((((( البريـــــــــــليانس كــــــــــــــروس ))))))))

[DR.NANO]

السلام عليكم ورحمة الله وبركاته

يا جماعة كنت عايزة اسأل هل البريليانس frv كروس
مش موجودة فعلا فى مصر

سمعت ناس قالت كده
وكمان زوجى سأل عليها ف اسكندرية
مش لاقيها

ولما سأل ف المصرية فى جرين بلازا
قالوا ان جايلهم البريليانس frv العادية مش الكروس

هل فعلا مش موجودة ولو موجودة
ياريت حد يقولنا فين بالظبط

ولو فى اى ارقام تليفونات او عناوين
بعد اذن حضراتكم
تساعدنا

وفى النهاية نحب نعرف برضه
ارائكم فى البريليانس الكروس

ولكم جزيل الشكر

[DR.NANO]

سبحان الله وبحمده

[samovich_5v]

الكروس موجودة انا شوفتها كتير فى الشوارع فى القاهرة .. العادية المانويل فى المصرية بـ 75 الف جنيه زيادة عن التوكيل 5الاف جنيه و الاتوماتيك بـ 86 الف جنيه زيادة 4 الاف جنيه طبعا كتير جداااا انا عندى استنى الـ 3 شهور احسن

[احمد نور الدين]

عذرا للتاخير في الرد الكروس موجودة عند البافارية في المعرض الرئيسي اللي في الاتوستراد عند كوبري 4.5 وكمان موجودة عند معرض عربيات في المهندسين امام مسجد الحامدية الشاذلية وحاليا بتتباع باوفر برايس الفين جنيه تقريبا وهي عربية حلوة
انا شايف من وجهة نظري ان فرق الفلوس مش مستاهل اوي بين الكروس وبين العادي يعني لو الميزانية محددة يبقي مفيش داعي للكروس لكن لو المداديات مش فارقه اوي يبقي شكل ومنظر احسن وبالتوفيق لحضرتك ولزوجك في شراء السيارة يارب

[khaledazizeg]

الكروس موجودة عند البفارية وعندهم منها المانيوال والاتوماتك
بالنسبة للسعر للاسف مش متذكر وبالنسبة للعربية هيا هيا ال frv بفارق الكماليات والشكل الخارجى

[momo2003]

وكيل بريليانس في الاسكندرية الشركة المصرية الأوروبية بجوار البافارية قبل الموقف الجديد حضرتك ممكن تشتريها من هناك

[hazemrageh]

El Cross 3arabia momtaza we momken tekalemy 3arabiat 3alla 16106 ana eshtarait el galena men henak we elly kan beyt3amel ma3aya 7ad mo7taram gedan 2esmo Mohamad Hassan momken tes2ally 3alieh we testafssary 3an kol 7aga we 3alla fekra howa 7ay2ollek el se3r el rassmy we se3r el tasleem el fawry


Arkam 3arabiat
16106
33444970
33444971
33444972

[nouranwar]

لسه سائل عليها النهاردة جنب معرض رمسيس هيونداي في الابراهيمية ابو قير ب 97,000 الاوتوماتيك

[Mostafa Hessen]

اعزائى اى حد ممكن يشترى ال FRV
وتتعدل زى الكروس
مفيش فرق غير فى الشكل
غير ان ال RFV ممكن تلاقى منها 1600cc
بالتوفيق

[cheetos_back]

العربية الكروس الاوتوماتيك بالتوكيل تمنها 89000 جنية وهو موجود بالقاهرة بتوكيل البافارية بالقرب من الكيلو 4.5 بس الاستلام بعد شهرين بالتقريب اما بالاسكندرية عند رمسيس بالابراهمية علي شارع ابو قير بتتباع ب 93000 جنية