كلمة لله فى حق مركز اوتوتك جسر السويس

[heroo911]

السلام عليكم ورحمة الله وبركاتة

يا جماعة عايز اقول كلمة لله فى حق مركز اتوتك للصيانة ووكيل معتمد الشركة البافريا الناس دول محترمين جدا جدا وبلأخص بشمهندس أشرف اكثر شخص اتعاملت معاه فى المركز شخصية محترمة جدا جدا رغم انى طلعت عينة طلبات بس الراجل عمل كل الى مطلوب واكثر كمان وأسعارهم محترمة جدا وارخص من البافريا فى المصنعيات ربنا يوفقهم والى عايز بجد ناس محترمة فى شغلها وبتراعى ربنا يروح لمركز اتوتك وهيدعيلى وربنا يوفقهم ويوفق صاحبها
أخوكم احمد بهاء
صاحب بريليانس frv فضى

[FARAGAMF]

لو سمحت رقم التليفون بتاع المركز

[zemanovaxxx]

يعني انت رأيك أروح اعمل صيانة ال 10000 هناك, ولا التوكيل أضمن برضه ؟؟؟ هاه

[bassem.kamal]

روووح يا باشا .. المصنعيات هناك اهدي من القطامية .. و اي حاجة المهندس بيبقي معاك علطول
و ناس عندها ضمير .. مش بتفرق معاهم الاسئلة الكتير او الطلبات الكتير ...
لكن بلاش تنسي القطامية بردو عشان ميغلسوش في الضمان

[akramesg]

منصحش حد يروح القطامية غير لو له عندهم حاجة ضرورية متنفعش برة
انا اتلطعت يا محترم من 9 ل 5 عشان صيانة 30 الف
زييت وفلتر !!!!!!! وفى الاخر معملوش حاجة فى اللى خلانى اروحلهم من الاصل
يووووم وضاااااااع
جاااااااااى

بالمناسبة صيانة ال20 فى اوتوتك مأخديتش غير 45 دقيقة وفيها بوجيهات !!!!!!!!

[khaledazizeg]

اولا السلام عليكم ورحمة الله وبركاتة
انا حابب اقولكم حاجة
انا اتعاملت معاهم كتير
ملاحظاتى
-هما شغلهم بيخلصوه بسرعة لان ماعندهمش ضغط اصلا
-طبعا مافيش حتى كباية مياه موجودة وطبعا ديه حاجة تنرفز يعنى انا كنت عندهم من كام يوم واتحرق دمى بسبب داه
-انا لسه مغير الspeed sensor عندهم العربية اخدت نصف ساعة تقريبا والعربية زى الفل بس انا استغربت ان الساعة سليمة يعنى مافكوش البطارية
مشيت وخلاص
بالليل اجى اخرج الاقى مروحة التبريد وال check engine منورة وليلة حصلت افتكرت انهم مافصلوش البطارية اتضريت اروح طبعا وماكملتش مشوارى وفكيت البطارية 10 ثوانى وبع كدة شغلتها تانى العربية بقت الحمد لله زى الفل
انا قصدى بس ان فيه حاجات صغيرة بتضايق يعنى لو واحد مايعرفش الحل كان اتسوح وبالذات ان كان تانى يوم اجازة 6 اتوبر
-انا مغير عندهم اللمض كانوا بيجيبوا التعبانة الى برا ومابتعيش
يعنى احنا طالبين اهتمام شوية
المشكلة الاكبر
ان المهندس وائل واستاذة شيرين مشيت من التوكيل بصراحة دولا كانوا اكتر اتنين مريحين جدا فى التعامل وبيخلصولك كل حاجة

[zemanovaxxx]

انا قصدى بس ان فيه حاجات صغيرة بتضايق يعنى لو واحد مايعرفش الحل كان اتسوح وبالذات ان كان تانى يوم اجازة 6 اكتوبر

خالد باشا, أنا بيتهيألي شوفتك يوم الأربعاء اللي هو 5 أكتوبر, أنا كنت هناك.
إنت معاك frv كحلي ؟؟؟

ان المهندس وائل واستاذة شيرين مشيت من التوكيل بصراحة دولا كانوا اكتر اتنين مريحين جدا فى التعامل وبيخلصولك كل حاجة

أنا لسه عامل صيانة ال 10000 كيلو عند أوتو تيك, وهم فعلا ناس بيحاولوا علي قد مبيقدروا بس الملاحظات اللي انت قولتها أنا حسيت بيها برضه.

يعني علي سبيل المثال كنت محتاج أزود وصلات للسماعات من الكاسيت عشان الضهر وساعتها قاللي المهندس (وبصراحة كتر خيره) مش هاقدر أعملهالك واعملها ف التوكيل أضمن عشان موضوع اللعب في الكهربا بيغلسوا فيه في القطامية. بس ده معناه إنهم معندهمش الحرفية أو الصنايعية ولا الخامات اللي تخليهم يظبطوا الحاجة التافهة دي.

وبعدين معندهمش كل حاجة العربية. يعني البار الفضي الإكسسوار اللي في الشنطة ده كان مكسور عندي وكنت محتاج أشتريه جديد وده طبعا ملقيتهوش عندهم.

الخلاصة, هم ذوق وكل حاجة بس المركز لسه عليه شويه علي ميقدر يعمل إسم أو إنه يقدر يسحب عملا من البافارية بجلالة قدرها. وانا بانصح إن الواحد يروحلهم في الصيانات اللي مش مهمة (اللي هي زيت وفلتر وتربيط عفشة والكلام الفارغ ده).

[Mostafa Hessen]

معلش يا خلود ادينا بنتعلم

[amaboubakr]

معلش يا خلود ادينا بنتعلم

أ/مشمش اخبارك على فكرة انا متابعك من ساعة ما جبت الfrv بس انت شكلك اختفيت فترة وكنت بدور على مشاركاتك علشان اعرف اخبار العربية معاك ايه يا ريت تطمنا

[a_essa29]

حد يوصفلنا مكانه