بجد الfsv ماشاء الله عليها

[amaboubakr]

النهارده يا جماعة كنت في مشوار المهم كنت راكب تاكسي وانا ماشي لقيت تاكسي fsv راكن روحت نزلت من التاكسي اللي انا فيه وركبت التاني بتاع الfsvالمهم أخدت الراجل لحسابي ونزلت فيه اسئلة :
اولا العربية عاملة 45000 كيلو وماراحش التوكيل خالص وماعملش اي صيانة غير بنزين وزيت فقط
ثانيا بيقولي العربية كأنه جايبها امبارح من قوة سحب وتكييف وراحة وثبات وووووووو...
ثالثا قاللي بعد ماجابها ندم انه جباها تاكسي لانها خسارة في التاكسي مع انه مطلع عينيها وقالي العربية دي عايزة واحد بتاع ملاكي يحترمها ويصونها لانها محترمة جدا طبعا ده كلام بتاع التاكسي وذلك لان السواقين اللي بيغيروا عليها معاه بيبهدلوها وبالرغم من كده العربية كما هي
رابعا الراجل قاللي هو عنده عربيتين تاني تاكسي منهم واحدة فيرنا وبالرغم من كده مابيحبش يسوق غير العربية دي
بصراحة الراجل قاللي كلام كتير وانا من النوع اللي بينسى بسرعة بس اعتقد الكلام ده فيه الخلاصة والقول الفصل
ويارب ،،،،

[bassem.kamal]

تاكسي !! يا مفتري دي مش وش تاكاسي خالص ههههههههه

[ahmed_oth]

تاكسي !! يا مفتري دي مش وش تاكاسي خالص ههههههههه

معلش سؤال خارجى,,,كم كلفك تغيير الطنابير وتيل الفرامل؟
وهل جبتهم بتوع الاوكتافيا a4 ولا دول الاصلى بتوع FSV?

[amaboubakr]

لا ومش بس كده ده كمان بيحطلها بنزين 80 ومش بتسقف معاه شوفت الافترا

[akramesg]

لا ومش بس كده ده كمان بيحطلها بنزين 80 ومش بتسقف معاه شوفت الافترا

يا لهوى 80 !!!!!!!!!!

انا مره واحده شفت تاكسى اصفر فى مدينة الشروق كان شكلها تحفة بصراحة معرفش هربان من الاسماعيليه ولا ايه
انا صورته بالموبايل بس مش قد كده