بريليانس v5

[AHMED_HAMDY]

مساء الخير على كل الاعضاء المحترمين في القسم

ليا سؤال واتمنى الاقي اجابه وافيه

عارف ان السؤال اتكرر بجد

والدي بيفكر نجيب بريليانس v5 بس المشكله اني مش لاقيها في اي معرض في الزقازيق او اتفرجت عليها
غير وهيا ماشيه كام مره


فعايز اعرف من اي حد من ماليكيها او شافها في معرض يقول على كل حاجه بعد التجربه

العفشه مثلا ناشفه ناعمه

سحب العربيه والتجميع والسرعه القصوى

الشاشه مثلا شغاله دي في دي ولا بيحسب الرحلات بس ومش شغال خرايط وكل حاجه

التقفيل العام للعربيه

يا ريت كل حاجه يوضحها بس بتجربه


وشكراا واسف على الازعاج

[AHMED_HAMDY]

معلشي سؤال اخر
االي نازله وشايفينا موجوده ده موديل 2012 ولا 2013

ولو 2012

مووديل 2013 نفس الشكل وكل حاجه ولا فيه اختلاف ؟؟

[احمد نور الدين]

جاري البحث والافاده

[AHMED_HAMDY]

شكراااا على ردك استاذ احمد نور الدين

ولو سؤال اخير شوفتك رادد عليه ازاي بتقارن ارتفاع ال v5 بالكارينز وحضرتك كنت كاتب فرق الارتفاع بسيط

بس على الطبيعه بحس ان الفرق اكبر من كدااا كثييررر

[مدحت البلبيسى]

ا/احمدنور الدين كل سنة وانت طيب على فكرة انا شرقاوى وقريب منك دة رقمى ياريت تبعتلى رقمك 01000989814انا عاوز افيد الناس بتقرير عن v5لانها عربية تستاهل بجد تحفة وبعد5000كيلو بس الظروف

[AHMED_HAMDY]

انا احمد حمدي اللي بسئل
والاستاذ الفاضل احمد نور الدين منسق القسم هنا في بريليانس :d :d

والله شكرا لزوقك وانا مكسوف جدا وكنت عايز ابعتلك رساله بس اما رديت على حضرتك في موضوع الحادثه وزعلتلك بجد وكنت بدعيلك والله العظيم فانكسفت ارسلك رساله واطلب منك التقرير

بس لو تسمح بص على الرسائل لو تكرمت

[احمد نور الدين]

الاستاذ احمد حمدي والاستاذ مدحت كل سنة وانت طيبين وفي احسن حال

بالنسبه للارتفاع وددي معلومه من الاستاذ باسم بشكره عليها

الكارينز اعلي من البريليانس بتلاته سنتي بس ده علو السيارة بالكامل يعني السقف والسقف

اما الارتفاع عن الارض وجسم السيارة من تحت -- اللي هوه المهم في المطبات - - فالبريليانس اعلي بحوالي اتنين سنتي تقريبا

استاذ مدحت ربنا يعينك بس بجد بجد

الشعب يريد التقرير

[AHMED_HAMDY]

استاذ مدحت هوه اللي جابه لنفسه

انا بقى اللي هعمل التقرير من مقابلتي للشخصيه المحترمه دي بجد

[مدحت البلبيسى]

:_alshmokh15[1]:

استاذ مدحت هوه اللي جابه لنفسه

انا بقى اللي هعمل التقرير من مقابلتي للشخصيه المحترمه دي بجد

ا/احمد حمدى او ا/احمد نور الدين انا سيبت رقمى عشان اقدر اقابل حد فيكم ويجرب ويشوف العربية واقولة على كل حاجة ويصورها كمان ويعمل التقرير المفصل معلش اعذرونى بجد عندى ظروف يمكن حتى انا بكتبلكم من الموبايل معلش الكل يعذرنى انا من فاقوس شرقية دكتور ومدير بشركة ادوية وانا يوم فى اسماعيلية يوم فى السويس وبورسعيد والزقازيق وغيرها ويااحمد حمدى الى شوفتها فى الزقازيق بيضاء دى عربيتى مافيش غيرها ويمكن فى الجامعة كمان لانى بنزل مخازن الجامعة ويسعدنى اتصال احدكم ومقابلتة لضيق وقتى وظروفى الاخرى الخاصة اعذرونى فى عدم كتابة التقرير والصور

[AHMED_HAMDY]

خلاص انا هكلمك حضرتك في اقرب وقت وان شاء الله اشوفك على خير باذن الله

وانا شوفت حضرتك كنت طالع فعلا من الجامعه ودخلت مره المعلمين تقريبا انا هتصل بحضرتك بكره ان شاء الله وارتب معاك ونتقابل باذن الله انا ساكن في حي الزهور على فكره قدام الجامعه من الناحيه الثانيه من نادي الشرطه

[احمد نور الدين]

خلاص انا هكلمك حضرتك في اقرب وقت وان شاء الله اشوفك على خير باذن الله

وانا شوفت حضرتك كنت طالع فعلا من الجامعه ودخلت مره المعلمين تقريبا انا هتصل بحضرتك بكره ان شاء الله وارتب معاك ونتقابل باذن الله انا ساكن في حي الزهور على فكره قدام الجامعه من الناحيه الثانيه من نادي الشرطه

كلام جميل ورائع واشكركم يا جماعه علي روح التعاون

وربنا يعينك يا استاذ مدحت علي الظروف اللي انت فيها

سعيد اني اتعرفت علي شراقوة زي حالاتي وكمان جيران


اتمني بجد ان روح التعاون والمشاركه دي تبقي في القسم كله

[AHMED_HAMDY]

استاذ احمد والله اسف مش خد بالي انك كاتب العاشر

يعني دحنا جيران ولو نزلت يا ريت نبقى نشوفك يا رب في الزقازيق

واستنى مني التقرير ان شاء الله يكون كامل ووافي لو قابلت الدكتور مدحت قبل حضرتك

[مدحت البلبيسى]

استاذ احمد والله اسف مش خد بالي انك كاتب العاشر

يعني دحنا جيران ولو نزلت يا ريت نبقى نشوفك يا رب في الزقازيق

واستنى مني التقرير ان شاء الله يكون كامل ووافي لو قابلت الدكتور مدحت قبل حضرتك

ان شاء الله بكرة ياجماعة هقابل البشمهندس احمد حمدى وهاخلية يصور العربية ويجربها واقولة على كل حاجة من ساعة مااشتريت لحد النهاردة داخل على 6000كيلو بالتفصيل وهوة كتر خيرة هيعمل مشكورا التقرير بالتفصيل بعد ماكلمتة النهاردة نظرا للظروف الى عندى وعدم اتاحة الوقت للكتابة عذرا احب اقلكم فى بلدى فاقوس دلوقتى بس فى منها4 والزقازيق 3 وشوفت 2 فى بورسعيد و1 فى راس ابر و5 فى القاهرة وكان معايا فى صيانة 2000 ست عربيات من مناطق مختلفة انتظروا التقرير ودعواتكم لينا وكل سنة والكل بخير وعافية يارب وا/احمد نور لازم هنتقابل وانا لونزلت العاشر هكلمك بس ياريت تبعتلى رقمك وشكرا تحياتى للجميع

[ahmedaliahmed]

بريليانس

انا معايا بريليانس v5 مين الوكيل مش البفاريا ده كله كدب وبعدين العربيه فيها عيوب كتير خاصه فى الفتيس ورحت الصيانه للبفاريا لاقيت مهندس بيقولى ان الوكيل مش البفاريا وقررت ان اكتب ليككم علشان الاستاذ مدحت او الاستاذ ياسر اللى كاتب التقرير على العربيه يرد عليا

[wensh79]

طيب لو سمحت تقول على المشاكل اللى فى العربية و كمان مين الوكيل بتاعها لما البافاريا مش الوكيل