بطاقة تعارف

[amaboubakr]

يا ريت يا جماعة نعمل تعارف هنا في الصفحة دي لكل حاجزي السيارة FSV or FRV حتى نكون في تواصل مع بعض وكذلك مالكي السيارة الأعزاء لنكون جميعا في تواصل مستمر
وأنا هابتدي بنفسي:
أحمد أبوبكر
مدرس مساعد بكلية التربية بالعريش
متزوج
حاجز FSV GLS فضي

[wkhater]

ان شاء الله توصل بسلامة وتركبها هى عريبة كويسة انا معى fsv gl

[limo81]

عبدالحليم محمد
مهندس بترول
متزوج
حاجز FSV gls أوليفى( أو) فضي/ أوتوماتيك

[amaboubakr]

ان شاء الله توصل بسلامة وتركبها هى عريبة كويسة انا معى fsv gl

طيب مش نتعرف على حضرتك

[ahmed_oth]

احمد عثمان
متزوج
Instrument Designer
حاجز FSV GL لون grey olive

[loaytarekhamed]

frv cross 7agezha hanstelem imta ba2a ?

[amaboubakr]

frv cross 7agezha hanstelem imta ba2a ?

أن شاء الله الاستلام على نص او اخر شهر 12 بالكتير وربنا يسهل بس مش نتعرف على حضرت

[wkhater]

السلام عليكم
انا ملاحظ عدم المشاركة لمعظم الاصدقاء المشتركين فى التعارف ياريت كل اللى عنده معلومة او راى عن ال frv or fsv
يكتب ويقول وكدة يستفيد الجميع من المنتدى وشكرا مهندس / وليد سعد

[amaboubakr]

السلام عليكم
انا ملاحظ عدم المشاركة لمعظم الاصدقاء المشتركين فى التعارف ياريت كل اللى عنده معلومة او راى عن ال frv or fsv
يكتب ويقول وكدة يستفيد الجميع من المنتدى وشكرا مهندس / وليد سعد

بصراحة مش فاهم حضرتك بالظبط ولكن حضرتك عارف ان كلنا حاجزين ولسه مافيش حد استلم وكل معلوماتنا بنعرفها من اصحاب العربية في المنتدى وفي الخارج ولكن انا مع حضرتك في تبادل المعلومات والخبرات لتعم الاستفادة

[alsfah0]

السلام عليكم كل سنة وحضراتكم جميعاُ بخير يارب . انا كمان حجزت fsv ومستنى الاستلام الشهر الجاى بس بعد اذن صاحب الموضوع انا كنت بتمشى فى كام منتدى كدا ولقيت موضوع مهم واحد كاتبة والردرو مفهمتش منها حاجة انا هقلكم الموضوع بظبط

ممكن اعرف نظام التعليق الخلفى لل fsv
يعنى متصل ام منفصل
مثال على ذلك التعليق فى السيراتو القديم منفصل والجديد متصل
او ياريت صورة من اسفل السيارة علشان والله لو منفصل هاشترى وأنا مغمض
لأن السيراتو الجديد فشل بسبب هذة الجزئية

ياريت بقى يا جماعة لو حد عندة خلفة عن الموضوع دا ويقدر يفيدنا كلنا محتاجين نعرف كل حاجة عن العربية اللى هنركبها وربنا يدينها خيرها يارب معلش طولت عليكو

[alsfah0]

بعد البحث عرفت وللأسف الشديد ان البرليانس التعليق الخلفى متصل وفية واحد كتب موضع عن التعليق وانا جبتهولكو للاستفادة


التعليق المتصل ( un dependent suspension ) ودة التعليق اللى بتستخدمة معظم الشركات لتوفير تكاليف السيارة

ومن مميزات هذا التعليق قلة تكاليفة فقط سواء اثناء الصيانة او على تكلفة السيارة نفسها بالنسبة للصانع , مابياخدش مكان تحت ارضية الكنبة الخلفية

عيوبة : غير ثابت نهائى فى الملفات - مع الضغط على الفرامل اثناء المنعطفات بسهولة يتم انحراف جسم السيارة من الخلف - عفشة ذات تعليق ناشف - احساس المطبات يشعر بية جميع من فى السيارة حتى لو كان من ناحية واحدة للعجلة اللى خدت المطب ( يعنى لو خدت مطب بالجنب الشمال مثلا هيحس بية اللى قاعد فى الشمال واليمين )

* التعليق المستقل ( dependent suspension ) ودة مكلف جدا على الشركة المصنعة وتكاليف صيانتة مكلفة ايضا ودول عيوبة بس فى مقابل

1: مريح جدا فى المطبات , يمنع انحراف السيارة اثناء المنعطفات الحادة او حتى مع الضغط على الفرامل اثناء الانعطاف , كل جنب من السيارة هو بس اللى بيحس بالمطب لو كان فى جهة واحدة يعنى لو خدت مطب شمال اللى قاعد يمين مايحسش بية ) مفيد جدا فى الغرز لان العربية مع الضغط عليها من الجهة الخلفية اثناء نهاية الغرزة جنب واحد بس هو اللى بيميل فبيدى استقرار تحفة

ياريت لو حد يعرف اكتر يقولنا

[wkhater]

اولا ازاى نعرف الفرق

["نا معى سيارة fsv بس انا معرفش الفرق بين التعليق الخلفى المتصل والمنفصل ولو تشرح الفرق بينهم عشان افيدك بالظبط

[wkhater]

انا قرات المعلومات اللى كتبتها منكم نستفيد بس ازاى معظم السيارات الحديثة فبها تعليق خلفى متصل على الرغم من تفاوت فى السعار كبييييييييير وشكرا

[alsfah0]

wkhater انا بردوة فكرت ف النقطة اللى حضرتك قلت عليها بس مش عارف اجابتها وكمان فى حاجة محيرانى فى عيوب المتصل يعنى من غير ثابت نهائى فى الملفات - مع الضغط على الفرامل اثناء المنعطفات بسهولة يتم انحراف جسم السيارة من الخلف اعتقد ان النقطة دى على العربيات اللى مفهاش abs ولا حضرتك شايف اية

[kareemkiko123]

السلام عليكم : كريم السيد مهندس مدنى
انا ناوى ان شاء الله اشترى frv اوتوماتيك . بس خايف من موضوع الاوتوماتيك دا عايز رأيكو اجيب اوتوماتيك وانا مطمن حد جربو ولا اجيب مانيول و خلاص