اسئله بخصوص الجالينا-ارجو الافاده ممن جربها

[mohsal]

الاخوة الاعضاء لى بعض الاسئله عن البريليانس جالينا ارجو منكم شاكرا افادتى عنها: 1-ماهى فئات الجالينا وما ثمن السياره لكل فئه موديل 2012 . 2-ماسبب الهبوط الكبير لسعر السياره عند اعاده البيع حتى لو كانت كسر زيرو مو 2010 او2009 3-هل العفشه فعلا المانيه الصنع بى ام دبليو- والموتور والجيربوكس ميتسوبيشى يابانى - ام تكنولوجيا فقط وهل قطع الغيار مكتوب عليها مايفيد انها المانيه او يابانيه الصنع ام صنع فى الصين. 4-ماذا عن دائره واجزاء الكهرباء فى السياره هل هى صينيه الصنع. 5-للتاكد من صحه النقطه رقم 3 هل لو تم مراسله شركتى بى ام دبليو وميتسوبيشى الام عن طريق الايميل للتحقق من منشأ صناعه العفشه والجيربوكس والموتور. 6-ماذا عن مده الضمان للسياره وعن مدى التزام التوكيل باصلاح عيوب الصناعه ان وجدت خلال مده الضمان- والاهم ماذا عن الصيانه خارج التوكيل هل توجد مراكز خدمه للسياره خارج التوكيل تفى بالغرض- وهل قطع الغيار متوافره خارج التوكيل. 7-هل جالينا 2012 تختلف عن جالينا ماقبل هذه السنه من حيث الخامات والقوه ومصدر الصنع بالاشاره للنقطه رقم 3. 8-قرات فى قسم البريليانس فى المنتدى ووجدت من يعيب السياره من حيث انها صينيه الصنع - ضعف البودى - اختبار التصادم 2006 - لكن وهذا هو الاهم لم اجد احد ممن لديه السياره يشكو منها . 9-الرجاء الافاده من كل الاعضاء خاصه ممن لديه هذه السياره او جرب قيادتها على الطريق. 10-هل شراء السياره كسر زيرو افضل ام شرائها على الزيرو على اعتبار انى لن افكر فى تغييرها 10 سنوات باذن الله واستعمالها كسيارتى الخاصه والاعتماد عليها. 11-اخيرا باذن الله لو اردت حجز السياره فهل الحجز بالتوكيل مباشره - و اى من المعارض تنصحونى بالتعامل معها فى القاهره او الاسكندريه من حيث السعر وجديه التعامل والالتزام بموعد التسليم . واشكر لكم تعاونكم

[benmatar]

السلام عليكم
أنصح سيادتك بدون إطالة عليك بصرف النظر عن التوجه لشراء سيارة صيني رديئة كالبريليانس جالينا، ومع الاحترام للجميع، لا يوجد من يشكر فيها إلا واحد مركبش إلا صيني أو كانت الجالينا أول عربية يركبها، إنما لو حضرتك راكب فولفو حتى لو قديمة وركبت جالينا زيرو الزيرو هيكون شعور الندم هو المسيطر، كلامي ده مش مجرد تهيؤات وإنما آهات وندم لصديق طبيب اشترى جالينا 2012 زيرو، وركبتها وسقتها، وسقت منها موديل أقدم بتاعت جار.... والأدلة كثيرة منها ما تفضلت حضرتك بذكره ألا وهو انخفاض وانهيار أسعار كسر الزيرو وإن كانت بنفس السنة ونفس الحالة.... سيبك من اللي يرفع الضغط ويقول دي بي إم صيني، ده كلام عشوائي تماما، حرام حد يشتري عربية صيني ومتجمعة في مصر كمان بمبلغ زي ده، النصيحة لله وعن تجربة وبالمثال يتضح المقال، لو هتشتري بريليانس زيرو أعلى فئة ودي تمنها تقريبا 140 ألف ج (مش عارف إزاي) عندك في الخيارات شراء فلوانس وفانتازيا مثلا برقبتها الفين مرة، وممكن تشتري بي إم دبليو الفئة الخامسة مستعملة مثلا بحالة جيدة جدا أوائل الألفينات برقبتها خمستلاف مرة، فما بالك بالمستعمل لو هتشتري بريليانس بالثمانينات بنفس المبلغ تشتري أوكتافيا a5 أو بورا أو بيجو406 أو ميجان والله أحسن بكتيييييييير. برضه أطلت عليك بس قلت ألحقك وأنصحك، وبرضه اشتخير واسأل، وبالتوفيق

[safwat]

العربيه دي ممتازه وانا عندي واحده مستعمله موديل ٢٠٠٦ وعندي مرسيدس c180 ٢٠٠٤ وللامانه الشديده هي احلي من المرسيدس وبفكر فعلا اني اجيب الزيرو الجديده وسعرها ١٠٠الف فقط

[mohsal]

benmatar اشكر لك النصيحه وباذن الله ساضعها فى الاعتبار لكن لامانع من زياده السؤال عن الجالينا حتى الم بكل العيوب. safwat حضرتك بما ان العربيه 2006 معاك وناوى تجيب باذن الله واحده 2012 فارجو ان تفيدنى فى الاسئله المطروحه عنها فى مشتركتى . ولكم الشكر الجزيل

[ostoraa]

انا معايا يا فندم عربيتين جالينا وكان معايا الفانتازيا 2011وبيعتها بسبب الاعطال الكثيره وقطع الغيار العاليه ولو بتفكر في جالينا فياريت متجبش زيرووو هات كسر الزيرووو وعلي فكره مبقاش في جديد والزيرو بيبتدي من 139 الف ومفيش حاجه اسمها 100 الف دي خالص دي كانت شحنه في عيوب وخلصت خلاص من المعارض والزيرو رجع تاني 139 الف ولسه جايب واحده لعمي من 15 يوم بالظبط ب139 الف سوداء والفئه اللي بعديها اسمها لاكشري وسعرها بيعمل 149 ودي بفتحه سقف وكراسي كهربا ولون واحد الفئه التالته اسمها اكسكلوسيف ودي بتعمل 159 بفتحه سقف ولونين كريمي وسقفها اسود ودي بقي اللي معايا بس بس من غير فتحه سقف ومعايا من 2008 بسم الله ما شاء الله عليها سياره في منتهي الجمال وخليها في دماغك لانها عربيه جميل والاستاذ اللي بيقول ان اللي ركبها اكيد هي اول عربيه يركبها فأحب اقوله اني ركبت لانسر وكرولا وe200 compressor موديل 2004 وبعتها وركبت الفانتازيا وفي الاخر استقريت علي الجالينا لانها اجتازت كل العربيات دي وهي دلوقتي داخله منافسه للبي ام والمرسيدس لانها بها عفشه رياضيه تتحمل كل الطرق بتاعه مصر وبها اربع مقصات في كل عجله ومساعدين هيدرولك والعربيه بتفرش عند سرعه 120 بتلاقيها علي الارض خالص وده علشان زياده الثبات العربيات المرسيدس والبي ام مفيهاش العفشه اللي في الجاليناولو انا لاقي ان العربيه وحشه مكنتش اشتريت ال2008 الكريمي في اسودكنت هجيب حاجه تانيه لكن من حبي في الجالينا جبت واحده واتنين وجبت لعمي واحده من 15 يوم فيا فندم لا تصرف نظر عنها لانها تستاهل الفلوس اللي هتدفعها فيها بس تكون سليمه نضيفه ومش مهلوكه وحضرتك حافظ عليها واسف جدا علي الاطاله

[safwat]

شركه عربيات السعر عندها ١٠٠ الف

[mhmhmh75]

وجة نظر

نيسان قشقاي

[smsm_hamada]

سعرها 100 ألف على كونتاكت كار

[Mando122006]

السلام عليكم ...

هذه أول مشاركة ليا فى المنتدى ...
شاركت لأنى نويت - بإذن الله تعالى - أشترى عربية فى حدود الـ 100 ألف . تقسيط طبعاً :-)
المهم ..
شدتنى الجالينا بشكلها ومواصفاتها مقارنة بسعرها ..

http://www.brilliance-eg.com/Brochures/Galena%20Catalogue.pdf

خصوصاُ حينما نزل الى الـ100 ألف .. ثم عاد مرة أخرى لسعرها المتداول (يعنى فرق 30-40 ألف !) ..
وسعرها الآن فى "كونتاكت كارز" عاد وأنخفض مرة أخرى لـ 100 ألف . النسخة لاكشيرى
Luxury 2.0 F/O A/T S/R

يعنى زى سعر النيسان الصنى .. (أقل أو أكبر حسب النسخة)

http://www........cars.com/NewCars_P...?EngineID=2673

قرأت عن كثير مما هو متداول بالنسبة للسيارة .. من اختبارات التصادم الأوربية الأولى والثانية .. ومستوى الوكيل .. وأيضاً خسارة البيع فيما بعد (مشكلة فى الصينى) .. الضريبة العالية ..
وأيضا مشاكل قيادتها فى مدينة مثل القاهرة وعند الانعطاف وركن السيارة ... الخ تلك المشاكل والمصاعب .

لكن فى النهاية أريد أكثر قدر من أراء ملاك السيارة أو آخرين يمتلكون أى معلومات تفيدنى بخصوص الجالينا ..

وهل معدل استهلاك البنزين كما هو منشور - متوسط استهلاك الوقود (لتر/100كم) = 7.36 أم أكثر من ذلك ؟ ..
العفشة - الثبات - قطع الغيار - ... الخ

وشكراً جزيلاً لكل من يفيدنى بالرأى ..

[i_Am_Legend]

اي حد عندة استفسار عن الجالينا يكلمني ..انا عارف العربية كويس جدا.
ودة رقمي.01115120140

[mohsal]

i_Am_Legend طب حضرتك اكتبلنا هنا خلاصه ماتعرفه عن الجالينا وتجربتك معاها وكل شىء تعرفه عنها ليكون افاده للجميع.
انا شخصيا باذن الله بفكر جديا انى اشتريها باذن الله للشكل والتصميم الجميل والكماليات بس بعد السؤال عنها جيدا وصلت للاتى : العربيه صينى بالكامل موتور وجيربوكس وعفشه وسعر البيع ضعيف والبيع بصعوبه وتاخر موعد الاستلام بعد الحجز ياريت لو عندك حاجه تانيه او غير كده اتفضل قول وشكرا

[ostoraa]

مين اللي قال لحضرتك يا فندم ان العربيه دي ماتورها وفتيسها صيني العربيه دي ماتورها ميتسوبيشي جالنت وفتيسها ميسوبيشي جالنت والعفشه بورش الماني والكهرباء والشاسيه bmw يعني مفيش حاجه فيها صيني غير الاكسسوارات يعني الزجاج والطابلووو والموديل الجديد اللي نزل سعرووو ب 100 الف هو ده اللي جميع قطع غياره صيني يعني اللي عايز يشتري يشتري من اول ال2006 لحد ال2008 بس وانا معايا علي فكره عربيتين جالينا يعني مش بقول كلام وخلاص