حاجة غريبة لاحظتها فى البريليانس جالينا

[fahd_628]

يا جماعة انا من شفت مرة البريليانس عند الطارق فى كرفور الاسكندرية و ركزت فيها من قدام لاقيت الكبوت فيه زى تعريجة كدة من قدام فوق العلامة

و شفت عربية تانية فى الشارع برضة فيها نفس التعريجة !!

فحد لاحظ الموضوع دة ؟؟؟

[PAYOO]

أنا عمي معاه "جالينا" وماشوفتش فيها حاجه زي إللي أنت بتقول عليها دي يا فهد

أحتمال تكون صدفه أن العربيتين إللي أنت شوفتهم يكونوا متطبقين في نفس المكان

[amrnader]

طب يا بايو متحكيلنا شوية عن عربية عمك :twisted:

[PAYOO]

طب يا بايو متحكيلنا شوية عن عربية عمك :twisted:

عاوز أنت مصيبه عشان تشبع فيها

ياراجل عاوز توقع بيني وبين عمي ؟ بقى ده أسمه كلام ؟

طيب أنت عارف أنه بيقصر معايا في الكلام خالص أول ماتيجي سيرة العربيات لأنه عارف رأيي في الصيني عموما والعربيه دي بالذات وبقى يتدارى مني ومبقاش يقوللي على المشاكل إللي بيقابلها كل شويه من ساعة ماجبها (أي نعم هيه مشاكل هايفه لكن مايصحش أنها تبقى في عربيه بالسعر ده)

طبعا أنت هاتسألني عن رايي في الصيني عموما والعربيه دي بالذات !!!!!

وانا هاقولك الصيني أنا مقتنع به لو سعره رخيص يعني أنا عارف أني لما بشتري حاجه صيني بتبقى جودتها مش عاليه يبقى (وأنا راضي بكده لكن مقابل أن السعر يكون معقول) لكن لما تقوللي خد عربيه صيني مصري وكمان عاوزني أدفع ما يقرب من 160ألف جنيه هاقولك

[amrnader]

يا راجل، ده انا نيتى بريئة على الاخر :mrgreen:، لو الموضوع هيسبب مشاكل عائلية بلاش منه

[Abdallah]

فعلا يا هانى البافارية بتستهبل فى سعر العربية دى, طيب منا اجيب A5 او افنسيس احسن منها الف مرة وماركة مضمونة ومعروفة فى السوق
انا شايف ان الطبيعى بتاعها تحت ال 100 الف جنيه يعنى ممكن تبقى 90 مثلا وفى نظرى الاسبيرانزا الكبيرة برضة لازم تبقى فى نفس الفئة والصغيرة متزيدش عن 50 الف ودى طبعا وجهات نظر.

[karim l Mshrki]

عاوز اعرف لو بافكر اشتري جالينا مسعمل موديل 2007 أو 2008 تنصحوني بايه ؟؟

هل فيها مشاكل كبيرة ؟ في حاجة معينة اقلق منها ؟؟

[Ahmed Refaaat]

انا هقول لحضرتك على مميزات العربيه . هى ثباتها كويس جدا وسحبها كويس وواسعه من جوه . وشنطتها كبيره وتكيفها تلاجه . وزى ماقولنا على المميزات برضو هقولك على عيوبها . هو كل اللى معاه العربيه دى بيشتكى من سخونتها لان درجه الحراره بتوصل ل110 وف ناس بتقول ان ده الطبيعى بتاعها بس انا شايف ان نظام التبريد مش ماشى مع الموتور ال2000 سى سى . وبرضو و اطيه شويه وهتتعبك فى المطبات بسبب طول العربيه . وفى النهايه لو حبيت تجيب هات موديل 2007 واكشف عليها كويس وياريت لو فى التوكيل . لكن بعد 2007 ماتفكرش تركب جالينا . والاختيار لحضرتك طبعا ف النهايه