إعـــــــلان

Collapse

.

,
See more
See less

كيفية تغيير فلتر الهواء والتكييف للسيارة frv...مصور

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • كيفية تغيير فلتر الهواء والتكييف للسيارة frv...مصور

    السلام عليكم ورحمة الله
    أحبابى اعضاء منتدى البريليانس
    وبناءا لدعوة الأستاذ باسم منسق القسم الصينى
    والأستاذ أحمد منسق قسم البريليانس
    بتطوير القسم وطلبهم بشرح تغيير فلتر الهواء والتكييف
    فأنا مش حقدر اتأخر عنكم وححاول اقدم الموضوع بشكل بسيط وياريت يعجبكم وانا تحت امركم فى اى استفسار سواء فى الموضوع ده أو فى اى شئ يخص عربياتكم...

    أولا التقرير ده حيخدم السيارات 1600 بشكل اساسى سواء FRV أو FSV
    ثانيا الموضوع فعلا بسيط محدش يقلق ابدا العربيات دى متينه فعلا وده مش كلام
    ثالثا انا حاولت اوضح كل شئ على الصور لسهولة الأمر عليكم رغم سهولته
    رابعا ياريت مكنش ضيف تقيل عليكم استحملونى

    ندخل فى الموضوع
    احنا حنغير أو ننظف فلترين الهواء والتكييف وطبعا كل واحد وراحته وحالة الفلاتر


    دى صورة لأماكن الفلاتر اللى حنشتغل فيها..

    حنبتدى بإذن الله بفلتر الهواء
    وحتلاقيه على يمينك أول متفتح الكبوت وبيبقى متركب ب 4 مسامير يتم فكهم بمفك صليبه
    ومش حيتفكو للآخر يعنى مبيتخلعوش فكهم لغاية متحس انك بتفك على الفاضى



    زى الصورة دى


    بعد الفك حنرفع عمة الهواء بكسر العين وحنلاقى تحت العمة ايه مش شيخ حنلاقى فلتر الهواء


    وطبعا نقوم بتنظيفه لو حالة الفلتر كويسه ونراعى عند التنظيف انه يكون من الإتجاه العلوى للفلتر للإتجاه السفلى عن طريق البلاور او مسدس الهواء فى البنزينه



    على فكره موضوع تنظيف الفلتر أو تغيره ده بيفرق جدا فى السحب
    كما يراعى تنظيف الجزء الداخلى اسفل الفلتر بعد رفعه



    وبعد ذلك يتم تركيب الفلتر بعد تنظيفه أو تغيره مكانه وغلق عمة الهواء مره أخرى بالمسامير وبكده يبقى مبروك عليكم تغير الفلتر او تنظيفه ويتمتع الموتور بهواء نظيف ينعشه ويزيد السحب..

    ندخل بقه على فلتر التكيف
    وحتلاقيه على شمالك وانت فاتح الكبوت تحت المساحة
    فى جزء بلاستيك مثبت بمسامير يوجد باسفله الفلتر



    اول شئ حنلاقى فيه كاوتش بيحمى الموتور من ناحية الزجاج الأمامى ده حنرفعه لفوق من الناحية اللى حنفتح فيها للفلتر.
    ثانيا حنلاقى 3 مسامير حنقوم بفكهم بمفك صليبه ورفع الجزء البلاستيك من الأمام وسحبه للخارج
    وبكده يبقى فكناه


    تحت الجزء ده حنلاقى علبه مقفولة تحتها الفلتر


    حنقزم بفك مسامرى تثبيت العلبة من اعلى ويتم سحب الغطاء للخارج مع رفعه لأعلى قليلا وهذا لوجود ذراعين تثبيت من الداخل



    سنجد الفلتر ونقوم برفعه من مكانه لأعلى ثم يتم تنظيفه او تغيره حسب حالته
    يتم التنظيف بالبلاور او مسدس الهواء



    نراعى واحنا بنركب الفلتر اتجاه التركيب عن طريق السهم المبين على الفلتر لإتجاه التركيب
    كالصورة



    وبعد ذلك يتم تركيب الغطاء مع مراعاة احكامه من الداخل مع الذراعين اللى سبق الإشارة ليهم
    ودى صورة توضح احد الذراعين



    وبعد تركيب الغطاء نقوم بتركيب الجزء البلاستيك اسفل المساحه ونراعى وجود اذرع خلفه يتم احكامها تخت البربريز كالصورة



    وعند تركيبه يراعى تركيبه من الطرف الخارجى اولا ويتم مراعاة خرطوم مياه المساحات وايضا الأذرع لإحكامه بالبربريز



    بعد ذلك يتم تثبيت المسامير الثلاث مره أخرى فى اماكنها
    وتركيب الكاوتش فى مكانه مره اخرى



    وبكده يبقى انتهينا

    ياريت يكون الشرح واضح ومكنش طولت عليكم ولا زهقتو منى
    تقبلو تحياتى...
    [CENTER][SIGPIC][/SIGPIC] [/CENTER]

    meshmesh78 سابقا

  • #2
    مجهود رائع للغاية و أتشرف بأن أكون أول من يقدم تحية شكر و تقدير واجبة لهذا الشرح الوافى الدقيق و المفيد للكثير من الناس.
    وأود أن أسأل اٍذا كان ينطبق على الجالينا أيضا أم فقط على ال1600؟

    Comment


    • #3
      يا باشا كنتم فين من زمان والله عشرة علي عشرة تسلم ايدك انت خليت الموضوع في غاية البساطه والسهوله
      [FONT="Arial Black"][SIZE="4"]الحمد لله عدد ما كان وعدد ماسيكون والحمد لله عدد الحركات والسكون[/SIZE][/FONT]

      Comment


      • #4
        ما شاء الله
        مجهود رائع ..

        Comment


        • #5
          المشاركة الأصلية كتبت بواسطة el_lod_81 مشاهدة المشاركة
          مجهود رائع للغاية و أتشرف بأن أكون أول من يقدم تحية شكر و تقدير واجبة لهذا الشرح الوافى الدقيق و المفيد للكثير من الناس.
          وأود أن أسأل اٍذا كان ينطبق على الجالينا أيضا أم فقط على ال1600؟
          متشكر جدا على ردك
          انا اللى متأكد منه انه ينطبق على ال 1600 الجالينا مقدرش اديك رد فيها دلوقتى حدور وارد عليك.
          [CENTER][SIGPIC][/SIGPIC] [/CENTER]

          meshmesh78 سابقا

          Comment


          • #6
            المشاركة الأصلية كتبت بواسطة احمد نور الدين مشاهدة المشاركة
            يا باشا كنتم فين من زمان والله عشرة علي عشرة تسلم ايدك انت خليت الموضوع في غاية البساطه والسهوله
            شكرا يا أحمد بك المهم الناس تستفيد
            وعلى فكره الموضوع فعلا بسيط انا معملتش حاجه.
            [CENTER][SIGPIC][/SIGPIC] [/CENTER]

            meshmesh78 سابقا

            Comment


            • #7
              المشاركة الأصلية كتبت بواسطة احمد نور الدين مشاهدة المشاركة
              يا باشا كنتم فين من زمان والله عشرة علي عشرة تسلم ايدك انت خليت الموضوع في غاية البساطه والسهوله
              نورت بمرورك يا استاذ احمد
              تحت امركم
              [CENTER][SIGPIC][/SIGPIC] [/CENTER]

              meshmesh78 سابقا

              Comment


              • #8
                المشاركة الأصلية كتبت بواسطة s o p h o s مشاهدة المشاركة
                ما شاء الله
                مجهود رائع ..
                مشكووور على المرور الجميل
                [CENTER][SIGPIC][/SIGPIC] [/CENTER]

                meshmesh78 سابقا

                Comment


                • #9

                  هو ده التقرير اللي قلت حتعمله يا ريتنا ما طلبنا منك حاجة ... تقرير ضعيف وميتفهمش منه حاجة وغير منظم حتى الصور اللي فيه مش مبينه حاجة خالص ... يا ريتك ما عملته ولا تعبت نفسك فيه





























                  مش لاقي كلام غير أني أقول تسلم أيديك يا مصطفى باشا على التقرير الجامد ده .. ودي أقل حاجة ممكن أقولها .. ومجهود رائع من إنسان رائع .. بجد وبدون مبالغة استمتعت بقراءة التقرير ده .. تحياتي ليك يا كبير .






                  ونحن في انتظار المزيد من نوعية هذه الموضوعات الرائعة


                  [B][FONT=Comic Sans MS][SIZE=5][COLOR=Green]

                  [SIGPIC][/SIGPIC]


                  Life's too Short for the Wrong Job[/COLOR][/SIZE][/FONT][/B]
                  ziabassem سابقا

                  Comment


                  • #10
                    المشاركة الأصلية كتبت بواسطة bassem.naguib مشاهدة المشاركة

                    هو ده التقرير اللي قلت حتعمله يا ريتنا ما طلبنا منك حاجة ... تقرير ضعيف وميتفهمش منه حاجة وغير منظم حتى الصور اللي فيه مش مبينه حاجة خالص ... يا ريتك ما عملته ولا تعبت نفسك فيه :pointiy2[2]::pointiy2[2]::pointiy2[2]:





























                    مش لاقي كلام غير أني أقول تسلم أيديك يا مصطفى باشا على التقرير الجامد ده .. ودي أقل حاجة ممكن أقولها .. ومجهود رائع من إنسان رائع .. بجد وبدون مبالغة استمتعت بقراءة التقرير ده .. تحياتي ليك يا كبير .






                    ونحن في انتظار المزيد من نوعية هذه الموضوعات الرائعة


                    مشكور يا استاذ باسم وانا اسعدنى جدا ردكم والخضة اللى عملتها فيا
                    وصدقنى انا تحت امركم فى اى شئ
                    واتمنى اقدر افيد الكل بالمعلومات البسيطة اللى عندى
                    تقبل تحياتى وفائق تقديرى
                    [CENTER][SIGPIC][/SIGPIC] [/CENTER]

                    meshmesh78 سابقا

                    Comment


                    • #11
                      ربنا يخليك يا مصطفى باشا .. بس أيه رأيك في الخضة .. هههههههه

                      وأتمنى نشوفك ونشوف كل أعضاء بريليانس في المقابلة القادمة


                      [B][FONT=Comic Sans MS][SIZE=5][COLOR=Green]

                      [SIGPIC][/SIGPIC]


                      Life's too Short for the Wrong Job[/COLOR][/SIZE][/FONT][/B]
                      ziabassem سابقا

                      Comment


                      • #12
                        المشاركة الأصلية كتبت بواسطة bassem.naguib مشاهدة المشاركة
                        ربنا يخليك يا مصطفى باشا .. بس أيه رأيك في الخضة .. هههههههه

                        وأتمنى نشوفك ونشوف كل أعضاء بريليانس في المقابلة القادمة


                        http://www.nilemotors.net/Nile/320251-a.html
                        بخصوص الخضة ............حردهالك

                        والمقابلة ان شاء الله اجى
                        ومشكور على دعوتك الكريمة
                        [CENTER][SIGPIC][/SIGPIC] [/CENTER]

                        meshmesh78 سابقا

                        Comment


                        • #13
                          انا معايا frv cross 2013 صيانه 2000 كيلو والتكيف مش بيسقع اوى قالوا لى فى التكيف كده هو مظبوط بس انا حاسس انه مش بيسقع زى الدايو الاكانت معايا ايه السبب
                          ممكن تدلنى على السبب

                          Comment


                          • #14
                            المشاركة الأصلية كتبت بواسطة dahbhatem مشاهدة المشاركة
                            انا معايا frv cross 2013 صيانه 2000 كيلو والتكيف مش بيسقع اوى قالوا لى فى التكيف كده هو مظبوط بس انا حاسس انه مش بيسقع زى الدايو الاكانت معايا ايه السبب
                            ممكن تدلنى على السبب
                            اول شئ مبروك على العربية
                            ربنا يديك خيرها ويكفيك شرها
                            بخصوص التكيف فياريت توضحلى المروحه بتشتغل بشكل كويس ولا لأ
                            والهواء اللى بيطلع من الهوايا بارد ولا لأ
                            الشئ التانى مع الوقت وكل ما تمشى بالعربية الأداء حيتحسن للأفضل وايضا ده ينطبق على التكيف
                            ثانيا يفضل انك تخلى العربيه تسحب هواء من داخل العربيه ده بيحسن الأداء بشكل ملحوظ جدا
                            تقبل تحياتى
                            [CENTER][SIGPIC][/SIGPIC] [/CENTER]

                            meshmesh78 سابقا

                            Comment


                            • #15
                              الهواء الا بيدخل مش بارد اوى ويعنى اشغل الزرار بتاع الهواء الفرش والتكيف شغال

                              Comment

                              Working...
                              X