عربية ثلاث سنوات فقط

[amrrageb]

السلام عليكم ورحمة الله وبركاتة

النهاردة يا جماعة وانا بخلص فى frv اوتوماتيك صاحب المعرض معرفة نصحنى ابتعد عن العربية لية يا عم قالى العربية دى بتاعة 3 سنين فقط وبعدين بتظهر مشاكلها عيوب فى الكهربا ومش عارف عيوب فى اية واية .........زز بيبان الصينى يعنى

انا طبعا اتصدمت واتشتت ومش عارف اعمل اية انا دورت كتير قبل كدة على عيوب العربية دى وملقتشلهاش اى عيوب الا انى ملاحظ عربيات 2009 كتير بتتباع مستعملة مش عارف دا لية علاقة بالى قالهولى ولا اية للاسف او لحسن حظى مشترتهاش لحد دلوقتى ارجووووووووووووووووو ردوووود

[Land_Cruiser]

سؤال صغير بس : هو صاحب المعرض ده عنده العربيه و بيتكلم بناء على تجربه شخصيه و لا سمع من حد و لا قرأ الموضوع ده و لا ايه بالضبط؟ لازم حضرتك تبقى عارف الأساس اللى بيتكلم عليه علشان تقدر تقيم الكلام ده و بعدين اشمعنى ٣ سنين بالذات؟ انا مش مع و لا ضد لكن لفت نظرى الكلام المبهم ده. هو بصفه عامه اى عربيه فى الدنيا تعتبر من السلع المعمرة و بتبقى معموله علشان تقعد سنين بشرط المحافظة عليها و عمل الصيانات فى مواعيدها . طبعا ملاك العربيه افضل ناس يجاوبوا حضرتك فانتظر اراءهم بس انا حبيت أعلق على كلام أصحاب المعارض اللى احيانا بيكون كلام تسويقى و بالنسبه لموضوع البيع الكتير مش معناه برضه انه وحشه و من المعايير للحكم عليها سعر اعاده البيع هل هو كويس او سىء و كمان المفروض يبقى معروف كام عربيه اتباعت منها زيرو فمثلا لو موديل ٢٠١٢ اتباع منها زيرو مليون عربيه و بعد ٣ سنين هناك ١٠٠ الف باعوا دى لا تعتبر نسبه كبيره و المعلومه ى صعبه تتعرف و كمان اللى بيبيع مبيبقاش شرط انه بسبب عيب فى العربيه يعنى ممكن يبقى مسافر او بيجدد او اى سبب تانى و لذلك سعر اعاده البيع بيبين إذا كان عليها طلب و لا لأ

[abdo7000]

الصيني غير معمر يا باشا بخلاف الانواع الاخري اللي اثبتت جدواها وتحملها للطرق المصرية

[amrrageb]

سؤال صغير بس : هو صاحب المعرض ده عنده العربيه و بيتكلم بناء على تجربه شخصيه و لا سمع من حد و لا قرأ الموضوع ده و لا ايه بالضبط؟ لازم حضرتك تبقى عارف الأساس اللى بيتكلم عليه علشان تقدر تقيم الكلام ده و بعدين اشمعنى ٣ سنين بالذات؟ انا مش مع و لا ضد لكن لفت نظرى الكلام المبهم ده. هو بصفه عامه اى عربيه فى الدنيا تعتبر من السلع المعمرة و بتبقى معموله علشان تقعد سنين بشرط المحافظة عليها و عمل الصيانات فى مواعيدها . طبعا ملاك العربيه افضل ناس يجاوبوا حضرتك فانتظر اراءهم بس انا حبيت أعلق على كلام أصحاب المعارض اللى احيانا بيكون كلام تسويقى و بالنسبه لموضوع البيع الكتير مش معناه برضه انه وحشه و من المعايير للحكم عليها سعر اعاده البيع هل هو كويس او سىء و كمان المفروض يبقى معروف كام عربيه اتباعت منها زيرو فمثلا لو موديل ٢٠١٢ اتباع منها زيرو مليون عربيه و بعد ٣ سنين هناك ١٠٠ الف باعوا دى لا تعتبر نسبه كبيره و المعلومه ى صعبه تتعرف و كمان اللى بيبيع مبيبقاش شرط انه بسبب عيب فى العربيه يعنى ممكن يبقى مسافر او بيجدد او اى سبب تانى و لذلك سعر اعاده البيع بيبين إذا كان عليها طلب و لا لأ

كلامك جميل ياباشا بس انا زى ماقولت انا كنت مقتنع بالعربية جدا جدا لدرجة انى خلاص كنت بخلص ورقها وصاحب المعرض دة هوة برضو الى كان هيجبهالى وكنت واخد ميعاد 25 فى الشهر دة فا الاكيد ان كلامة نصيحة ليا فانا وقعت فى حيرة ومش عارف بصراحة اعمل اية

[S O P H O S]

طب فكرت فرينو Sandero ..

[moazamf]

حضرتك انا معى fsv من شهر 10 2010 انا عامل 42 الف كيلو والحمد الله لسة زى الزيرو انا بس بعمل الصيانات الدورية فى معادة وفى ناس كتير فى المنتدى معهم frv عاملين اكتر من 100 الف كيلو وماشتكوش من حاجة

[amrrageb]

طب فكرت فرينو sandero ..

فكرت حضرتك بس بصراحة تابلوة العربية معجبنيش خالص حتى معرفتش اقنع نفسى بيها

[amrrageb]

حضرتك انا معى fsv من شهر 10 2010 انا عامل 42 الف كيلو والحمد الله لسة زى الزيرو انا بس بعمل الصيانات الدورية فى معادة وفى ناس كتير فى المنتدى معهم frv عاملين اكتر من 100 الف كيلو وماشتكوش من حاجة

ربنا يباركلك فيها وانا مشفتش حد اشتكى منها بس كلام صاحب المعرض هوة الى فرملنى الفلوس مش بتيجى بالسهل

[taataas]

السلام عليكم
والله فكره ان العربيه الصبنى مش معمره و الكلام ده مش بحسه مع العربيه دى مع كل احترامى الشديد للعربيات الصينى الاخرى هى الينطبق عليها الكلام د البرليانس ملهااااش علاقه خالص بالعربيات الصينى الاخرى انا كل اليهمنى فى العربيه ثلاث حجات
1 موتمو العربيه ( لانسر بومه 2005 (1600) )
2 عفشه العربيه (العفشه المانى بالكامل و رياضية )
3 وكيل العربيه (طبعا لانقاش على البافاريا )
انا معايه frv 2009 عملا 80.000 العربيه الحمد لله زى الفل مش بشتيكى من حاجه جوهريه !!
كل الموجود حاجات طبيعيه جدا زى التيل و السيور و الفلاتر و الكلام الطبيعى
العربيه على الطريق جميله جدا سبات جميل التصارع بتعها عااقل جداولا هو مكسح و لا هبلا فى جريها
دى كل معلوماتى و تجاربى مع العربيه مع العلم ان انا كل يوم خروج من البيت كل يوم العربيه ماشيه

بس هيا الفكره فى حاجه حافظ على العربيه ان شاء الله حاتكون معاك ذى الفل ( معاده زورار الكسيت d: ) الحقيقه انا تجروبتى مع المانويل مش الاوتو
اتمنى انى اكون ادرت اقدم لحضرتك اى افاده فى الموضع

[Hmatchy]

اللى انا شايفو من العربية ان زيها زى اى عربية صونها تصونك هينها تهينك
حضرتك اى عربية بعد 3 سنين استخدام لازم هيظهر فيها حاجات
و انا مستنى اى حد من الناس اللى معاها عربيات من موديلات 2009 من اى نوع يقولوك ان لحد دلوقتى بيعمل صيانات بس ومفيش اى حاجة ظهرت فى العربية
عن نفسى العربيه عامل بيها 63 الف كيلو اللى باظ متور المساحات و ناس كانت نصحتنى بمحلول كده اجيبو بس كسلت و اتعافيت على المساحات فا باظت لو هتعتبرو عيب صناعه
كام لمبة
الكلاكس علشان كنت فى زفة و زمررت كتير
الكليبس اللى بتمسك حمالة الكبوت
دراع الاشارات بيعلق شوية لما ادى اشارة و اقلب نور .... نور التابلوه بيطفى و يشتغل
بس كده

[Mostafa Hessen]

السلام عليكم ورحمة الله

اخى الكريم

اى عربيه صونها تصونك هينها تهينك

اى عربيه استعملها كويس ومتهملش فيها

العربيه دىبقه بالأخص ركوبه محترمه وحتحس بفرق فيها امكانيتها كويسه وعمليه وانا عن نفسى اتعاملت معاها واستعملتها بقسوة واعنى كلمة بقسوه
طرق مكسره سفر وتحميل فى العربيه وجرى وماشى بيها 150000 كم ولله الحمد
واعتقد دى مسافه كافيه علشان تحكم ومده تقريبا 4 سنوات
يعنى مش 3 سنين والعربيه فعلا حلوة الحمد لله
كل اللى كنت بحتاجله هو الزيت والفلاتر وميه الريداتير والكاوتش وغيرت جلب المقاصات مرتين وتمنهم الأتنين 80 جنيه
ولسه مغير طقم دبرياج بسبب بليه الدبرياج كانت صوتها على فغير الطقم كاه رغم ان الديسك والأسطوانه كانو كويسين وتمن الطقم 370 جنيه وده سعر كويس وغيرتهم لى 150000 كم ودى مسافه كويسه
اعتقد العربيات حلوة وكويسه رغم انى فعلا مهمل فيها الفتره الأخيره بس شيلانى والحمد لله
استخير ربنا
وبالتوفيق

[akmm]

الصينى اغلب عربياته مظلومه .................

[m_galal_elgalaly]

السلام عليكم ورحمة الله

اخى الكريم

اى عربيه صونها تصونك هينها تهينك

اى عربيه استعملها كويس ومتهملش فيها

العربيه دىبقه بالأخص ركوبه محترمه وحتحس بفرق فيها امكانيتها كويسه وعمليه وانا عن نفسى اتعاملت معاها واستعملتها بقسوة واعنى كلمة بقسوه
طرق مكسره سفر وتحميل فى العربيه وجرى وماشى بيها 150000 كم ولله الحمد
واعتقد دى مسافه كافيه علشان تحكم ومده تقريبا 4 سنوات
يعنى مش 3 سنين والعربيه فعلا حلوة الحمد لله
كل اللى كنت بحتاجله هو الزيت والفلاتر وميه الريداتير والكاوتش وغيرت جلب المقاصات مرتين وتمنهم الأتنين 80 جنيه
ولسه مغير طقم دبرياج بسبب بليه الدبرياج كانت صوتها على فغير الطقم كاه رغم ان الديسك والأسطوانه كانو كويسين وتمن الطقم 370 جنيه وده سعر كويس وغيرتهم لى 150000 كم ودى مسافه كويسه
اعتقد العربيات حلوة وكويسه رغم انى فعلا مهمل فيها الفتره الأخيره بس شيلانى والحمد لله
استخير ربنا
وبالتوفيق

هى الاسعار دى يا باشا اسعار التوكيل ولا برة ولو برة بتملها الصيانة فين ممكن اي حد يشتغل فيها ولا فى ناس معينين.

[احمد نور الدين]

هى الاسعار دى يا باشا اسعار التوكيل ولا برة ولو برة بتملها الصيانة فين ممكن اي حد يشتغل فيها ولا فى ناس معينين.

متاااااااااااااااااااااااااااااااااااااااابع