Brilliance FRV - أرجو المساعده

[sharmer]

السلام عليكم ورحمة الله وبركاته
لو سمحتم أنا محتاج مساعدتكم لأني عايش بعيد عن أي مركز صيانه محترم و عندي كذا مشكله مش عارف احلها
من فتره لاحظت ان ف طقطقه عاليه لما باجي الف الدريكسيون على أرض ناعمه أو في دوران مكسر - محطتش في دماغي قوي و كبرت الجمجمه
وبعدين و أنا بظبط زوايا في بردج ستون لقيته بيقولي يا بيه انت محتاج تعمل حشو بوكس دريكسيون !!!!
المهم سألت لأن تقريبا ما بعملش أي حاجه مع التوكيل لاني عايش ف شرم و أصلا من السويس و ما بنزلش القاهره خالص تقريبا و التوكيل اللي البافاريه متفقين معاه في شرم سئ للغايه بشهاده ناس كتير - هو أصلا بتاع رينو !!!- المهم حاولت أشوف أي صنايعيه هنا ينفعوا يعملوها بس للأسف كله بيقولي روح التوكيل أحسنلك عشان دي مهمه و عشان معندهمش الحشو بتاعها - ايه رأيكم يا ترى هي فعلا مهمه و لا أروح لميكانيكي كويس أعرفه هنا - بس بيقوللي ان الحشو بتاع العربيه مش متوفر عنده - فيا ترى أجيب الحشو ده من القاهره مثلا و اهوله يركبه و لا ايه ؟؟؟

معلش يا شباب في كام سؤال تاني : سير الكاتينه في FRV يستحسن أغيره على كام كيلو ؟؟ و طقم السيور الكامل ل FRV سعره كام ؟؟

سؤال تاني : فين مكان فلتر البنزين في ال FRV ؟؟ و يتغير على كام كيلو

سؤال تاني : عندي تخبيط ورا مع المطبات كأنه جاي من اللوكر بتاع الشنطه حد عنده القصه دي - على فكره أنا عربيتي من اخر دفعه 2009 و عامل بيها دلوقتي 52000 و مميزاتها معايا أكتر من عيوبها

معلش يا شباب أنا اسف على كتر الاسئله - انا اخري ف العربيات أسوق بس مش أكتر و دي أول عربيه ف حياتي أساسا بس بحب العربيه دي جدا لأنها و قفت معايا كتييير خصوصا أيام السيول اللي حصلت هنا ف جنوب سيناء
مسنتي ردودكم بفارغ الصبر

[sharmer]

يعني يا شباب و لا واحد قادر يساعد بمعلومه ممكن توفر عليا كتييير لو سمحتم اللي عنده معلومه ما يبخلش بيها