الكنبة اللي ورا, وانا بالفعل اشتريت الصابون والملمع إحتياطي.

بس حاجة برضه جت علي بالي, مش منطقي أصلا إن العربية سعرها يزيد والبنوك أصلا اليومين دول موقفة موضوع القروض الشخصية, والشراء معظمه دلوقتي كاش(ده علي م سمعت).

بصراحة, أنا مش قادر استني, العربية واكلالي دماغي ع الأخر وعايزها دلوقتيييييييييييي

ربنا يخلى
بالنسبة للقسط عندهم تقسيط مباشر اسأل أ/ محمد عامر فى فرع الملتقى العربى

طب ما تقولي ازاي بتنظف الباب الجانبي .. القماش اللي تحت الاكرة ... عشان مرة حاولت اتوسخت اكتر ... عاوز طريقة انظف بيها القماشة البيج اللي الباب دي و من غير ما تبوظ حاجة... بوضوح

هات صابون فوم مالبنزينة او محل الاكسسوارات
انا جبت نوع بحوالى 25 اظن كان كبيرة وعليها اللوجو الفايكنج
وخليت واحد صاحبى يدعكها بفوطة بيت عادية (او قماشة خشنة)
لو معرفتش ابعتلك صاحبى هههههههه (بصراحة انا كنت بستغله ساعتها - قلتله اعد نضف وانا هروح مشوار جنبنا رجعت بعد 10 دقايق لقيتها مراية)

كانت بقعة شيكولاتة مشروب (راجع موضوع القرود)

[bassem.kamal]

تشكر يا كبير و هحاول احوش ال 25 دول بقا هههههه ... انا كنت فاكر طريقة عادية .. بيريل بقي او رابسو d: بس قشطة كدة ...... و حوار المسحات دة جه في بالي و ماكنتش عارف المقاس ..... بس ممكن نجيبها من ام بريليانس اللي عاملين اعلان في كل حتة .... او اعرف منك مقاسها و اجيب واحدة تنظف الزجاج اوي عشان الفترة الجاية تراب اوي و بس .... و عاوزين نناقش حوار الاطارات انها تبقي بالنيتروجين و عتعمل شغل ولا لأ خصوصا ان الكاوتش محترم و جنوط محترمة و اتزان كويس