خبر عاجل

[i_samy]

إتصلت حالا بالمجموعة البفارية bmw
وبالنص قال لى الموظف أنه تم سحب التوكيل لسيارات بريليانس بالكامل

لا أعلم مدى صحة المعلومة ولكن هذا ما حدث منذ نصف ساعة بالظبط

[i_samy]

قمت بالإتصال بالمجموعة الرئيسية bag وقولت إللى حصل بالحرف ولكن الشخص المسئول قالى بالخرف "الكلام ده مش مظبوط يافندم"

برضه مش عارف أصدق مين ؟؟

[ahmedchina]

ممكن يكون صح خصوصا إن قرأت فى أهرام الجمعة أن هناك عدد من رجال الاعمال يتنافسون على احد التوكيلات الصيينة الكبيرة و التى فشل الوكيل الحالى للتعامل معها . و من المعروف إن هذة الشركة الصينية لها عدد من المويلات المختلفة
بس بردو ممكن يكون غلط لان التوكيل شغال و عارض عربيات فى المعرض فى القطامية يعنى فى عربيات جاية
بس السؤال لية العربيات من أول السنة مش موجود منها خالص مع إن الشركة فى الصين مفيش ضغط كبير عليها فى الطلب المحلى أو العالمى .
اتمنى أن يظل التوكيل مع البافارية لانة بصراحة بيعطى طعم مختلف للعربية و اعتقد إنة نجح معها فى خلال فترة قصيرة
على العكس من وكلاء تانيين مضيعين العربيات اللى معاهم رغم إنها متميزة عن عريبات صينى تانية .

[shiko_sla]

اولا كل سنة و انتوا طيبين و رمضان كريم
ثانيا انا كنت لسة فى القطامية بعمل صيانة ال20000 للعربية fsv و اتكلمت مع المهندس فى الموضوع دة قاللى بالنص ان دى اشاعة منتشرة اوووى لدرجة التصديق و لو ان حاجة زاى دى حتحصل هما اول ناس حتعرف و مافيش حاجة زاى دى و ان الشركة عايزة تعمل تخفيض على الموديلات كنوع من انواع الاوفر بش التوكيل عايز ياخد فرق السعر دة لية و يبيع العربية بنفس السعر و انا فعلا لقيت fsv frv cross هنال بس للاسف مسالتش على السعر بس كانوا معروضين هناك اللى عايز يسال كل الكلام دة فى غرع القطامية

[magdy_64]

دي كلها إشاعات عن الجميلة بريليانس fsv

الأخ الفاضل قبل ماتكتب أو تصدق الخبر كان ممكن منك تدخل على الويب سيت بتاع المجموعة البافارية وتشاهد بنفسك أنهم مازالوا يعرضون السيارات البريليانس على موقعهم ومازالوا يعلنون بأنهم الوكيل الوحيد للجميلة البريليانس

[i_samy]

يا أستاذ مجدى أكم من مواقع بتكتب حاجات كتير ومش بالضرورة يبقى الموقع Up to date لسه عملية تحديث بيانات المواقع مش موجودة بالإهمية القصوى فى مصر ..... كمان يا عزيزى لو كنت قريت باقى الردود كنت هاتعرف إن المجموعة الرئيسية إللى فى القطامية أعتقد .. قالى المسئول هناك كلام مختلف .... أبقى كده أنا غلطان علشان حاولت أستفسر وأفيد ... مش جايز كان الخبر صحيح

[akramesg]

سيبك من المواقع العربية موجودة فى العرض فى التوكيل فى القطامية بكل فئاتها فسيبك من الاشاعات بتاعة شعبنا

[raedegypt]

إتصلت حالا بالمجموعة البفارية bmw

وبالنص قال لى الموظف أنه تم سحب التوكيل لسيارات بريليانس بالكامل

لا أعلم مدى صحة المعلومة ولكن هذا ما حدث منذ نصف ساعة بالظبط

مافيش دخان من غير نااار

[heroo911]

انا اتصلت بالفاريا وكلمت الاستاذ احمد المسؤل وقالى انها فى صدد إنشاء مصنع للبرليانس فى العين السخنة على شان يتم التوزيع لدول الشرق الاوسط عن طريق مصر

[fineart607]

طب ايه رايكم فى عرض جالينا الى منزلاه عربيات وبضمان البفاريه ب100 الف

[fdroubi]

فعلا انا لسه متصل بواحد عارض عربيته للبيع على contactcars وقال لي انه اشتراها في العرض ب 100,000 جنيه وبيبيعها على 110 الف وعاملة 500 كم بس

هو ايه اللي بيحصل؟؟ وهو في عرض ينزل بثمن العربية موديل السنة ب 35 الف خصم بدون سبب؟؟؟

[momo2003]

تخفيض سعر الجالينا منطقي بعد زيادة الضريبة لانها 2000 سي سي و نفس الكلام حصل مع الاسبيرانزا 620