ندااااااااااااء الي كل رجالة البريليانس اتحدوا

[احمد نور الدين]

انا كتبت الكلام ده في موضوع تاني للعضو DORY 52 لكن حبيت اكرره تاني لان فعلا لازم نتحرك ونتطور انا بجد بطلب من كل رجالة البريليانس انهم يشاركوا علشان نحسن القسم ونرفع مستواه رجالة النيسان - مع الاحترام الكامل احنا مش اقل منهم لكن همه خططوا ونفذوا واحنا عايزين ننفذ فعلا دي مقترحات مني لتطوير القسم واللي عنده جديد يقول وان شاء الله هانتطور ونتحسن لان ده في النهاية بيفدنا كلنا

من وجهة نظري القسم محتاج الاتي
1- مشرف ومنسق قوي ومتابع وعلي صلة بالبافارية يقدر ينظم المواضيع ويفيد الاعضاء - بقالنا فترة بنطالب بتثبيت تقرير الجالينا لانه مفيد جدا ولا حد بيرد علينا للاسف واللي مكنتش عايز اقوله اني كلمت الاستاذ كريم منير في الموضوع ده وقالي القسم ليه مشرف لكن معرفش ليه مبيردش علينا

2- زيادة الاتقان والتفصيل في التقارير والمواضيع ودعمها بالصور والتجارب الشخصية

3- التفاعل المستمر بين الاعضاء وتبادل الخبرات

4- التواصل الشخصي بينا يعني نتقابل ونتعارف مش بس معرفة علي النت لان ده من اهم اسباب قوة قسم نيسان كمثال يحتذي به

5- فتح قنوات اتصال حقيقية مع التوكيل ومع التجار المحترمين والتواصل معاهم لخدمة الاعضاء بعروض ومميزات حقيقية

6- القسم من الناحية الفنية مش محتاج حاجه تقريبا لان ما شاء الله طرازات البريليانس كترت وتنوعت وياريت بس نغطي الطرازات الجديدة صح بتقارير قوية وانا بفكر الاستاذ مدحت البلبيسي بتقري ال v 5 مفصل

7- تخصيص جزء من نشاط القسم والاعضاء للاعمال الخيرية لزيادة المودة وخدمة المجتمع

8- اجراء مسابقة شهرية او ربع سنوية لافضل تقرير واكثر عضو مساهمة وتحديد جوائز ولو رمزية لتحفيز الاعضاء علي المنافسة والمشاركة

9- الاعضاء اللي ليهم اصدقاء او اقارب معاهم برليانس يشجعوهم انهم ينضموا للمنتدي

10- عمل مسابقة او تنافس لاجمل سيارة بريليانس من حيث الشكل والتظبيط والتعديلات وخلافه واعتقد ان ملاك FRV & FSV هما الاقدر علي كده لان عربياتهم تقبل التعديل والتظبيط واعتقد ان V5 كمان تقبل

11- مرة تانية مشرف و منسق للقسم يكونوا بجد حابين القسم وعايزين يحسنو منه

وربنا يسهل اولا واخيرا

[احمد نور الدين]

حبيت اقولكم حاجة تانية علشان تحفزكم للاسف انا دخلت علي منتدي سيارات تاني مشهور جدا ومعروف بس مش هاقول اسمه ولقيت ان المواضيع اللي احنا بنعملها ونتعب فيها بتتنقل نقل مسطرة مش عايز اقول لفظ تاني وناس بتنسبها لنفسها وبيكتبوا للامانه منقول وبياخدوا مجهودنا لكن اللي يغيظ اكتر ان المشاركات هناك اكتر واقوي علي المواضيع بتاعتنا طيب ليه احنا منشاركش في حاجتنا بنفسنا احسن ما غيرنا بياخدها ويستفيد بيه اكتر مننا ؟؟؟؟؟؟؟؟؟!!!!!!!!!!!!!!!!

[hazemrageh]

Mowafe2 gedan 3alla ektera7at we 3andy el este3dad lel mosahma bekadr el emkan
we alf shokr 3alla maghodatak ya ahmad

[dory52]

انا حبيت ارد هنا بدل عندى فى الموضوع ... انا والله نفسى بجد نتحسن وان شاء الله انا اول ماستلم عربيتى بعد 3 شهور زى ما التوكيل قالى هعمل تقرير مفصل عن fsv at gls وهاقول اقتراحاتى لتظبيطها ...وارجو لكل الناس اللى بتقرا الموضوع انه ميستهترش لان ممكن كلمة حضرتك او رأى حضرتك ممكن يكون انقاذ لواحد كان هيدخل هيقرر انه يشترى عربية او لا ء ...وممكن مساعدتك دى يدعيلك عليها وتبقى حسنة ليك فى الاخرة ...
والف شكر للاستاذ أحمد نور الدين على مشاركته ليا فى موضوعى والتماسه من الادارة تغيير مضمون وشكل هذا القسم والتدخل السريع لانقاذ مايمكن انقاذه ...وشكراااا

[bassem.naguib]

أحييك يا أستاذ/ أحمد على حماستك للموضوع وغيرتك على المنتدى .. وإن شاء الله يكون القادم أحسن .

[Karim_Monir]

شكرا لغيرتك الواضح استاذ احمد
احب اعرفكم ان استاذ bassem.naguib بقي منسق الصيني كله :-)
وهايختار منسق مساعد منكم هايكون مسئوليتة قسم برليانس معاه يرتبه
والكلام ده هايكون في كل اقسام الصيني
ملحوظة عشان السرقة
محدش يعمل اي موضوعات من غير ما تترفع الصور بتاعتها على موقع الرفع الخاص بينا عشان ينزل عليها لوجو المنتدي
nileup.com
تحياتي

[hammoda]

تحياااااااتى احمد بية

انا عندى الجالينا من حوالى 3 سنين ودايما بتصفح القسم ببقى زعلان انة نايم ودة لاهمال الوكيل للماركة اللى مش عارف يعملها صيت شوف غبور هيبيع الe7ازاى على حس الدعاية لكن انا متفائل الايام الجاية بريليانس بدات تنتشر بسبب الوديلات الجديدة اللي لو نزل سعرها 10000 بس صدقنى مبيعات الكيا والهيونداى هتنزل

[Samah AbdAllah]

بعد اذنك يا كريم
يكون لبرليانس منسق واسبرنزا كمان
باسم منسق الصينى هيساعد كافة منسقى اقسام الصينى على الارتقاء باقسامهم والتعرف على مهام التنسيق ودور المنسق
ويتبادلوا مع بعض الخبرات والاراء والموضوعات المفيدة لكل الاعضاء

[bassem.naguib]

أنا ملقتش ردود كفاية من أعضاء ومالكي ومحبي البريليانس على الموضوع ده خااااااااااااااااالص .. وكأن اللي بيخش في القسم ... بيخش ويكتفي بالمشاهدة فقط أو علشان يطلع ليه بمعلومة والسلام ختام .

على حين أن خير الناس هو أنفع الناس .. وأحنا في منتدى سيارات 95% من محتواه عن السيارات وتقيماتها وعيوبها ومزاياها .. أيه مش حابين الماركة اللي أنتم راكبينها ولا أيه ؟!! هههههههههه

فعلاً القسم محتاج تنشيط أكتر من كدة .. ومحتاج مشاركات بأراء وتجارب وخبرات وأفكار ومشاكل وحلول ووو إلخ ..

لو أي عضو فكر أنه يعمل مشاركة أو موضوع وفاكر أن كلامه مش مهم .. فهو بالتأكيد خاطي لأن المشاركة دي ممكن تكون مهمة وغير معلومة لأخرين .. ومن خلالها أيضاً بيتم فتح مناقشات أخرى قد تكون مش معلومة لصاحب المشاركة اللي افتكر أنها مش مهمة ..

تحياتي لرجالة البريليانس .. وهمتكم معانا للنهوض بالقسم .. وعاوز أشوف أرائكم واقتراحاتكم .. ويا ريت لو فيه ترشيحات لأحد الأعضاء أنه يكون منسق للقسم .. وحبتدي بنفسي أني ممكن أرشح أ/ أحمد نور الدين بصفته صاحب المبادرة للنهوض بالقسم وأحياءه مرة أخرى .

[Karim_Monir]

موافق طبعا يا مدام سما
باسم انا معاك في ترشيحك
عقبال باقي الاقسام
ونشوف نهوض التنين الصيني :-)

[MARYJOJA]

وأنا معاكم يا جماعة وأنا لسة مستلم ال fsv ألأوتوماتيك قبل العيد وان شاء الله أكمل ال1000 كم وأعمل تقرير مفصل عنها وربنا يقدرنا جميعا على فعل الخير وتعميم الفائدة .

[احمد نور الدين]

ما شاء الله ما شاء الله الاستاز كريم منير والاستاذ باسم والاستاذة سما وسباب البريليانس موجودين معانا الحمد لله انا كده عندي امل اننا ان شاء الله نتطور ونتحسن احب اولا اني اشكر الادارة علي الاهتمام والمتابعة السريعه والجميلة ويارب زي ما الادارة اتجاوبت احنا كمان كاعضاء نشارك ونحمس بعضنا ياريت يا شباب غير الامنيات الطيبة نبدا شغل احنا لو بصينا لقسم النيسان -- مش رخامة والله - لكن انا بحترم القسم ده لانه قسم ناجح وان شاء الله نبقي انجح بتنافس شريف وجميل معندهمش غير عربية واحدة تقريبا اللي هيه الصني وبعدها النيو صني عربية واحدة وما شاء الله عاملين عليها احسن شغل احنا عندنا frv - fsv- galina splendor , H530 - v5 ست عربيااااااااات يعني لو ناوينا نشتغل هانعمل احسن حاجه ان شاء الله

وعايز اقول للاعضاء المحترمين زي ما الاستاذ باسم قال متستهونش باي معلومة هيه بالنسبالك بقت عادية لانك عرفتها لكن ممكن تكون بالنسبة لغيرك مهمة جدا جدا ومتستخسرش تعمل تقرير مهما كان بسيط

يعني مثلا ركبت فرش جديد صور العربية قبل الفرش وبعده وقلنا ملاحظاتك عليه ومميزاته وعيوبه وعملته فين واييه تقييمك للمحل او المكان ده

عربيتك جنط معدن وركبت جنوط اسبو صورها قبل وبعد وقلنا اخبار الجنوط ايه وفرقت في الثبات ولا مفرقتش اوي وكلفتك قد ايه ونصايحك للي عايز يركب جنوط

عربيتك - بعد الشر - عطلت او حصل فيها مشكلة مهما كانت صغيرة احكيلنا اتصرفت ازاي وصلحتها فين وهل قابلت صنايعي او ورشة قالك علي عيب غلط واشتريت قطعة الغيار منين ورايك فيها ايه

رحت التوكي وعملت الصيانه احكيلنا رحت امتي والمعاملة شكلها ايه وطلباتك اتعملت ولا متعملتش وانطباعك عن التوكيل

اتعاملت مع محل قطع غيار في شارع دمشق مثلا ولقيت حاجته كويسة عرفنا نستفيد منه او لقيته غشاش وحاجته سيئه واغالي انصحنا علشان نبعد عنه

حصلك موقف علي الطريق سواء كان ظريف او - بعد الشر - مش لطيف قلنا حصل فين وازاي علشان نتشارك معاك ولو حاجه مش لطيفة ناخد بالنا منها

وووووووووووووووووووووووووووووووووووووووووووووووووو وووو


حاجات كتير ممكن نعملها ودايما خلي في بالك انت بتعمل خدمة لغيرك بدون مقابل ولا رد لكن علشان تفيد غيرك وممكن غيرك يفيدك باللي متعرفوش ونتعاون في الخير دايما يارب

يلا بقي يا وحوش البريليانس ورونا الشغل علي حق

[احمد نور الدين]

وأنا معاكم يا جماعة وأنا لسة مستلم ال fsv ألأوتوماتيك قبل العيد وان شاء الله أكمل ال1000 كم وأعمل تقرير مفصل عنها وربنا يقدرنا جميعا على فعل الخير وتعميم الفائدة .

الف مبروك العربية وربنا يديك خيرها ويبعد عنك شرها ومستنين التقرير بس ايه رايك لو تعمل تقرير الاستلام الاول وبعدين تقرير الصيانة؟؟

[zekuso]

انا بحى الاستاذ احمد نور الدين و الاستاذ باسم و كريم و الاستاذة سما على الاهتمام و النهوص يالقسم ليرتقى لمستوى الاقسام النشطه فى المنتدى و يرايت الاعضاء تتكتف و تندمج معنا لاننا ليس اقل من اقسام اخرى و بطرح سؤال بيدور الان فى المهتمين بالسيارات ايه رايئكم فى السيارة جيلى اميجراند لان فية ناس كتير بتقوال انها حتغطى على السيارات الصينى لان تقفلها حا يكون فى مصر علما باننى اعتز جدا و مقتنع كامل الاقتناع بالسيارة برليانس التى احبها جدا و اكن كامل الاحترام لوكيلها و ان كنت اعيب غليها فى التاخير فى و صوال الدفعات و التى قد لا تكون فى صالح السيارة او مقتنيها

[bassem.naguib]

انا بحى الاستاذ احمد نور الدين و الاستاذ باسم و كريم و الاستاذة سما على الاهتمام و النهوص يالقسم ليرتقى لمستوى الاقسام النشطه فى المنتدى و يرايت الاعضاء تتكتف و تندمج معنا لاننا ليس اقل من اقسام اخرى و بطرح سؤال بيدور الان فى المهتمين بالسيارات ايه رايئكم فى السيارة جيلى اميجراند لان فية ناس كتير بتقوال انها حتغطى على السيارات الصينى لان تقفلها حا يكون فى مصر علما باننى اعتز جدا و مقتنع كامل الاقتناع بالسيارة برليانس التى احبها جدا و اكن كامل الاحترام لوكيلها و ان كنت اعيب غليها فى التاخير فى و صوال الدفعات و التى قد لا تكون فى صالح السيارة او مقتنيها

ربنا يخليك يا فندم .. بس يا ريت يكون القسم أنشط من كدة فعلاً .. لأني حاسس أنه أقل قسم في الصيني كله من حيث النشاط .. مش عارف ليه ؟! هل ملاكها ومحبيها قليلين .. ولا بيكسلوا يكتبوا مواضيع ويعملوا مشاركات .. وربنا يسهل إن شاء الله والأمور تكون أفضل بعد ترشيح منسق للقسم ويقدر يفعله أكتر من كدة .

بالنسبة للامجراند .. سيب الأيام هي اللي تحكم .. وإن كنت أتوقع أنها حتنتشر انتشار كبير مثل مثيلاتها اسبرانزا وبي واي دي .. وأنتظر تقرير كامل متكامل وشافي لكل الأجوبة عن الامجراند في خلال اليومين القادمين إن شاء الله .. وحينزل في قسم الصيني العام .