إعـــــــلان

Collapse

.

,
See more
See less

تقيم frv 2012 بعد 6500 مع شوية صور

Collapse
X
 
  • Filter
  • الوقت
  • Show
Clear All
new posts

  • تقيم frv 2012 بعد 6500 مع شوية صور

    بسم الله الرحمن الرحيم
    ده يا جماعة تقيم لعربيتى ال frv بعد تقريبا 7000 كيلو اربع شهور من الاستخدام
    انا هحكيلكو طبعا الحكاية من الاول
    انا من اكترمن 3 سنين وانا نفسى اغير عربيتى وأركب جديد وعملت حسابى على الجين 2 لانى بحب العربية دى جدا
    وبصراحة هى عربية حلوة لكن الماديات منعتنى من انى اجيبها وكانت ميزانيتى فى حدود ال75 الف جنية _ بعد ما جبت أخرى _
    كانت الخيارات المتاحة امامى فى حدود الميزانية هى
    فيرنا
    لانوس
    لوجان
    بونتو كلاسيك
    ساجا
    -اف ار فى- أو -اف اس فى-

    بعد مقارانات كتير جدا ولف وتدوير ودراسة اولوياتى فى العربية اللى هاجيبها اخترت اف اس فى
    المهم روحت التوكيل فرع الملتقى العربى علشان اسال قالولى مش موجودة ولسه باب الحجز مفتحش لما نفتح باب الحجز هنتصل بيك طيب هيفتح امتى قالولى شهر تقريبا المهم خد جولة واتفرجت على ال اف ار فى فسألت عليها هى موجودة قالولى اه موجودة بصراحة مهتمتش اوى علشان اصلا انا كنت عايز اف اس فى المهم كنت كل اسبوع اتصل اعرف ايه الاخبار يقولولى لسه فات شهر ونص ولا العربيات جت ولا باب الحجز اتفتح المهم خدت بعضى ورحتلهم تانى علشان اعرف ايه الحكاية قابلت واحد بتاع مبيعات اسمه حسن قالى العربيات هتتأخر علشان كده مفتحناش باب الحجز ايه رأيك تاخد اف ار فى المهم قعد يقنعنى بيها لحد ما الفكرة دخلت دماغى قولتله سابنى افكر قالى رد عليا بسرعة علشان العربيات بتطير المهم بعد مشاورات ومداولات خخد القرار اتصلت بيه تانى يوم قالى تعالى ادفع والاستلام كمان اسبوع قولتله انا عايزها سيلفر والفرش اسود _انا عارف ان اف ار فى الفرش بيج بس وانا بتفرج عليها زى مقولتلكو قبل كده اول مره روحت فيها كانت زرقاء وفرشها اسود بصراحة الفرش الاسود عاجبنى اوى _ المهم حسن قالى موجودة قولتله على خيرت الله روحت تانى يوم كيشت واستلمت بعدها بأسبوع

    العربية
    1500 بتكنولوجا تيويوتا vvt بيقولو هو الموتور اللى موجود فى تويوتا افانزا بص صينى طبعا
    تكيف وباور وسنتر بدون ريموت اتنين زجاج كهربا امامى فقط
    بدون فوجات امامية لكن الفوجات اللى ورا موجودة
    جنوط 15 حديد واربع طاسات الاستبن نفس الحجم
    كاسيت ام بى 3 مع اتنين سماعة امامية واتنين تويتر امامى
    2 اير باج و ايه بى اس واى بى دى

    الاستلام
    روحت الفرع لقيت العربية واقفة بره دخلت خلصت الاجراءات واستلمت الاوراق بتاعة العربية عقبال ما العربية اتظبطت جوا وبره خرجت لقيتها عروسة شيكت على العربية وكنا الصبح الساعة اربعة العصر شيكت على كل حاجه كل حاجه تمام ما عدا حتة كده متقشرة من الدهان جنب العلامة الخلفية بتاع نص سنتى قولتيلو عليها قلى دى من التخزين وهى بصراحة ماكنتش باينة اوى وعديتها

    العربية كانت عامله حوالى 40 كيلو خدت العربية وطلعت على اقرب بنزينة علشان افول


    انطباعى علن العربية من اول ما سوقتها لحد النهارده
    العربية تقفيلها حلو اوى مقارنة بالفيرنا والانوس واللوجان ركوبة محترمة بصراحة وخامات كويسة شكل العدادات والانوار من جوه حلو كل حاجة واضحة
    العربية صوت الموتور كان عالى شوية طبعا مكنتش بجرى بالعربية علشان كنت متبع تعليمات المانيوال بتاع العربية ار بى ام ميزدش عن 2500 وسرعة متزيدش عن 85
    كنت بشغل التكيف عادى وعلى فكرة العربية تكيفها جميل
    العفشة بتاعة العربية ناشفة بتحس بيها اوى فى الحتت المكسرة
    شكل العربة رياضى وجميل وبقيت مبسوط بيه اكتر من ال اف اس فى
    تحت الكابوت كل حاجة منظمة والموتور ليه غطا مش زى الموديلات القديمة
    الكاسيت صوته حلو مش بطال بس لو انت من هواة الصوت العالى هتحتاج تعدل
    نور العربية رائع والعالى بتاعها يعمى مبشغلوش كتير
    الكالكس صوته مش عاجبنى

    اول صيانة عند 2000 كيلو بس انا مستحملتش الصراحة نفسى اغير زيت وأجرى بالعربية اول ما تميت 1300 كيلو اتصلت بأوتو تك وروحت عملت الصيانة غيرت زيت شيل 10000 وفلتر وشيكو على العربية ودفعت حوالى 340 جنيه ومشيت

    بعد الصيانة

    صوت الموتور بقى ناعم وهادى جدا وسحب العربية بقى اقوى وانعم بتبتدى تحس بصوت الموتور بعد 2500 ار بى ام
    العربية ثابتها رااااااائع الملفات على سرعات عالية وغرز ضيقة على سرعات عالية ولا اى كلام العربية بتسد جدا
    العربية طلعتها بطيئة شوية بس بعد كده بتطير بيتهيألى علشان وزن العربية
    التكيف بتاع العربية رائع بس بيأثر على السحب بشكل ملحوظ وخصوصا فى الطلعة بعد كده التاثير بيقل
    بس انا ملاحظ ان كل ما بمشى بالعربية الموتور اداءه بيتحسن حتى مع التكيف وسحب العربية بيزيد
    صاج العربية والدهان كويسين
    الفرامل كويسة جدا
    الازاز بتاع العربية فى تينت اخضر خفيف
    استهلاك البنزين متوسط 9 كيلو فى اللتر فى الزحمة وبالتكييف انا بشغل التكيف كتير
    صوت كمبروسر التكيف مسموع جوا الكابينة لو مش مشغل الكاسيت لان انت بتبقى قافل الازاز وسامع اى حاجه جايه من جوا الكبوت
    عافشة العربية ناشفة وبتحس بيها فى الحتت المكسرة اوى بس العفشة بتستحمل البهدلة ومدية العربية ثبات راااااااااااائع
    العربية عالية عن الارض وعمرى ما عرضت العربية علشان اخد مطب حتى وانا محمل
    انا عملت حوالى 7000 كيلو بالعربية وقربت على صيانة العشرة
    العربية اتخبطت مرتين فى اول شهر وعملت الخبطتين فى ورشة كريم منيرعملتهم ب2400 سمكرة ودوكو خامات سكينز المانى شغلهم جامد جدا هتشوفوا الصور و بعد كده حكة بسيطة فى الاكصدام الخلفى الحمد لله قدر الله وماشاء فعل وعلى فكرة انا دبحتلها بس الحمد لله مادام كله فى الصاج مش مشكله
    ان شاء الله قريب اركب ريموت كونترول مهم جدا ومريح

    المشاكل اللى قابلتنى لحد دلوقتى الكلاكس بقى تقيل شوية من على الجنب لازم ادوس فى النص والبكرة اللى بتعلى وطوطى الصوت لام اقرص عليها طبعا هقولوهم على الحاجات فى فى صيانة ال 10000
    فى المجمل العربية رائعة فى حدود سعرها لحد دلوقتى وكل ما العربية بمشى بيها بنبسط بيها اكتر وفعلا فعلا ركوبة حلوة غير الفيرنا والانوس واللوجان
    اى سؤال انا موجود هلشان لو نسيت أقول حاجه أخوكم محمد صلاح
    دول شويت الصور اللى موجودين معايا














    ودى صور الخبطات


    ده اكصدام نقل تقيل ريح عليا وبهدلى الباب على فكرة الباب اتسمكر ومتغيرش
    والازاز اتكسر جبته من التوكيل ب 132 جنية بالضريبة


    الخبطة دى جايه فى البابين اليمين موتوسيكل بى ام بتاع الشرطة بس هيا مش كبيرة اوى الصورة بس معمول عليها زووم

    ودى حكة بسيطة انتو عارفين بقى الميكرباصات بتعمل ايه


    ودى صورة العربية بعد متعملت

    [COLOR="Indigo"][CENTER]مكنة ماليزى.......[/CENTER][/COLOR]

    [CENTER][img2]http://1.bp.blogspot.com/_SNkWnLsVgus/R6v-l0vcQHI/AAAAAAAAAcY/Q23HsQ9nFEM/s320/Waja_CPS_Preview_1.JPG[/img2][/CENTER]

  • #2
    ربنا يديك خيرها و يكفيك شرها ..و مشكور علي تعبك في التقييم

    Comment


    • #3
      بسم الله ما شاء الله
      ربنا يديك خيرها
      اقوى واغلى 10 اسلحه بالعالم
      http://technology-mmm.blogspot.com/
      http://imageshack.com/a/img850/6764/4fdl.jpg

      Comment


      • #4
        ما شاء الله ربنا يباركلك .
        [CENTER][SIZE="3"]الحمد لله[/SIZE][/CENTER]

        Comment


        • #5
          بصراحة تقرير جميل جدا منك
          تسلم ايدك
          وربنا يباركلك فيها ..

          Comment


          • #6
            مبروك عليك بس انت قلبك جامد انك تحط فلوسك فى عربيه صينى

            Comment


            • #7
              المشاركة الأصلية كتبت بواسطة hossam_elwani مشاهدة المشاركة
              مبروك عليك بس انت قلبك جامد انك تحط فلوسك فى عربيه صينى
              هى بصراحة عربية حلوة وفلوسها فيها يعيبها فقط عدم انتشار قطع الغيار ولكنها موجودة وسعر اعادة البيع هى بالنسبة لأولوياتى ثفقة ناجحة
              [COLOR="Indigo"][CENTER]مكنة ماليزى.......[/CENTER][/COLOR]

              [CENTER][img2]http://1.bp.blogspot.com/_SNkWnLsVgus/R6v-l0vcQHI/AAAAAAAAAcY/Q23HsQ9nFEM/s320/Waja_CPS_Preview_1.JPG[/img2][/CENTER]

              Comment


              • #8
                الف مبرووك على العربية الجديدة
                وبصراحة اكتر عربيتين بحترمهم هما الfrv وال M11 اسبرانزا
                بما ان كان معاك جين2 كنا محتاجين مقارنة من كل حاجة
                eng f3lix سابقا

                Comment


                • #9
                  المشاركة الأصلية كتبت بواسطة eng f3lix مشاهدة المشاركة
                  الف مبرووك على العربية الجديدة
                  وبصراحة اكتر عربيتين بحترمهم هما الfrv وال m11 اسبرانزا
                  بما ان كان معاك جين2 كنا محتاجين مقارنة من كل حاجة
                  الله يبارك فيك
                  بس انا مكنش معايا جين2
                  انا كان نفسى اجيب جين2 ومعرفتش علشان الفلوس
                  [COLOR="Indigo"][CENTER]مكنة ماليزى.......[/CENTER][/COLOR]

                  [CENTER][img2]http://1.bp.blogspot.com/_SNkWnLsVgus/R6v-l0vcQHI/AAAAAAAAAcY/Q23HsQ9nFEM/s320/Waja_CPS_Preview_1.JPG[/img2][/CENTER]

                  Comment


                  • #10
                    ربنا يديك خيرها و يكفيك شرها ..و مشكور علي تعبك في التقييم
                    [CENTER][SIGPIC][/SIGPIC] [/CENTER]

                    meshmesh78 سابقا

                    Comment


                    • #11
                      شوية حاجات نسيت اتكلم عنها
                      العربية مش واسعة ومش ضيقه اوسع من الفيرنا وأضيق من السبرانزا والاوبترا
                      شنطة العربية واسعة وحلوة
                      فى تحت الكراسى فتحات للتكيف علشان تجيب هوا التكيف للكنبة اللى ورا مش عارف دى موجودة فى كل العربيات ولا لا بس هى عجبتنى
                      الكاسيت بيشتغل usb and aux
                      الكاسيت فى عيب رهيب مبينقلش بين الفولدرات بينقل بين التراكات بس حاجة خنيقة جدا بس زى مقولت صوته حلو
                      [COLOR="Indigo"][CENTER]مكنة ماليزى.......[/CENTER][/COLOR]

                      [CENTER][img2]http://1.bp.blogspot.com/_SNkWnLsVgus/R6v-l0vcQHI/AAAAAAAAAcY/Q23HsQ9nFEM/s320/Waja_CPS_Preview_1.JPG[/img2][/CENTER]

                      Comment


                      • #12
                        أخر تفويلة عملت تقريبا 10 كيلو فى اللتر وسط البلد مع استخدام بسيط للتكيف 47 لتر عملو حوالى473 كيلو
                        [COLOR="Indigo"][CENTER]مكنة ماليزى.......[/CENTER][/COLOR]

                        [CENTER][img2]http://1.bp.blogspot.com/_SNkWnLsVgus/R6v-l0vcQHI/AAAAAAAAAcY/Q23HsQ9nFEM/s320/Waja_CPS_Preview_1.JPG[/img2][/CENTER]

                        Comment


                        • #13
                          الف مبروك السياره ماشاء الله هايله .
                          :36_2_55[1]:

                          Comment


                          • #14
                            بجد مجهود رائع وربنا يحفظك انت والسيارة من كل سوء
                            geologist the best
                            [img3][url=http://www.nileup.com//uploads/images/domain-de0ba7fc14.jpg][img]http://www.nileup.com//uploads/images/domain-de0ba7fc14.jpg[/img][/url][/img3]]:verygood:

                            Comment


                            • #15
                              عملت معاك كام يا هندسة ... سعرها قصدى كام كاش ولو قسط برضو القسط والمقدم وكدا لو تعرف يعنى :)

                              Comment

                              Working...
                              X