سؤالين بخصوص frv

[bluemagic11]

السلام عليكم ورحمه الله وبركاته

انا عندى سؤالين بالنسبه لل frv

1) التكيف بتاع العربيه اخباره ايه هل فى الايام اللى احنا فيها دى يفى بالغرض ولا زيه زى تكيف اللوجان متوسط الاداء وبالنسبه للجرى على الطرق السريعه هل باثر جامد على سحب العربيه . انا طبعا فاهم ان اى تكيف كده كده بياثر بس على فعلا ملحوظ .

2) فى ناس اعرفهم اشتروا العربيه من 2009 والمتور مكتوب عليه ميتسوبيشى لما رحت المصريه ابص على العربيه من حوالى 3 شهور كده لاقيت العربيه مكتوب عليها VVT و بسال الراجل هلى دى 1500 ولا 1600 بيقولى دى 1600 وكانت العربيه مانويال .. ايه الفرق بين الماتور المتسوبيشى والماتور ال VVT ومين احدث وافضل .

الف شكر واسف على الاطاله

[bluemagic11]

اى مساعده يا رجاله :)

[pavly3]

التكييف حلو جدا بالنسبه للجو لكن تأثيره واضح جدا على سحب العربيه خصوصا ال 1500

بالنسبه للموتور ال 1600 تكنولوجيا ميتسوبيشى وال 1500 تكنولوجيا تويوتا

[bluemagic11]

الف شكر على ردك

معنى كلام حضرتك ان اللى اان شوفتها فى المصريه للسيارات دى كانت 1500 مش 1600 لانها لو كانت 1600 كان هيتكتب على الماتور متسوبيشى ؟

[sherif-harb]

انا معايا 1600 اللى هو مكتوب علية متسوبيشى وللعلم هو مش متشوبيشى لكن تكنولوجيا متشوبيشى وفى بعض اوجة التشابهه والاختلاف بين موتور لانسر واف ار فى
التكيف ممتاز ومش بياثر على السحب نهائيا

[M.Ayman]

بص يا سيدى انا مش هضيف كتير عن الزملاء هنا ,,, التكييف حلو -مش زى الفيرنا اللى كنت بشغلها على 2 ببرد بس مرضى فى الحر ده و يكفيك تماما - ,,, السحب و اداء السياره طبعا بيفرق -انا ال 1500 سى سى - بس لو انت مشغله على 2 هيبقى الاداء حلو و الفرق مش كبير قوى انما لو 3 او 4 العربيه مش هتسحب معاك حلو ,,,,, الموتور ال 1600 صينى بتكنولوجيا ميتسوبيشى و ده الاوتوماتيك اما ال 1500 صينى بتكنولوجيا تويوتا ,,,, و المفروض اللى هينزل قريب قوى -خبر مؤكد- موتور 1600 مايفيك بقوة 100 حاجه و عشرين حصان -ان شاء الله-

[midosalah]

انا معايا 2102 التكيف رائع بشغله على اتنين على طول مش بزود بس بيأثر على السحب فى الطلعة ........ بعد كده مبتحسش بالتأثير اوى...... الموتور vvt 1500 فتيس مانيوال

[yasser2]

عندي معلومة أن 1500 كما ذكر سابقا هو بالتعاون مع تويوتا ونظام دواسة الوقود هو نظام كهربائي وليس سلك مثل 1600 وبالتالي يختلف زمن التسارع وسرعة السحب بالسيارة (بالثواني طبعا).. ولكن يقال أنها أوفر بالوفود ولا أدري كمية هذا الوفر..

[Barsom]

محتاج اعرف اي حاجه هن قطع الغيار برا التوكيل
يا ريت الافاده

[iso_loma]

ايه اشعار قطع الغيار

[شريف عز الدين]

شركة ماستر لاستيراد وتجارة قطع غيار السيارات البريليانس
باسعار منافسه وجوده عاليه
ويوجد فنين متخصصين فى صيانة السيارات البريليانس
المهندس : شريف عز الدين
العنوان : 30ش حافظ بدوى - اخر شارع الطيران - بجوار محكمة مدينة نصر - الحى السابع - مدينة نصر
الاستعلام والاستفسار : 26712552 \ 01006328332 \ 01019653845

بعض الاسعار
فانوس امامى FRV \ كروس 450
فانوس خلفى frv / كروس 350
فانوس شبوره frv \كروس 125

فلتر بنزين مانيوال FRV\ FSV \كروس 60
فلتر بنزين اتوماتيك FRV \ FSv \ كروس 60

مقص امامى كامل frv \fsv \ كروس 350
مقص امامى سفلى frv \ كروس 475

[Barsom]

يا جماعه اللي عنده اي اسعار عن قطع الغيار و اماكن بيعها خارج التوكيلعلشان انا كنت هاجيب العربيه دي بس ناس كتير خوفاتني منها بسبب اسعار قطع الغيار و توافرهابالنسبه للحاجات الاساسيه زي
طقم السيور ، بليه الكاتينه ، تيل خلفي و امامي

[S.S.E]

يا جماعه اللي عنده اي اسعار عن قطع الغيار و اماكن بيعها خارج التوكيلعلشان انا كنت هاجيب العربيه دي بس ناس كتير خوفاتني منها بسبب اسعار قطع الغيار و توافرهابالنسبه للحاجات الاساسيه زي
طقم السيور ، بليه الكاتينه ، تيل خلفي و امامي

قطع الغيار موجوده بالتوفيقيه والعفشه كلها أسكودا 4 أو جولف 4 لسه شارى تيل أمامى جولف 4 ب 200ج محل قطع غيار فولكس