اشتريت 2012 من 10 ايامfsv

[AHMEDBADWY]

بسم الله الرحمن الرحيم
يا جماعه اشتريت برليانس fsvمن 10 ايام وبصراحه طلعت زي العجله الصيني لازم تتربط اول ماتجبها
اولا لقيت الكبوت معوج عاوز يتزبط
ثانيا بفتح الكابوت الي عاوز يتزبط لقيت خرطوم رشاشات المسحات وقع
ثالثا لقيت الدركسيون بيرف قلت ترصيص رحت ارصص لقيت الكوتش هو الي وحش
رابعا ودي المفاجأه لقيت زيت نازل تحت العربيه مصدقتش وفتحت الكبوت لقيته نازل من المتور حطيت كيلو وربع زي ورحت للميكانيكي قلتله بص قلي اويل سيل الكرانك بيجيب زيت
خامسا التكيف مفهوش فريون
سادسا سحب المتور ضعيف جدا لازم تكبس الدواسه عشان تجمع
سابعا تقفيل العتب من الداخل مش راكب
مطولش عليكم رحت التوكيل كان العربيه عامله 1200 ك م مفيش مهندس كلف خاطره وبص على العربيه واستقبلها العامل ودخلت وبعد انتظار 3 سعات بسأل المهندس بالصدفه ايه الاخبار قال صحيح كنت ناسي العربيه هتبات عشان يظبتوها ورحت تاني يوم بسأل ع الفاتوره قالي 750 جنيه قلتله ليه قالي الفريون على حسابك والزيت والفلتر ونسيت اقول ان الكاسيت كان بيهنج وطلع العيب في فيشه الكنتاك والنهاردا فولت العربيه لقيت امبير البنزين معلق ع الربع طفيت العربيه ودورتها اشتغل
وكفايه كده عشان اتخنقت من كتر الكتابه
والسلام عليكم ورحمه الله وبركاته

اللون الاحمر مخصص فقط للمداخلات الاشرافية والادارية

مشرف 3ب
26/4/2012
4.00am

[midosalah]

هو حضرتك اشتريت fsv 2012 منين ؟؟

[mody3on]

كل دي عيوب ؟ انت اشتريتها من توكيل ولا معرض ؟

[AHMEDBADWY]

من الشركه البفاريه

الوكيل بتعها

[AHMEDBADWY]

من التوكيل والله يا جماعه

[MARYJOJA]

الى الأستاذ أحمد بدوى

يا ريتك تفهمنا القصة كدة بالراحة علشان اللى انت بتقوله ده ممكن يطير فيه رقاب
اولا العربية gl ولا gls ثانيا هى فعلا موديل 2012 لان اللى نزل من موديلات 2012 gl بس وناس كتير مستنية ال gls وواضح ان عربيتك مش زيرو وموضوع الكبوت المعووج ده معناه ان فى حد اشتراها بالقسط مثلا من التوكيل من الشحنة الاولى ال gl وعمل بيها حادثة ورجعها التوكيل وخد نسبة من فلوسه وبعدين التوكيل باعهالك بعد ما ظبطها تظبيط تجارى أو شكلى .
يا ريتك تروح للسمكرى وتخليه يكشف على العربية حتة حتة مع ملاحظة عايز اعرفهالك ان الدفعة الاولى الgl معظمها كانت نازلة لشركات وطبعا شركات يعنى سواقين وبهدلة وقلة ضمير وأعتقد ان ده هو الاحتمال الأقرب. حاول تروح للسمكرى زى ما قلتلك وربنا يوفقك .

[S O P H O S]

لا تعليق
ربنا يصبرك

[subzer0]

واللة حاجة تموت
انا لو جايب عربية ودافع فيها حتى 10 لالف جنية وحصل كدا هتجنن
بس انا مستغرب ازاى انت مرحتش الوكيل تانى وكلمتهم

[S O P H O S]

والله حاجة تموت
انا لو جايب عربية ودافع فيها حتى 10 لالف جنية وحصل كدا هتجنن
بس انا مستغرب ازاى انت مرحتش الوكيل تانى وكلمتهم

+11111
متفق معاك وفعلا حاجة تصدم فعربية

[midosalah]

انا جبت frv من البافارية 2012 بصراحة ممتازة بقالها معايا 3 أسابيع

[shiko_sla]

مع احترامى الشديد لكن فى حاجة غلط انا معايا fsv gls موديل 2010 يعنى بقالها سنتين و بسم الله ماشاء الله زاى الفل و اكتر حاجة عملتها غيرت المسحتين علشان الجلدة اتقطعت و غيرت فردة كوتش علشان خدت ( مطب على سرعة ) نقرة عنيفة لكن غير كدة بعمل الصيانات و بس اكيد فى حاجة غلط

[mohamed5800]

ربنا معاك وحاول تشتكى للشركة وربنا يعوضك خير

[khaledazizeg]

حضرتك المفروض من الاول كان لما لاقيت زيت كنت تتصل بيهم وهما على طول هايجولك مكان ما انتا واقف وهيعملولك كل حاجة انا في مرة حصلت مشكلة بعد الصيانة بعتولى ال car service لغاية البيت وعملولى كل حاجة وماخدوش مليم وبعدين حضرتك ممكن تستعين بحماية المستهلك بس غلطة حضرتك انك مارحتلهمش من الاول ورحت لميكانيكى

[khaledazizeg]

مع احترامى الشديد لكن فى حاجة غلط انا معايا fsv gls موديل 2010 يعنى بقالها سنتين و بسم الله ماشاء الله زاى الفل و اكتر حاجة عملتها غيرت المسحتين علشان الجلدة اتقطعت و غيرت فردة كوتش علشان خدت ( مطب على سرعة ) نقرة عنيفة لكن غير كدة بعمل الصيانات و بس اكيد فى حاجة غلط

انا كنت عايز اوضح حاجة كمان انا فى البداية والدى جاب ال frv 1600 2009 عجبتنى بعت اللانوس بتاعتى وجيبت ال 1300 وبعد 80000كم بعتها وجيبت من 4 ايام frv 2009 1600 هيا مستعملة بس عاملة 10000كم ولسه فى الضمان وبسم الله ماشاء الله ممتازين جدا وماشفتش حاجة وحشة تذكر وبصراحة اى حاجة عشان انا اى حاجة بعملها في الضمان لو حصل حاجة بكلم الطوارئ بيجولى علطول ومابيتاخروش خالص

[Hmatchy]

اى مشكله ليها حل
بس خد بالك ال fsv اقل عربيه ليها مشاكل ومستغرب اللى بتقولو ده
انا معايا 50 الف كيلو ماشيه زى الفل
حاول تراجع التوكيل تانى و اطلب انك تقابل اى حد من المسؤلين